Азәрбајҹанда “Медиа һаггында” гануну Илһам тәсдигләјиб - ТАМ МӘТН

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Илһам Әлијев “Медиа һаггында” Азәрбајҹан Республикасынын Ганунуну тәсдигләјиб.

Бу Ганун Азәрбајҹан Республикасы Конститусијасынын 94-ҹү маддәсинин Ы һиссәсинин 1-ҹи, 10-ҹу вә 13-ҹү бәндләринә ујғун олараг, медиа саһәсиндә фәалијјәтин тәшкилати, һүгуги вә игтисади әсасларыны, һәмчинин күтләви информасијанын әлдә едилмәси, һазырланмасы, өтүрүлмәси, истеһсалы вә јајымынын үмуми гајдаларыны мүәјјән едир.

Ганунун мәтнини тәгдим едирик:

1-ҹи фәсил

Үмуми мүддәалар

Маддә 1. Әсас анлајышлар

1.1. Бу Ганунун мәгсәдләри үчүн ашағыдакы әсас анлајышлардан истифадә едилир:

1.1.1. күтләви информасија – әлдә олунмасы, өтүрүлмәси, истеһсалы вә јајымы Азәрбајҹан Республикасынын ганунлары илә мәһдудлашдырылмајан, гејри-мәһдуд сајда шәхсләрә чатдырмаг мәгсәдилә медиа субјектләри тәрәфиндән дәрҹ олунан вә (вә ја) јајымланан мәлуматлар;

1.1.2. медиа – күтләви информасијанын дөври вә ја мүнтәзәм олараг дәрҹ олунмасыны вә (вә ја) јајымланмасыны һәјата кечирмәк үчүн истифадә олунан аләт вә васитәләр, һабелә онлар васитәсилә формалашан информасија мүһити;

1.1.3. медиа субјекти – әсас фәалијјәт нөвү күтләви информасијанын дәрҹ олунмасы вә (вә ја) јајымланмасы олан физики (журналистләр истисна олмагла) вә ја һүгуги шәхс;

1.1.4. журналист – әмәк мүгавиләси илә медиа субјектиндә вә ја фәрди олараг мүәллиф һүгуглары әсасында мүлки һүгуг мүгавиләси илә фәалијјәт ҝөстәрән, әсас фәалијјәт нөвү давамлы шәкилдә мәлумат топламаг, һазырламаг, редактә вә истеһсал етмәк, өтүрмәк, һабелә һәмин мәлуматлара даир фикир билдирмәк (шәрһ вермәк) олан вә бу фәалијјәти ҝәлир әлдә етмәк мәгсәдилә јеринә јетирән шәхс;

1.1.5. аудиовизуал медиа – телевизија вә радио јајымынын, о ҹүмләдән, сифаришли јајым хидмәтинин мүхтәлиф техники үсул вә васитәләрлә аудио вә (вә ја) визуал формада истифадәчијә тәгдим едилмәсини һәјата кечирән медиа;

1.1.6. чап медиасы – ил әрзиндә мүәјјән дөвриликлә планлашдырылмыш вахтда вә ја мүвафиг материаллар топландыгда мәтн вә ја визуал формада олан күтләви информасијаны ваһид тәртибата малик кағыз вә (вә ја) електрон дашыјыҹыда јајымлајан медиа;

1.1.7. онлајн медиа – аудиовизуал медиа вә чап медиасы истисна олмагла, мәтн, аудио, визуал вә ја диҝәр електрон (рәгәмсал) формада олан күтләви информасијаны веб-сајтда јајымлајан медиа;

1.1.8. информасија аҝентлији – күтләви информасијанын әлдә олунмасыны, өтүрүлмәсини, истеһсалыны вә јајымыны һәјата кечирән, һабелә диҝәр медиа субјектләри илә информасија верилмәси (әлдә едилмәси) һаггында мүгавиләләр бағлајан, әлдә етдији информасијанын мүнтәзәм олараг һәмин мүгавиләләр үзрә чатдырылмасыны тәмин едән медиа;

