Вашингтонун мүдахиләчи сијасәтләринин давамында АБШ президенти Ҹо Бајден бир бәјанатда Иранда баш верән сон һадисәләрә мүнасибәт билдириб.
Америка вә Гәрб өлкәләринин инсан һаглары илә бағлы икили сијасәтләри вар.
Онлар өз өлкәләринин халгына вә дүнја иҹтимаи рәјинә ҹаваб вермәкдән гачмаг үчүн һәмишә Гәрбин һөкмранлығына гаршы чыхан өлкәләрдә инсан һагларынын вәзијјәтини шүбһә алтына алырлар.
"ИРНА"нын мәлуматына ҝөрә, Иран Хариҹи Ишләр Назирлијинин сөзчүсү өзүнүн шәхси Твитер сәһифәсиндә Американын инсан һаглары һаггында јазыб: "Илләрдир ки, дүнја халгы Фәләстиндә, Әфганыстанда, Ирагда, Јәмәндә, Ливијада, Суријада вә һәтта АБШ-да Америка инсан һагларынын әсл вә маскасыз симасынын шаһиди олурлар".
О, президент Бајденә һуманитар жестләр етмәздән әввәл АБШ-ын инсан һаглары вәзијјәти һаггында бир аз дүшүнмәји төвсијә едиб, лакин әлавә едиб ки, икиүзлүлүк барәдә дүшүнмәк лазым дејил.
Иран Хариҹи Ишләр Назирлијинин сөзчүсү гејд едиб ки, АБШ президенти һәр һансы бир халга гаршы тәтбиг едилмәси бәшәријјәтә гаршы ҹинајәтин бариз нүмунәси олан Иран халгына гаршы сајсыз-һесабсыз вә АБШ Администрасијасынын етираф етдији кими, ҝөрүнмәмиш вә ифлиҹедиҹи санксијалардан нараһат олмалыдыр.
342/
