АБНА24 Хәбәр Верир ,АБШ Сенатынын Республикачылар партијасындан олан үзвү Марко Рубио Украјна үзәриндә учуша гадаға гојулмасыны тәләб едәнләрә сәрт хәбәрдарлыг едиб. Онун фикринҹә, бу, јени глобал мүнагишәјә сәбәб ола биләр.
Сенатор дејиб: "Мәнҹә, инсанлар учуша гадаған зонанын нә демәк олдуғуну баша дүшмәлидирләр. Бу, сизин гәбул етдијиниз вә һәр кәсин әмәл етмәли олдуғу бир гајдаја бәнзәмир. Бу, Русија Федерасијасынын тәјјарәләрини вурмаға һазырлыгдыр вә әслиндә Үчүнҹү Дүнја Мүһарибәсинин башланғыҹыдыр”, - дејә Флоридадан олан сенатор билдириб.
Гејд едәк ки, Украјна президенти Володимир Зеленски Вашингтону өлкәси үзәриндә учуша гадаған зона јаратмаға чағырыб. Лакин һәр ики партијадан олан америкалы ганунвериҹиләр бу тәшәббүсү чох тәһлүкәли адландырыблар, чүнки бу, дүнјанын ики апарыҹы нүвә дөвләти олан АБШ вә Русија арасында бирбаша мүнагишәјә сәбәб ола биләр.
Бундан өнҹә Зеленски АБШ-дан даһа мүасир тәјјарәләр мүгабилиндә Полша вә Румынијаја Совет гырыҹыларыны Кијевә көчүрмәјә иҹазә вермәсини истәјиб. Анҹаг Полша Русијанын мүмкүн реаксијасындан еһтијатланараг бу тәклифә рәдд ҹавабы верибдир.
342/
9 mart 2022 - 04:53
Xəbər kodu: 1237481
Америкалы сенатор Украјна үзәриндә учуша гадаға гојмағын тәһлүкәси барәдә хәбәрдарлыг едиб. Бу, үчүнҹү дүнја мүһарибәсинә ҝәтириб чыхара биләр.