1.1.9. редаксија – веб-сајтлар, гәзетләр вә диҝәр дөври-нәшрләрин, һабелә телевизија вә радио каналларынын, сифаришли јајым хидмәтинин вә информасија аҝентликләринин јарадыҹы һејәтиндән ибарәт бөлмә;

1.1.10. мәсул редактор – телевизија вә радио јајымында програм ҹәдвәли, сифаришли јајым хидмәтиндә исә програм каталогу чәрчивәсиндә јер алан програмын, һабелә чап медиасында вә онлајн медиада јајымланан материалын мәзмуну вә сечими үзрә гәрар вермә функсијасыны һәјата кечирән шәхс;

1.1.11. истифадәчи – коммерсија мәгсәди олмадан информасија еһтијаҹларыны гаршыламаг үчүн медиадан истифадә едән физики вә ја һүгуги шәхс;

1.1.12. медиа савадлылығы – күтләви информасијанын мәзмуну, онун өтүрүлмәси вә истеһлакы үзрә билијә саһиб олма, тәнгиди дәјәрләндирмә, мүхтәлиф контекстләрдә истифадә етмә вә тәһлил апарма габилијјәти;

1.1.13. логотип (емблем) – медиа субјектинин редаксијасыны (редаксијаларыны) фәргләндирмәјә имкан верән һәр һансы символлар комбинасијасы (сөзләр, һәрфләр, рәгәмләр, график елементләр вә с.);

1.1.14. аудиовизуал јајымчы – телевизија вә радио јајымында, о ҹүмләдән, сифаришли јајым хидмәтиндә програмларын мәзмуну үзәриндә ҹавабдеһлик дашыјан вә бу хидмәтин јајымланма үсулуна гәрар верән физики вә ја һүгуги шәхс;

1.1.15. јерүстү јајымчы – телевизија вә радио програмларынын мәзмуну үзәриндә ҹавабдеһлик дашыјан вә һәмин програмлары јерүстү јајым үсулу илә јајымлајан физики вә ја һүгуги шәхс;

1.1.16. үмумөлкә јајымчысы – програмлары Азәрбајҹан Республикасынын әразиси һүдудларында әһалинин минимум 70 фаизини әһатә едән јерүстү јајымчы;

1.1.17. реҝионал јајымчы – програмлары Азәрбајҹан Республикасынын азы 2 (ики) инзибати әрази ваһидинин әһалисинин минимум 70 фаизини әһатә едән јерүстү јајымчы;

1.1.18. платформа јајымчысы – аудиовизуал програмларын мәзмуну үзәриндә ҹавабдеһлик дашыјан вә һәмин програмлары платформа вә (вә ја) мултиплекс оператору вә (вә ја) мүвафиг иҹра һакимијјәти органынын мүәјјән етдији орган (гурум) васитәсилә, јахуд бирбаша интернет үзәриндән јајымлајан физики вә ја һүгуги шәхс;

1.1.19. инфраструктур оператору – саһиб олдуғу база јерүстү јајым шәбәкәләри васитәсилә радиотезлик ресурсларындан истифадә етмәклә чох сајда аудиовизуал рәгәмли јајым сигналларынын бир вә ја бир нечә сигнал һалында бирләшдирилмәси јолу илә, һабелә ајрыҹа радиотезликдә аудиовизуал програмларын ретранслјасијасыны тәмин едән мүвафиг иҹра һакимијјәти органынын мүәјјән етдији орган (гурум);

1.1.20. мултиплекс оператору – бирдән чох телевизија вә ја радио каналынын радиотезлик ресурсларындан истифадә етмәклә ретранслјасијасыны һәјата кечирән һүгуги шәхс;

1.1.21. платформа оператору – програмларын, о ҹүмләдән сифаришли јајым хидмәтләринин кабел, ИПТВ, ОТТ, мобил ТВ вә пејклә кодланмыш јајым сигналлары васитәсилә ретранслјасијасыны һәјата кечирән физики вә ја һүгуги шәхс;

