Һүсејн Әмир-Абдуллаһијан илә Азәрбајҹан Республикасынын хариҹи ишләр назири Ҹејһун Бајрамов арасында ҝедән сөһбәт заманы бәзи икитәрәфли мәсәләләр, о ҹүмләдән реҝионал вә бејнәлхалг аләмдә үмуми мараг доғуран мәсәләләр мүзакирә олунуб.
Иранлы назир Иран Ислам Республикасы илә Азәрбајҹан Республикасы арасында јахшы мүнасибәтләрә вә Астанада ики өлкә президентләринин сон ҝөрүшүнә тохунараг, реҝион өлкәләринин, о ҹүмләдән Азәрбајҹан Республикасынын әрази бүтөвлүјүнүн тохунулмаз олдуғуну вурғулајыб вә дејиб: “Биз һәмишә бу бөлҝәдә әҹнәбиләрин мөвҹуд олмасынын вәзијјәти чәтинләшдирдијинә инанырыг вә бу варлығын әлејһинәјик.”
Һ.Әмир-Абдуллаһијан даһа сонра әлавә едиб: Иран Ислам Республикасы Гафгаздакы ихтилафларын дүзҝүн һәллини 3+3 иҹласында вә реҝионал механизмләрдә ахтарыр вә Азәрбајҹан Республикасы илә Ермәнистан арасында проблемин һәлли истигамәтиндә һәмишә сәјләрини давам етдирәҹәк.
Иранын дипломатија апаратынын рәһбәри гејд едиб: “Биз реҝионун тәһлүкәсизлијини бир-биринә бағлы мәсәлә һесаб едирик вә Азәрбајҹан Республикасынын тәһлүкәсизлијини реҝионун вә Иранын тәһлүкәсизлији һесаб едирик вә һәр һансы бир гүввәнин бу бөлҝәдә јерләшдирмәсинә гаршы олдуғумузу бәјан етмишик. Зира бөлҝәдәки хариҹи гүввәләрин иштиракы сүлһә, сабитлијә вә реҝионал әмәкдашлыға зиддир.
Бу телефон данышығында Азәрбајҹанын хариҹи ишләр назири Ҹејһун Бајрамов да ики өлкәнин хариҹи ишләр назирләри арасында бирбаша вә давамлы әлагәни Теһранла Бакы арасында әлагәләрин дәринлијинин ҝөстәриҹиси һесаб едәрәк дејиб: “Биз бу әлагәләри гијмәтләндиририк вә Иран Ислам Республикасынын реҝионал сүлһ вә сабитлијә көмәк етмәк сәјләрини јүксәк гијмәтләндиририк.”
Сонда Ҹ.Бајрамов һәмчинин бөлҝәјә хариҹи гүввәләрин јерләшдирилмәсинин әлејһинә олдуғуну билдириб вә реҝионда сабитлик вә тәһлүкәсизлијә көмәк етмәк үчүн реҝионал әмәкдашлығын, о ҹүмләдән 3+3 форматында бунун реаллашмасынын ваҹиблијини вурғулајыб.
Азәрбајҹан Республикасынын хариҹи ишләр назири сонда Иран Ислам Шурасы сәдринин Бакыја ҝөзләнилән сәфәрини икитәрәфли әлагәләрин инкишафына көмәклик ҝөстәрән мүһүм аддым кими гијмәтләндириб.
342/
