Гардиан бу һагда јазыб ки, һәмкарлар иттифаглары бу ил илк дәфә олараг, бу һәрәкәтә гошулублар.
Инҝилтәрәнин бир чох бөлҝәләриндә һеч бир гатар һәрәкәт етмир. Лондон-Биеменһем вә Манчестер-Единбург кими бәзи шәһәр маршрутларында һеч бир бирбаша хидмәт ҝөстәрилмир.
Машинистләрин тәтилинә әсасән, гатарларын һәрәкәтләринә нәзарәт едән шәхсләр шәнбә ҝүнү ади програмларын тәхминән он бир фаизини јеринә јетирибләр.
Бу дәфә гатарларын һәрәкәтләриндәки позунтулар Инҝилтәрә дәмирјолу ширкәтләри ишчиләринин диҝәр тәтилләриндән даһа ҝениш олуб, зира «Дәмирјолу, дәнизчилик вә нәглијјат ишчиләринин үмумөлкә иттифагы», «Јанғынсөндүрәнләр вә локомотив мүһәндисләри ҹәмијјәти» вә «Нәглијјат ишчиләри ҹәмијјәти»нин үзвләри һамылыгла бу 24 саатлыг тәтилдә иштирак едиб. Бу тәтил мүһафизәкарларын Бирменһемдә кечирилән конфрансынын башланмасы илә бир замана дүшүбдүр.
Өтән ај кечирилмәси планлашдырылан тәтилләр кралича икинҹи Елизабетин матәм мәрасиминә ҝөрә, ләғв едилди. Шәнбә ҝүнү « Аванти Wест Ҹоаст» дәмирјолу ширкәтинин гатарларындан һеч бири һәрәкәт етмир вә Инҝилтәрә илә Уелс арасында һеч бир хидмәт мөвҹуд дејилди.
Инҝилтәрәнин дәмирјолу системи шәнбә ҝүнү гатарла сәфәр етмәк истәјән сәрнишинләрә төвсијә етди ки, јалныз лазым олан тәгдирдә бу иши ҝөрсүн вә һәрәкәтдә позунтуларын олаҹағыны нәзәрә алсынлар. Инҝилтәрәнин дәмирјолу шәбәкәләринин хидмәтләриндә базар ҝүнү сәһәр дә тәхирләрин олаҹағы тәхмин едилмишди.
Гаршыдакы чәршәнбә вә шәнбә ҝүнләри үчүн даһа чох тәтилләр планлашдырылыбдыр.
«Ипсус Мори» мүәссисәсинин рәј сорғусуна әсасән, Инҝилтәрә халгынын әксәр һиссәси һал-һазырда дәмирјолу тәтилләрини һимајә едир.
Инҝилтәрә халгынын 43 фаизи һәмкарлар иттифагларынын бу аддымына дәстәк верир, отуз бир фаиз исә она гаршы чыхыр. Респондентләрин әлли ики фаизи дә дејир ки, дәмирјолу бирликләринин дәрдинә шәрик чыхыр.
Бу тәтилләр әмәк шәраитинә вә маашларын ашағы олмасына етираз олараг, кечирилир.
342/