1.1.22. сифаришли јајым хидмәти провајдери – тәртиб олунмуш програм каталогуна ујғун олараг програмларын истифадәчинин сечдији вахтда вә онун фәрди истәјинә әсасән изләнилмәсини вә (вә ја) динләнилмәсини тәмин едән вә һәмин програм каталогунун мәзмуну үзәриндә ҹавабдеһлик дашыјан физики вә ја һүгуги шәхс;

1.1.23. ретранслјасија – һәр һансы технолоҝијадан истифадә етмәклә телевизија вә ја радио каналларынын, һабелә програмларын вә ја онларын һиссәләринин мәзмунуна дәјишиклик едилмәдән јајымландығы анда гәбулу вә өтүрүлмәси;

1.1.24. тематик јајым – програм ҹәдвәлинин вә ја каталогунун азы 75 (јетмиш беш) фаизи мүәјјән саһәјә (хәбәр, филм, сәнәдли филм, идман, мусиги, ушаг әјләнҹә, телетиҹарәт вә с.) һәср олунан програмлардан ибарәт јајым;

1.1.25. програм – истифадәчиләри мәлуматландырмаг, маарифләндирмәк вә (вә ја) әјләндирмәк үчүн нәзәрдә тутулан, бу Ганунла мүәјјәнләшдирилмиш тәләбләр әсасында һазырланан, програм ҹәдвәли вә ја програм каталогунда јер алан, ҹанлы, јахуд електрон јаддаш гурғулары васитәси илә гејдә алынараг јајымланан мәлуматларын мәҹмусу;

1.1.26. програм ҹәдвәли – програмларын вахтынын вә ардыҹыллығынын әкс олундуғу ҹәдвәл;

1.1.27. програм каталогу – сифаришли јајым хидмәтиндә истифадәчинин сечиминә тәгдим олунан програмларын топлусу;

1.1.28. пејк јајымы – пејк јајым инфраструктуру васитәси илә өтүрүлмәси вә истифадәчиләр тәрәфиндән бирбаша гәбулу тәмин олунан аудиовизуал јајым;

1.1.29. кабел јајымы – мүхтәлиф нөв кабел вә (вә ја) һибрид инфраструктур (ефир-кабел, пејк-кабел вә с.) васитәсилә өтүрүлмәси вә истифадәчиләр тәрәфиндән гәбулу тәмин олунан аудиовизуал јајым;

1.1.30. ИПТВ јајымы – интернет провајдерин аудиовизуал програмларын өтүрүлмәсини вә истифадәчиләр тәрәфиндән гәбул едилмәсини өз интернет протоколундан (ИП) истифадә етмәклә тәмин етдији јајым;

1.1.31. ОТТ јајымы – аудиовизуал програмларын интернет васитәсилә истифадәчинин гәбуледиҹисинә өтүрүлмәсини тәмин едән јајым (ИПТВ јајымы истисна олмагла);

1.1.32. мобил ТВ јајымы – аудиовизуал програмларын мобил телекоммуникасија шәбәкәләри васитәси илә өтүрүлмәси вә истифадәчиләр тәрәфиндән гәбулу тәмин олунан јајым;

1.1.33. прајм-тајм – аудиовизуал програмларын Азәрбајҹан Республикасы Аудиовизуал Шурасынын (бундан сонра – Шура) гәрары илә мүәјјән едилән сутка әрзиндә ән чох изләнилән вә ја динләнилән вахты;

1.1.34. рејтинг өлчән тәшкилат – аудиовизуал медианын аудиторијасынын һәҹмини өлчән шәхс;

1.1.35. әһәмијјәтли тәдбир – ҹәмијјәт үчүн мараг кәсб едән вә өлкә әразисиндә фәалијјәт ҝөстәрән медиа субјектләри тәрәфиндән дәрҹ олунмасы вә (вә ја) јајымланмасы нәзәрдә тутулан иҹтимаи, сијаси, сосиал вә игтисади мәзмунлу һадисә.

1.2. Бу Ганунда истифадә олунан диҝәр анлајышлар Азәрбајҹан Республикасынын норматив һүгуги актлары илә мүәјјән олунмуш мәналары ифадә едир.

