Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, азәрбајҹанлы политолог бәјан едиб ки, Русијаны Гарабағ мүнагишәсинин һәлли илә бағлы сијаси просесләрдән кәнарда сахламаг олмаз.
Сијаси експерт Натиг Ҹәфәрли бу һагда дејиб: “Брүсселдә кечирилән саммит нәтиҹәсиндә Азәрбајҹан Республикасы илә Ермәнистан арасында икитәрәфли сүлһ просесинин башланмасына бахмајараг, Русија бундан сонра да Гарабағ сијаси просесиндән кәнарда галмајаҹаг”.
Н.Ҹәфәрли “Мүсават ТВ” интернет каналы илә мүсаһибәдә гејд едиб ки, Брүссел бәјанатында “Дағлыг Гарабағ” ифадәсиндән истифадә олунмаса да, Русијанын ролу јүксәк гијмәтләндирилиб. Әлбәттә ки, ән мүһүм уғур ондан ибарәтдир ки, ики өлкә арасында тәклиф олунан сүлһ разылашмасынын һазырланмасы үчүн Азәрбајҹан Республикасы вә Ермәнистан Хариҹи Ишләр Назирликләриндән ибарәт ишчи групу јарадылаҹаг. Тәбии ки, ики өлкәнин хариҹи ишләр назирләри сәвијјәсиндә Москвада да ҝөрүш кечириләҹәк! Бу ҝөрүш ја Русија хариҹи ишләр назиринин иштиракы илә үчтәрәфли олаҹаг, ја да икитәрәфли гајдада Москвада тәшкил олунаҹагдыр! Беләликлә дә бу ҝөрүшләрдә Русијанын Гарабағ мүнагишәсинин һәлли илә бағлы сијаси просесдә галмасы тәәссүраты јаранаҹагдыр! »
Азәрбајҹан Республикасы Реал Партијасынын сәдр мүавини һәмчинин сон ҝүнләр Товуз бөлҝәсиндә Ермәнистан тәрәфиндән баш вермиш һәрби ҝәрҝинлијин архасында Русијанын тәхрибатынын мүмкүнлүјүнү гејд едиб. “Азәрбајҹан Республикасынын коммуникасија вә енержи хәтләринин бу әразидән кечдијини нәзәрә алараг Русија бу ҹүр тәхрибатла бу хәтләрин тәһлүкәсизлијинин Русијадан асылы олдуғуну ҝөстәрир. Әслиндә Русијанын провокасијасы Азәрбајҹан Республикасынын бору кәмәрләриндән Авропаја енержи ихраҹынын артырылмасы имканларына бир нөв һәссаслығындан ирәли ҝәлир. Чүнки индијәдәк Русија Авропанын енержи тәҹһизатында монополија вә үстүн мөвгејә малик олуб. Русија да Товуз бөлҝәсиндә ҝәрҝинлик јаратмагла Азәрбајҹана хәбәрдарлыг етмиш олур”, - дејә Натиг Ҹәфәрли вурғулајыб.
Һазыркы глобал вәзијјәтдә Бакынын Москва илә јахын мүнасибәтләриндән данышан политолог дејиб: “Инди Русијанын вәзијјәти нәзәрә алынмалыдыр. Азәрбајҹан Республикасында рус сүлһмәрамлыларынын инди Гарабағдан говулмалы олдуғуну садәлөвһҹәсинә дејәнләр әслиндә белә бир аддымын нә илә нәтиҹәләнә биләҹәјини анламырлар. Русија 17 милјон квадрат километр әразиси олан бөјүк дөвләтдир вә һәдәфләринә һансы нөгтәдән зәрбә вураҹағы бәлли дејил!”
Диггәт: Хәбәрдән Истифадә Етдикдә Мәнбәјә Истинад Лазымдыр!
