АБНА24 Хәбәр Верир , Данимарканын ифратчы сағчы партијасынын лидери Расмус Палудан Исвеч полисинин етиразына бахмајараг Линккупингдә Гуранын нүсхәсини јандырыб вә онун видеосуну сосиал шәбәкәдә јајыб.
Палудан Линкөпингдәки Әл-Рисалат мәсҹидинин јанында һеч кимин олмамасындан суи-истифадә едәрәк Гурани-Кәримә гаршы јени бир ҹинајәт төрәдиб вә тәхрибат һәрәкәтиндән сонра дәрһал һадисә јериндән гачыб.
Исвеч полиси ҹүмә ҝүнү елан едиб ки, онлар Палуданын Исвечин мүхтәлиф шәһәрләриндә 1 Мај Ишчи Бајрамы илә ејни вахта тәсадүф едән Гурани-Кәрими јандырмаг үчүн нүмајишләр тәшкил етмәк чағырышына гаршы чыхыблар.
Бу арада Исвечин Малм шәһәри Палуданын нөвбәти Ишчи Бајрамы аксијасы кечирмәк гәрарына јенидән етиразлара сәһнә олуб. "Нианҹе" партијасынын тәшкил етдији нүмајишдә "Гуран јандырмаға сон" вә "Исламофобијаја сон" кими шүарлар јазылмыш плакатлар асылыб.
"Нианҹе" партијасынын лидери Михаил Јүксәл Палуданын тәхрибат характерли һәрәкәтләринә сон гојмаға чағырыб вә дејиб: "Бу екстремист Исвечдә дахили иғтишашлар јаратмаға чалышыр. Һәмчинин полислә мүсәлманларын арасыны вурмаг истәјир вә бу мәсәлә диггәтә алынмалыдыр".
342/
2 may 2022 - 11:58
Xəbər kodu: 1254132
Данимарканын ифратчы сағчы партијасынын Исвечдәки лидери нөвбәти дәфә өлкәдәки мәсҹидин јахынлығында Гурани-Кәримин нүсхәсини јандырыб.
