Ҹејһун Бајрамов МДБ Хариҹи Ишләр Назирләри Шурасынын Астана шәһәриндә кечирилән иҹласында чыхышы заманы буну дејиб.
О, иҹлас иштиракчыларыны 44 ҝүнлүк мүһарибә сонрасы бөлҝәдә јаранан јени реаллыглар фонунда ҹари вәзијјәт барәдә, о ҹүмләдән Азәрбајҹан вә Ермәнистан арасында сүлһ просесинин ирәлиләдилмәси илә бағлы мәсәләләрлә бағлы мәлуматландырыб. О, мүнагишәнин битмәсинин, игтисади вә коммуникасја әлагәләринин бәрпасы јолу илә бөлҝәдә узунмүддәтли сүлһ вә сабитлијиә наил олмаг үчүн јени имканлар јаратдығыны билдириб.
Назир азад олунмуш әразиләрдә Азәрбајҹан һөкумәти тәрәфиндән һәјата кечирилән ҝенишмигјаслы гуруҹулуг ишләриндән, мәҹбури көчкүнләрин өз евләринә ҝери дөнүшүнү тәмин етмәк үчүн ҝөрүлән фәал ишләрдән бәһс едиб.
Азәрбајҹанын ХИН рәһбәри сонра Ермәнистан тәрәфиндән тәхрибатларын давам етдирилдијини иддиа едиб вә дејиб ки, Ермәнистанын бу һәрәкәтләри бөлҝәдә сүлһ вә сабитлијин тәмин олунмасы сәјләринә хәләл ҝәтирир.
Назир сөһбәтинин сонунда Азәрбајҹан Республикасынын мүнасибәтләрин нормаллашмасы вә данышыглар просесинин ирәли апарылмасы истигамәтиндә Ермәнистан тәрәфиндән реал аддымларын атылмасыны ҝөзләдијини сөјләјиб.
342/
