Иран Ислам Ингилабы Кешикчиләри Корпусу СЕПАҺ-ын Аерокосмик Гүввәләринин команданы бригада ҝенералы Әмир Әли Һаҹызадә вә өлкәнин силаһлы гүввәләринин бир груп рәсмисинин иштиракы илә "Гаем-100" пејк дашыјыҹысы уғурла сынагдан кечирилиб.
"Гаем-100" үч мәрһәләли бәрк јанаҹаглы пејк дашыјыҹысыдыр ки, 80 килограм ағырлығында олан пејкләри јер сәтһиндән 500 километр узаглыгдакы орбитә јерләшдирмәјә гадирдир.
Бригада ҝенералы Әмир Әли Һаҹызадә сынаг бурахылышы мәрасиминдә дејиб: "Американын шәр вә террорчу режиминин башчылыг етдији тәкәббүрлү өлкәләр бүтүн варлыгларыны вә имканларыны сәфәрбәр едәрәк, Иран халгынын тәрәггисинә гаршы сыраја дүзүлүбләр вә Иран Ислам Республикасынын гүрурвериҹи уғурларына дөзә билмирләр".
Бригада ҝенералы Әмир Әли Һаҹызадә, һәмчинин билдириб ки, јахын ҝәләҹәкдә “Наһид” пејки “Гаем-100” бәрк јанаҹаглы дашыјыҹысы васитәсилә орбитә чыхарылаҹаг.
342/
