АБНА24 Хәбәр Верир , Иранын хариҹи ишләр назири Һүсејн Әмир-Абдуллаһиан дүнән Маҹарыстанын хариҹи ишләр назири Питер Сијјарто илә телефон сөһбәтиндә ону һаким ФИДЕС партијасынын бу өлкәнин парламент сечкиләриндә галиб ҝәлмәси мүнасибәтилә тәбрик едиб.
Әмир-Абдуллаһиан Иран Ислам Республикасынын Маҹарыстанла әлагәләри ҝенишләндирмәјә вә ики өлкәнин бирҝә игтисади комиссијасынын мүхтәлиф саһәләр үзрә икинҹи иҹласында әлдә олунмуш разылашмалары һәјата кечирмәјә һазыр олдуғуну билдириб.
Иранын хариҹи ишләр назири Вјана мүзакирәләринә дә тохунуб: Иранын тәшәббүсләринә әсасән, мүзакирәләрдә мүһүм ирәлиләјилшләр әлдә олунуб, амма Иранла Америка арасында бәзи мөвзулар һәлә дә өз һәллини тапмајыб вә Авропа Бирлијинин баш мүзакирәчиси васитәсилә онларын барәсиндә месажлар мүбадиләси давам едир.
Әмир-Абдуллаһиан һәмчинин американ тәрәфин реалист олаҹағы тәгдирдә, Иранын јахшы вә стабил бир разылашмаја наил олмаг саһәсиндә ҹидди олдуғуну вурғулајыб.
Маҹарыстанын хариҹи ишләр назири Питер Сијјарто да бу телефон сөһбәтиндә өнҹә иранлы һәмкарыны өлкәсинә сәфәрә дәвәт едиб. Сонра вурғулајыб ки, Маҹарыстан һөкумәтинин хариҹи сијасәти чәрчивәсиндә Иран Ислам Республикасы илә икитәрәфли һәмкарлыгларын ҝенишләндирмәсинә садигдир.
Сијјарто гејд едиб ки, Теһранын Вјана мүзакирәләриндә јекун разылашманын әлдә олунмасына олан конструктив јанашмасы олдугҹа дәјәрлидир.
342/
8 aprel 2022 - 10:56
Xəbər kodu: 1245929
Украјна бөһранына тохунан Иран хариҹи ишләр назири саваш вә санксијаны рәдд едиб. Дејиб ки, Иран Украјнада сијаси һәлл јолу үзәриндә тәмәркүзләшмәјә чағырыр.
