И.Әлијев Русијаја ҝөрә хәзәрјаны өлкәләри иттиһам едиб

АБНА24 Хәбәр Верир , Азәрбајҹан Республикасынын Президенти Илһам Әлијев апрелин 29-да АДА Университетиндә кечирилән “Инкишаф вә әмәкдашлыг” мөвзусунда бејнәлхалг конфрансдакы чыхышында бирд аһа хатырладыб ки, Русија 44 ҝүнлүк мүһарибәдә давамлы олараг Ермәнистаны силаһландырыбмыш.

“Мән иҹтимаијјәтә дәфәләрлә бәјан етмишәм, 44 ҝүнлүк мүһарибә әрзиндә мүнтәзәм олараг ҝүндә бир нечә дәфә Русијадан Ермәнистана силаһ дашыјан карго тәјјарәләри олуб.

Азәрбајҹан Республикасы президенти Ҝүрҹүстанын рәсми Бакынын хаһишиндән сонра һава вә гуру јолларыны Русијадан Ермәнистана силаһ нәгли үзәринә бағладығына ҝөрә бу өлкәјә өз тәшәккүрүнү билдирсә дә хәзәрјаны өлкәләри бу барәдә иттиһам едиб:”Биз бүтүн Хәзәрјаны дөвләтләрә Ермәнистана силаһ дашыјан Русија карго тәјјарәләринә иҹазә вермәмәләринә даир мәктуб ҝөндәрдик. Биз буну Газахыстана, Түркмәнистана вә Ирана ҝөндәрдик. Тәәссүф ки, бу тәјјарәләр Ермәнистана дахил оларкән бу өлкәләрин әразиләриндән истифадә едирдиләр. Бу белә иди вә биз 44 ҝүнлүк мүһарибәнин бу тәрәфини ҝизләтмәмәлијик”, - Президент Илһам Әлијев вурғулајыб.

Беләликлә Азәрбајҹан Республикасы президенти Түрк Дөвләтләри Шурасынын үзвләринин 44 ҝүнлүк мүһарибәдә Ермәнистана силаһ тәдарүкүндә иштирак етдикләрини етираф етмиш олуб.

Илһам Әлијевин Ирана гаршы иттиһамына ҝәлинҹә исә гејд едәк ки, о 2020-ҹи ил октјабрын 16-да Түркијәнин “А Һабер” телевизија каналына мүсаһибәсиндә Иранын гуру вә һава јолларыны Ермәнистан үзәринә бағладығына ҝөрә өз тәшәккүрүнү билдирмишди:

“Ирандан Ермәнистана силаһларын ҝөндәрилмәси илә әлагәдар биздә һәр һансы бир мәлумат јохдур. Әксинә, дејә биләрәм ки, Иран вә Ҝүрҹүстан өз һава мәканыны вә гуру јолларыны Ермәнистана силаһларын дашынмамасы үчүн бағлады. Буна ҝөрә биз Иран вә Ҝүрҹүстан һөкумәтләринә бир даһа тәшәккүрүмүзү билдирмәк истәјирик”,- Илһам Әлијев “А Һабер”-ә мүсаһибәсиндә демишди.

Гејд едәк ки, Азәрбајҹан Республикасы президенти 44 ҝүнлүк мүһарибә заманы Русијанын Ермәнистана силаһ ҝөндәрмәсини дәфәләрлә дилә ҝәтирсә дә нә о заман нә дә ондан сонра Русијаја етираз билдирмәмишдир, Әксинә Украјна мүһарибәсинин башландығы ҝүн Москвада Русија президенти Владимир Путин илә мүттәфиглик мүгавиләси имзаламышдыр.

342/