АБНА24 Хәбәр Верир ,Митинг бу ҝүн сәһәр бәзи әфган халг гурум вә партијасы тәрәфиндән вә Кабил сакинләриндән бир групунун иштиракы илә кечирилиб.
Иран вә Әфганыстан халгларынын достлуғу әламәти олараг, аксија иштиракчыларынын әлләриндә ҝүл шахә вә дәстәләри олуб.
Бәзи аксија иштиракчылары Иран-Пресс информасија аҝентлији илә мүсаһибәдә дүшмәнләрин Иран вә Әфганыстан халгларына гаршы фитнәкарлыглары гаршысында сајыглығын өнәминә тәкид едибләр.
Иранын Әфганыстандакы сәфири Баһадыр Әминиан Иран-Пресс информасија аҝентлији илә мүсаһибәдә вурғулајыб: Әҝәр ики тәрәфин мүдрик шәхсләри вә башчылары фитнәнин мигјасларыны нәзарәтә ала билмәзләрсә, бунун дағыдыҹы тәсири ола биләр. Әфганыстандакы бу фитнәкарлыға сәбәб олан мүхтәлиф клипләрин јајылмасы, бу өлкә халгындан бәзиләринин зеһниндә тәсир бурахыб, рәфтарларыны формашдырыбдыр.
Иран-Әфганыстан әлагәләринин бәдхаһларындан бир групу сосиал шәбәкәләрдә ики өлкә дүшмәнләринин шүбһәли тәфригәсалма тәлгинләринин тәсири алтында базар ертәси ҝүнү Иран Ислам Республикасынын Кабилдәки сәфирлији вә Һәратдакы консуллуғу гаршысына топлашыб вә даш атмаға башлајыбдыр.
Бу шәхсләр Иранын Һәратдакы консуллуг бинасына һүҹумдан сонра бинанын гаршысында автомобил шинләрини јандырмагдан әлавә, онун тәһлүкәсизлик камераларыны да сындырыблар.
Әфганыстанда Талибан дөвләтинин информасија вә мәдәнијјәт идарәсинин рәиси Нәимүлһәгг Һәггани бир груп намәлум шәхсин базар ертәси ҝүнү Иранын Һәратдакы консуллуг бинасынын гаршысына топлашмасы вә она һүҹум етмәсини өзбашына һәрәкәт адландырыб.
Иран Ислам Республикасынын хариҹи ишләр назири Һүсејн Әмир-Абдуллаһиан вурғуламышды ки, Әфганыстандакы һаким даирә Иранын дипломатик мәркәзләринә гаршы һүҹум һагда изаһат вермәлидир.
342/
14 aprel 2022 - 10:15
Xəbər kodu: 1247868
Әфганыстан халгы Иранын Кабилдәки сәфирлији өнүндә «Фитнәкарлара-јох; әфганыстанлы-иранлы, бирлик-бирлик- биз гардашыг!» шүары илә ири бир митинг кечириб.
