АБНА24 Хәбәр Верир , Русија Федерасијасынын Хариҹи Ишләр Назирлијинин сосиал шәбәкә һесабында Түркмәнчај Мүгавиләсинә даир бир јазыда Ирәван вә Нахчыван ханлыглары Шәрги Ермәнистан кими тәгдим олунуб.
Азәрбајҹан Республикасы ХИН-ин бу барәдә вердији шәрһдә дејилир: Азәрбајҹан Республикасы вә Русија Федерасијасы арасында мүттәфиглик гаршылыглы фәалијјәти һаггында бәјаннамәнин имзаландығы бир ҝүндә Русија Хариҹи Ишләр Назирлијинин рәсми сосиал шәбәкә һесабында 1828-ҹи ил Түркмәнчај Мүгавиләси илә бағлы тәһриф олунмуш мәлуматын пајлашылмасы тәәҹҹүб вә тәәссүф доғурур.
Үмумијјәтлә Азәрбајҹан вә Русија арасында мүттәфиглик бәјаннамәсинин имзаланмасы илә ејни заманда Русија тәрәфиндән Түркмәнчај мүгавиләсинин јада салынмасы бәзиләринә ҝөрә рәсми Москванын һәмин дөврә гајытмасы анонсу кими гијмәтләндирилир.
Азәрбајҹан Республикасы ХИН-и исә садәҹә мәтндәки шәрги Ермәнистан ифадәсинә етираз етмәклә кифајәтләнмәли олуб.
Хатырладаг ки, Русија Федерасијасынын Хариҹи Ишләр Назирлијинин сосиал шәбәкә һесабында Түркмәнчај Мүгавиләсинә даир бир јазы јер алыб. Һәмин јазыда Ирәван вә Нахчыван ханлыглары шәрги Ермәнистан адландырылыр вә Иран дөвләтинин артыг бу ханлыгларда ермәни бөлҝәсинин јарадылмасына мүдахилә етмәјәҹәји, ејни заманда Түркмәнчај мүгавиләсинин Русија Империјасы дахилиндә ермәни халгынын бирләшмәсинә төһвә верәҹәји билдирилир.
Белә бир јазынын Русија ХИН тәрәфиндән дәрҹ олунмасынын Москвада Илһам Әлијев илә Владимир Путин арасында стратежи мүттәфиглик бәјаннамәсинин имзаландығы ҝүнә тәсадүф етмәси мүәјјән суаллара сәбәб олуб.
342/
24 fevral 2022 - 06:26
Xəbər kodu: 1232845
Азәрбајҹан Республикасы Хариҹи Ишләр Назирлији Русија ХИН-и тәрәфиндән Азәрбајҹан торпагларынын шәрги Ермәнистан адландырылмасына етираз едиб.
