АБНА24 Хәбәр Верир ,нәшр јазыр ки, Ағ Ев Москваја Украјна фаҹиәси илә бағлы мүһазирә охумаға давам едир, бу тәһлүкәли вәзијјәтдән истифадә едәрәк азадлыг вә демократијанын глобал мүдафиәчиси кими чыхыш етмәјә чалышыр. Бунунла белә, АБШ ејни заманда, әҝәр өзүнә сәрф едирсә диҝәр өлкәләрин суверенлик вә әрази бүтөвлүјү һүгугуну даим позур.
“Ла Жорнада” гејд едир ки, сон нәтиҹәдә Путини Украјнада хүсуси әмәлијјат кечирмәјә вадар едән драматик һадисәләрдә әсас ролу Вашингтон ојнајыб.
Мүәллифин фикринҹә, 2014-ҹү илин февралында Украјнада баш вермиш дөвләт чеврилиши онун мүасир тарихиндә дөнүш нөгтәси олду вә АБШ фактики олараг лидерлији әлә кечирди, о вахтдан бәри ултрамилләтчиликдән руһланан ифрат сағчы гүввәләр Кијевин рәсми гәрарларына һәлледиҹи тәсир ҝөстәрибләр. Нәтиҹәдә Украјнада актив сурәтдә русофобија сијасәти апарылыб, бунун гурбанлары исә рус вә ја русдилли әһалинин милјонларла нүмајәндәси олуб - бу, хүсусән дә өлкәнин шәргиндә вә Донбасда өзүнү бүрузә верирди.
Мәгаләдә дејилир ки, һәр јердә өз марагларыны тәблиғ етмәјә чалышан Вашингтон мүнагишәнин ҝәрҝинләшмәсиндә мүһүм рол ојнајыб. Һазырда исә АБШ президенти Ҹо Бајден Гәрбдә “азадлыг вә демократија” лидери ролуну өз үзәринә ҝөтүрмәк үчүн бу тәһлүкәли вәзијјәтдән фәал шәкилдә истифадә етмәјә чалышыр.
342/
7 mart 2022 - 05:18
Xəbər kodu: 1236717
Мексиканын “Ла Жорнада” нәшри АБШ-ын Украјна илә бағлы сијасәтини тәнгид атәшинә тутуб.
