Сијасәтчиләр АМЕА сәдринин истефасыны шәрһ едирләр

АБНА24 Хәбәр Верир , Милли Мәҹлисин Һүгуг Сијасәти вә Дөвләт Гуруҹулуғу комитәсинин үзвү Фәзаил Ағамалы Туран Хәбәр Аҝентлијинә билдириб ки, Ҹәмијјәтин бүтүн сегментләри Рамиз Меһдијев амилинә тәнгидли мөвге ҝөстәриб. Бу һеч кәсин ҝүнаһы дејил, бу өзүнүн әмәлләриндән доған јанашмалардыр.

Онун фикринҹә, Р.Меһдијев баш вермиш һадисәләрдән нәтиҹә чыхармалы вә һәр бир һалда бу китабларда Азәрбајҹан дөвләтчилијинә тәһлүкә төрәдә биләҹәк фикирләрдән узаг олмалыдыр.

Елмин инкишафына ҝәлинҹә, комитә үзвү билдириб ки, сон ики ајда Милли Елмләр Академијасында чох ҹидди проблемләрин, ганун позунтуларын олмасы ортаја чыхды. «Елмләр Академијасына ҝәнҹләрин ҝәлиши јасагланыб, алимләр онлара ҝөстәрилән мүнасибәтә ҝөрә күсүб, ҝедиб».

Сијаси шәрһчиси Әрәстун Оруҹлу исә Рамиз Меһдијевин ҝетмәсилә өлкәдә һәр һансыса әсаслы дәјишикликләрин олаҹағыны дүшүнмүр. «Она ҝөрә ки, бурада фәрдләрдән сөһбәт ҝетмир, сөһбәт системдән ҝедир». О, Турана билдириб ки, өлкәдә сијаси системин нормал бир систем олмасы үчүн бир нечә амил вар. «Ән башлыҹасы ганунун алилији. О, тәмин олунмајаҹагса, һеч бир дәјишиклик олмајаҹаг».

Експертин фикринҹә өлкәдә демократик шәраит јохдур вә бунун олмасы әсаслы дәјишиликләр үчүн чох зәруридир.

Елмә ҝәлинҹә, Ә.Оруҹлу гејд едиб ки, Академијанын апарыҹы фигурларын бөјүк бир һиссәси нәјинки о вәзифәләри тутмаға, һеч алим адыны дашымаға лајиг дејилләр.

Политолог һесаб едир ки, елм үчүн индики шәраитдә бөјүк вәсаитләр лазымдыр. Һалбуки дөвләт бүдҹәсиндән бу вәсаитләр ајырылмыр, ајрыланда да бир һиссәси мәнимсәнилир.

О, вурғулајыб ки, елмин инкишафы үчүн тәһсил базасы мөһкәмләндирилмәлидир. Тәһсил исә Азәрбајҹанда аддым-аддым ҝеријә ҝедир.

Гејд едәк ки, Азәрбајҹан Милли Елмләр Академијасынын президенти февралын 14-дә јашы илә әлагәдар бу гурумдакы постуну тәрк етмәјә гәрар вериб.

Рамиз Меһдијев 2019-ҹу илдә Президент Администрасијасынын рәһбәри вәзифәсиндән узаглашдырылмышды.

342/