Владимир Путин МДБ дөвләт башчыларынын гејри-рәсми ҝөрүшүндә чыхыш едәркән гејд едиб ки, МДБ Дөвләт Башчылары Шурасынын ҝәлән һәфтә Астанада кечириләҹәк там форматлы иллик иҹласына гәдәр "саатлары синхронлашдырмаг" имканы вар.
"Газахыстанын сәдрлији өз ҝүндәлијинә сијасәт, игтисадијјат вә һуманитар саһәдә интеграсија әмәкдашлығынын һәгигәтән мүһүм мөвзуларыны тәгдим едир. Һәмишә олдуғу кими, тәсдигләнмә үчүн бирҝә сәнәдләр пакети һазырланыр. Тәбии ки, бу ҝөрүшдә вә саммитдә биз Астанада МДБ чәрчивәсиндә тиҹарәт вә инвестисија тәрәфдашлығынын даһа да инкишафына үстүнлүк верәҹәјик, икитәрәфли вә чохтәрәфли әмәкдашлыг әлагәләринин гурулмасы јолу илә бүтүн игтисадијјатларымызын сабитлијини артырмаг, техноложи суверенлијин тәмин едилмәси үчүн бирҝә иши неҹә ҝүҹләндирмәк барәдә дүшүнәҹәјик", - Путин билдириб.
Русија лидери бу контекстдә дөвләтләр арасында игтисади әмәкдашлығын давамлы олараг ҝенишләндијини, өтән ил Русијанын МДБ өлкәләри илә тиҹарәт дөвријјәсинин 30 фаиздән чох - 96 милјард доллара гәдәр артдығыны, ҹари илин биринҹи јарысында исә даһа 7 % артдығыны гејд едиб.
Путинин сөзләринә ҝөрә, бу, Бирлик дөвләтләринин малијјә суверенлијини ҝүҹләндирмәјә, дахили капитал базарларыны инкишаф етдирмәјә вә реҝионал игтисади интеграсијаны дәринләшдирмәјә көмәк едәҹәк.
342/
