АБНА24 Хәбәр Верир ,Бенјамин Нетанјаһу Ликуд партијасынын иҹласында Вјана мүзакирәләри барәдә сусдуғуна ҝөрә, Нафтали Беннет вә Бени Гантсын дөври һөкумәтини кәскин ифадә тәрзи илә тәнгид едиб.
О, дејиб: Беннет-Гантс-Лапид һөкумәтиндә јалныз зәифлик вар; зәифлик вә јалныз зәифлик.
Сионист режимин һазыркы һөкумәтинин Русија илә Украјна арасында васитәчилик үзрә сәјләринә ишарә едән Нетанјаһу дејиб ки, Иранын нүвә анлашмасы, һөкумәтин өз диггәтини/ үзәриндә тәмәркүзләшдирмәли олдуғу бир мәсәләдир.
Нетанјаһу дејиб ки, сионист режимин/ бир нечә дөвләт сәвијјәли бәјанаты истистна олмагла, бу ҝүнләрдәки сүкуту бу режимин ишғал олунмуш Фәләстиндәки үздәнираг достларынын да Иранла анлашма илә мүхалифәтләрини билдирмәмәләринә баис олубдур.
Нетанјаһу билдириб ки, онун 2015-ҹи илдәки дырнагарасы ҝүҹлү мүхалифәти Американын 2018-ҹи илдә нүвә анлашмасындан чыхмасына сәбәб олду. О, һәмчинин иддиа едиб ки, сионист режимин һазыркы һөкумәтинин сүкуту, бу режимин Иранын нүвә сајтларына гаршы еһтимал едилән ҝәләҹәк аддымларынын леҝитимлијинин чәтинликлә үзләшмәсинә баис олаҹаг.
Нетанјаһу сонра Русијанын Вјанада санксијаларын ҝөтүрүлмәси мүзакирәләриндәки нүмајәндәси Михаил Улјановун мүсаһибәсинә истинадла дејиб: Русијанын Иранын нүвә мүзакирәләриндәки нүмајәндәси Улјанов бу һәфтә белә деди: Иранлылар истәдикләриндән даһа чохуну әлдә едибләр. Онлар шир кими һәр сөз вә һәр верҝүл үстүндә мүбаризә апарырлар. Бәс бизим башмызыа нә ҝәлир? Һеч ким дөјүшмүр. Иранлылар дөјүшүрләр, амма Беннет-Лапид вә Гантс довшан кими тәслим олурлар. Һәгигәт ачыг вә ашкардыр: Һазыркы һөкумәт нүвә Ираны илә јола ҝәлмәкдәдир вә “Исраил”ин ҝәләҹәјини тәһлүкәјә салыр.
342/
9 mart 2022 - 04:54
Xəbər kodu: 1237483
Сионист режимин кечмиш баш назири бу режимин һазыркы һөкумәтинин Вјанада санксијаларын ҝөтүрүлмәси мүзакирәләри гаршысындакы мүнасибәтини кәскин шәкилдә тәнгид едиб. О, сөзләринин бир һиссәсиндә дејиб ки, иранлылар мүзакирәләр масасында шир кими дөјүшүрләр.
