Иран Ислам Шурасы Мәҹлисинин сәдри азәрбајҹанлы һәмкары илә ҝөрүшдә реҝионданкәнар өлкәләрин мүдахиләсинә гаршы чыхарарг вурғулајыб ки, рәсми Теһран сәрһәдләрдә һеч бир ҝеосијаси дәјишиклији гәбул етмир.
Асија Парламент Ассамблејасынын (АПА) 13-ҹү Пленар Сессијасында иштирак етмәк мәгсәдилә Түркијә Республикасынын Анталја шәһәриндә ишҝүзар сәфәри чәрчивәсинә кечирилән һәмин ҝөрүшдә Мәһәммәд Багир Галибаф ики өлкә әлагәләринин әһәмијјәтинә тохунараг Азәрбајҹан Республикасы илә мүхтәлиф сијаси, игтисади вә парламент саһәләриндә әмәкдашлығын ҝенишләндирилмәсини дәстәкләјиб вә дејиб: “Азәрбајҹан бир гоншу өлкә кими Иран Ислам Республикасы үчүн хүсуси әһәмијјәт кәсб едир вә онунла икитәрәфли әлагәләрлә јанашы, парламентләрарасы әлагәләрә дә хүсуси өнәм верир”.
Иранлы спикер әлавә едиб: “Реҝионал вә глобал сәһнәдә бир-биримизлә јахшы әлагәләр гура биләрик вә реҝион өлкәләри нә гәдәр бир-биринә јахын олсалар, реҝион үчүн бир о гәдәр јахшыдыр вә реҝионданкәнар өлкәләрин бу мәсәләјә мүдахиләсинә иҹазә верилмәмәлидир”.
Онун сөзләринә ҝөрә, Иран дөвләти Азәрбајҹан Республикасы илә әлагәләрин инкишафында ајдын мөвгејә маликдир вә онунла тиҹарәт мүбадиләләрини артырмаға, һабелә трансит саһәсиндә әмәкдашлыға һәр заман һазырдыр.
Гафарава ејни заманда вурғулајыб: “Биз сәрһәддә һеч бир ҝеосијаси дәјишиклији гәбул етмирик. Биз сүлһ вә тәһлүкәсизлији дәстәкләјирик вә реҝионда сүлһ вә сабитлијин олмасыны истәјирик”.
Өз нөвбәсиндә Азәрбајҹан Милли Мәҹлисинин сәдри Саһибә Гафарова Азәрбајҹанын реҝионда сүлһ вә тәһлүкәсизлијин тәмин олунмасы вә әмәкдашлығын инкишаф етдирилмәси истигамәтиндә тәшәббүсләри һаггында мәлумат вериб.
342/