Маддә 2. Медиа һаггында ганунвериҹилик

Медиа һаггында Азәрбајҹан Республикасынын ганунвериҹилији Азәрбајҹан Республикасынын Конститусијасындан, бу Ганундан, “Мәлумат азадлығы һаггында”, “Фәрди мәлуматлар һаггында”, “Информасија әлдә етмәк һаггында”, “Информасија, информасијалашдырма вә информасијанын мүһафизәси һаггында” Азәрбајҹан Республикасынын ганунларындан, медиа саһәсини тәнзимләјән Азәрбајҹан Республикасынын диҝәр норматив һүгуги актларындан, һабелә Азәрбајҹан Республикасынын тәрәфдар чыхдығы бејнәлхалг мүгавиләләрдән ибарәтдир.

Маддә 3. Бу Ганунун тәтбиг даирәси

3.1. Бу Ганун Азәрбајҹан Республикасынын әразисиндә тәсис олунмуш медиа субјектләринә, редаксијалара, онларын мәһсулларына, һәмчинин Азәрбајҹан Республикасынын һүдудларындан кәнарда олан вә фәалијјәти Азәрбајҹан Республикасынын әразисинә вә әһалисинә истигамәтләнмиш бүтүн медиа субјектләринә, Азәрбајҹан Республикасынын һүдудларындан кәнарда јарадылан медиа мәһсулларынын јалныз Азәрбајҹан Республикасынын әразисиндә јајылан һиссәсинә, һабелә журналистләрә шамил едилир.

3.2. Бу Ганунун мүддәалары ашағыдакылара шамил едилмир:

3.2.1. медиа субјекти һесаб едилмәјән шәхсләр (журналистләр истисна олмагла) тәрәфиндән јајымланан информасијаја;

3.2.2. күтләви информасијанын јајылмасы истисна олмагла, информасија технолоҝијаларындан истифадә етмәклә истифадәчиләрин бир-биринә ҝөндәрдији јазышмалара (корреспонденсијаја).

3.3. Медиа субјектләринин сечкигабағы вә референдумгабағы тәшвигатла бағлы фәалијјәтинин хүсусијјәтләри Азәрбајҹан Республикасынын Сечки Мәҹәлләси илә тәнзимләнир.

Маддә 4. Медиа саһәсиндә дөвләтин вәзифәләри

4.1. Медиа саһәсиндә дөвләтин әсас вәзифәләри ашағыдакылардыр:

4.1.1. медиа саһәсиндә фикир мүхтәлифлији вә фәалијјәт азадлығыны тәмин етмәк;

4.1.2. Азәрбајҹан Республикасында һәр кәсин информасија илә тәмин олунмасы үчүн шәраит јаратмаг;

4.1.3. истифадәчиләри, хүсусилә дә ушаглары зәрәрли информасијанын тәсирләриндән горумаг;

4.1.4. медианын инкишафыны тәшвиг етмәк вә стимуллашдырыҹы тәдбирләр һәјата кечирмәк;

4.1.5. медиа субјектләринин вә журналистләрин фәалијјәтини стимуллашдырмаг;

4.1.6. медиа саһәсиндә рәгабәт мүһитини тәмин етмәк, медиа субјектләринин вә журналистләрин фәалијјәти үчүн бәрабәр имканлар јаратмаг;

4.1.7. Азәрбајҹан Республикасынын медиа мәканынын тәһлүкәсизлијини тәмин етмәк;

4.1.8. иҹтимаи јајымын тәмин олунмасы үчүн шәраит јаратмаг.

Маддә 5. Медиа азадлығы

5.1. Азәрбајҹан Республикасында медиа азаддыр.

5.2. Медиа саһәсиндә дөвләт сензурасы, һабелә бу мәгсәдлә дөвләт органларынын (гурумларынын) вә ја вәзифәләрин јарадылмасы вә малијјәләшдирилмәси гадағандыр.

5.3. Медиа саһәсиндә фәалијјәтин азадлығы һәр кәсин гануни јолла информасија ахтармаг, әлдә етмәк, һазырламаг, өтүрмәк, истеһсал етмәк вә јајмаг һүгугуна дөвләт тәрәфиндән тәминат верилмәсинә әсасланыр.

