бу барәдә Прагада Азәрбајҹан Республикасынын Президенти Илһам Әлијев, Франса Республикасынын Президенти Еммануел Макрон, Авропа Иттифагы Шурасынын Президенти Шарл Мишел вә Ермәнистан Республикасынын баш назири Никол Пашинјан арасында баш тутан ҝөрүшдән сонра Јелисеј сарајынын рәсми сајтында дәрҹ едилмиш бәјанатда дејилир.
Сәнәддә вурғуланыб ки, Ермәнистан вә Азәрбајҹан Бирләшмиш Милләтләр Тәшкилатынын Низамнамәсинә вә һәр ики тәрәфин бир-биринин әрази бүтөвлүјүнү вә суверенлијини таныдығы 1991-ҹи ил Алма-Ата Бәјаннамәсинә садигликләрини тәсдигләјибләр.
“Онлар тәсдигләјибләр ки, бу, сәрһәдләрин делимитасијасы комиссијаларынын иши үчүн әсас олаҹаг вә октјабрын сонунадәк сәрһәд комиссијаларынын нөвбәти иҹласы Брүсселдә баш тутаҹаг.”- Бәјанатда дејилир.
Јелисеј сарајы өз бәјанатында әлавә олараг билдириб ки, Ермәнистан Азәрбајҹанла сәрһәддә АИ-нин мүлки миссијасына јардым ҝөстәрмәјә разылашыб. Азәрбајҹан бу миссија илә она аид олдуғу дәрәҹәдә әмәкдашлыға разылыг вериб.
Бәјанатда дејиләнә ҝөрә миссија октјабр ајында фаәлијјәтә башлајаҹаг вә максимум ики ај мүддәтиндә давам едәҹәк.
“Миссијанын мәгсәди - ҝүвән јаратмаг вә өз һесабатлары васитәсилә сәрһәд комиссијаларынын фәалијјәтинә төһфә вермәкдир”-дејә, бәјанатда гејд олунуб.
Авропа Иттифагы Шурасынын Президенти Шарл Мишел исә Прагада кечирилән 4 тәрәфли ҝөрүш барәдә твитер сәһифәсиндә белә јазыб:
"Прагада Азәрбајҹан Президенти, Ермәнистанын Баш назири вә Франса Президенти илә ҝәрҝинлијин давамлы азалдылмасыны вә Авропа Иттифагынын дәстәкләмәјә һазыр олдуғу сүлһ сәјләринин интенсивләшдирилмәсини мүзакирә етдик".
Гејд едәк ки, Алматы Бәјаннамәси 1991-ҹи ил декабрын 21-дә имзаланыб. Бу, әслиндә ССРИ-нин дағылмасыны рәсмиләшдирди вә МДБ-нин јарадылмасыны елан етди. Бәјаннамәни имзалајан дөвләтләр бир-биринин әрази бүтөвлүјүнү вә о дөврә мөвҹуд олан сәрһәдләрин тохунулмазлығыны танымаға вә һөрмәт етмәјә сөз вердиләр. Бәјаннамәни кечмиш ССРИ-нин 12 республикасы имзалајыб.
342/
