Бакы медиасында сон үч онилликдә ганунсуз рајон кими “мухтаријјәт” ады алтында суи-истифадә едилән Нахчыван Мухтар Республикасынын ҝуја “мухтаријјәт”инин ләғви үчүн јөнәлмиш һәрәкәтләрә старт верилиб.
Бакы мәтбуатында Нахчыванын “мухтаријјәтинин” ләғви еһтималы ҝүндәмә ҝәләндән сонра Милли Мәҹлисин депуататы ҝүнүнсәси.инфо портал илә мүсаһибәдә дејиб: “Дүшүнмүрәм ки, һал-һазырда бу мәсәлә сијаси бир зәрурәтә чеврилиб. Ҝәләҹәкдә Зәнҝәзур дәһлизи ачыларса, јахуд реҝионда интеграсија просесләри Авропа Иттифагында олдуғу сәвијјәјә гәдәр инкишаф едәрсә ки, реҝионун ваһид дөвләт вә ҝөмрүк сәрһәдләри олсун, о заман бу мәсәлә хүсуси актуаллыг кәсб едәр. Амма о фикирлә дә разы дејиләм ки, Нахчыванын Мухтар Республика статусу 1921-ҹи ил Москва вә Гарс мүгавиләләри илә тәсбит олундуғундан ону дәјишдирә билмәрик. 1929-ҹу илдә совет һакимијјәти Нахчыванын 9 кәндини вә хејли әкин саһәләрини Ермәнистана бағышлајыб. Биз бәзән һәмин сазишләрә истинад етсәк дә, 1922-ҹи илдә Совет Сосиалист Республикалары Иттифагынын јаранмасы илә һәмин мүгавиләләр өз әһәмијјәтини вә гүввәсини итириб”.
“Нахчыван мухтаријјәти”нин мүмкүн ләғви вә әслиндә Нахчываны идарә едән ганунсузлуглара һагг газандыран депутат сонра гејд едиб: “Нахчыванда дөвләт идарәетмә хәрҹләри азалдылмалыдыр. Нахчывана елә-белә "назирләр дијары” демирләр. О гәдәр назирллик, комитә, хидмәт вә с.мәркәзи иҹра һакимијјәти органы, назир, мәмур, вәзифәли шәхс вар ки, јерли сакинләрин чоху онларын әлиндән вә ишсизликдән бөлҝәни тәрк едибләр, иш далынҹа Түркијәјә, Русијаја, Азәрбајҹанын диҝәр бөлҝәләринә үз тутублар. Реал вәзијјәтин нә дәрәҹәдә аҹынаҹаглы олмасыны билмәк үчүн Азәрбајҹанын Мәркәси Иҹра Һакимијјәт органлары Нахчыванда әһалинин сијаһыја алынмасыны һәјата кечирмәлидир. Балаҹа бир јер олса да, һеч бир еһтијаҹ олмадан јени рајонлар јарадылыб, Азәрбајҹанын бүтүн дөвләт идарәетмәси паралел олараг ора көчүрүлүб. Иш јерләринин ачылмасы, дөвләт идарәетмәсиндә јени вәзифәләрин јарадылмасы кими гавранылыб”
342/