5.4. Медиа саһәсиндә фәалијјәт јарадыҹылыг вә редаксија мүстәгиллији әсасында һәјата кечирилир.

5.5. Медиа саһәсиндә фәалијјәт азадлығы јалныз бу Ганун вә медиа саһәсини тәнзимләјән Азәрбајҹан Республикасынын диҝәр ганунлары илә мүәјјән едилмиш һалларда вә гајдада мәһдудлашдырыла биләр.

5.6. Азәрбајҹан Республикасындан кәнарда јерләшән медиа субјектләринин фәалијјәтиндә бу Ганунун тәләбләринин позулмасы һаллары ашкар едилдикдә, Шура вә мүвафиг иҹра һакимијјәти органынын мүәјјән етдији орган (гурум) Азәрбајҹан Республикасынын тәрәфдар чыхдығы бејнәлхалг мүгавиләләрдә вә бу Ганунда нәзәрдә тутулмуш тәдбирләри һәјата кечирир.

Маддә 6. Журналист фәалијјәтинин тәминаты

6.1. Журналистләр мүстәгиллик, өз мәнафеләрини тәмсил едән тәшкилатларда бирләшмәк, пешә борҹларыны јеринә јетирәркән шәхси тохунулмазлыг, шәрәф вә ләјагәтләрини мүдафиә етмәк һүгугларына маликдирләр.

6.2. Журналистләрин пешәкар фәалијјәтинә ганунсуз мүдахилә етмәк јолверилмәздир.

6.3. Азәрбајҹан Республикасынын ганунлары илә мәһдудлашдырылмајан, үмуми истифадә үчүн нәзәрдә тутулмуш мәлуматларын топланмасы, һазырланмасы, редактә вә истеһсалы, өтүрүлмәси, һабелә һәмин мәлуматлара даир фикир билдирилмәси (шәрһ верилмәси) илә бағлы журналистләрин тәгиб едилмәси вә онлара тәзјиг ҝөстәрилмәси јолверилмәздир.

Маддә 7. Һәрби вә фөвгәладә вәзијјәт дөврүндә медиа субјектләринин вә журналистләрин фәалијјәти

Һәрби вә фөвгәладә вәзијјәт дөврүндә медиа саһәсиндә чалышан ишчиләрин фәалијјәти мүвафиг олараг “Һәрби вәзијјәт һаггында” вә “Фөвгәладә вәзијјәт һаггында” Азәрбајҹан Республикасынын ганунлары илә тәнзимләнир.

Маддә 8. Дини екстремизм әлејһинә хүсуси әмәлијјатлар барәдә иҹтимаијјәтә мәлуматын верилмәси

8.1. Дини екстремизм әлејһинә хүсуси әмәлијјатын апарылмасы зонасында медиа саһәсиндә чалышан ишчиләрин фәалијјәти әмәлијјат апаран орган тәрәфиндән мүәјјән едилир.

8.2. Дини екстремизм әлејһинә апарылан хүсуси әмәлијјат барәдә иҹтимаијјәтә мәлуматлар әмәлијјат апаран органын мүәјјән етдији формада вә һәҹмдә верилир.

8.3. “Дини екстремизмә гаршы мүбаризә һаггында” Азәрбајҹан Республикасы Ганунунун 9.3-ҹү маддәсиндә нәзәрдә тутулмуш мәлуматларын јајылмасына јол верилмир.

Маддә 9. Террор әлејһинә апарылан әмәлијјат зонасында медиа субјектләринин вә журналистләрин фәалијјәти

Террор әлејһинә апарылан әмәлијјат зонасында медиа саһәсиндә чалышан ишчиләрин фәалијјәти “Террорчулуға гаршы мүбаризә һаггында” Азәрбајҹан Республикасынын Гануну илә тәнзимләнир.

Маддә 10. Медиа савадлылығы

10.1. Медиа савадлылығынын артырылмасы мәгсәдилә дөвләт тәдбирләри мүвафиг иҹра һакимијјәти органынын мүәјјән етдији орган (гурум) тәрәфиндән һәјата кечирилир.

10.2. Мүвафиг иҹра һакимијјәти органынын мүәјјән етдији орган (гурум) медиа савадлылығынын артырылмасы саһәсиндә бејнәлхалг тәҹрүбәнин тәтбиги имканларынын арашдырылмасы мәгсәдилә бејнәлхалг тәшкилатларла, хариҹи дөвләтләрин мүвафиг гурумлары илә әмәкдашлыг едир вә тәҹрүбә мүбадиләси апарыр.

10.3. Бу Ганунун 10.1-ҹи маддәсиндә нәзәрдә тутулан тәдбирләр дөвләт бүдҹәсинин вәсаити вә ганунла гадаған олунмајан диҝәр мәнбәләр һесабына малијјәләшдирилир.

Маддә 11. Хариҹи медиа нүмајәндәләринин Азәрбајҹан Республикасынын әразисиндә фәалијјәти

11.1. Азәрбајҹан Республикасында аккредитасија олунмуш хариҹи журналистләрин вә диҝәр хариҹи медиа нүмајәндәләринин һүгуги статусу вә пешә фәалијјәти Азәрбајҹан Республикасынын норматив һүгуги актлары вә Азәрбајҹан Республикасынын тәрәфдар чыхдығы бејнәлхалг мүгавиләләрлә тәнзимләнир.

11.2. Азәрбајҹан Республикасында хариҹи медиа субјектләринин филиал вә нүмајәндәликләри Азәрбајҹан Республикасынын тәрәфдар чыхдығы бејнәлхалг мүгавиләләрдә нәзәрдә тутулмуш һалларда ачылыр.

11.3. Хариҹи журналистләрин Азәрбајҹан Республикасында аккредитасијасы мүвафиг иҹра һакимијјәти органынын мүәјјән етдији орган (гурум) тәрәфиндән һәјата кечирилир.

11.4. Медиа Рејестринә дахил едилмиш журналистләрин пешә фәалијјәтинин һәјата кечирилмәсинә диҝәр дөвләтләр тәрәфиндән хүсуси мәһдудијјәтләр гојулдугда һәмин мәһдудијјәтләри тәтбиг етмиш дөвләтин журналистләринә Азәрбајҹан Республикасында да ејни мәһдудијјәтләр гојула биләр.

Маддә 12. Логотип (емблем)

12.1. Медиа субјекти редаксијасынын логотипи (емблеми) олмалыдыр. Медиа субјектинин редаксијасы јалныз бир логотипдән (емблемдән) истифадә едә биләр.

12.2. Логотип (емблем) мүвафиг иҹра һакимијјәти органын мүәјјән етдији орган (гурум) тәрәфиндән апарылан Медиа Рејестринә дахил едилир.

12.3. Медиа субјектинин редаксијасынын логотипиндә (емблеминдә) ирги, дини, мәншә, ҹинси, етник вә диҝәр ајры-сечкилији, террорчулуг, зоракылыг вә гәддарлығы тәблиғ едән, әхлага зидд олан символлар вә (вә ја) онларын комбинасијасындан (сөзләр, һәрфләр, рәгәмләр, график елементләр вә с.), һабелә диҝәр медиа субјектинин редаксијасынын логотипи (емблеми) илә ејни вә ја она охшар логотипдән (емблемдән) истифадә олунмасы гадағандыр.

12.4. Медиа субјектинин редаксијасы фәалијјәт мүддәти әрзиндә логотипинә (емблеминә) дәјишиклик етмәк һүгугуна маликдир. Бу һалда о, һәмин логотипдән (емблемдән) бу барәдә дәјишиклик Медиа Рејестринә дахил едилдикдән сонра истифадә едә биләр.

12.5. Аудиовизуал медиа субјектинин редаксијасынын логотипинин (емблеминин) дәјишдирилмәсинә бу Ганунун 12.3-ҹү маддәси илә нәзәрдә тутулмуш тәләбләр нәзәрә алынмагла Шуранын разылығы илә јол верилир. Шура едилмиш дәјишиклик барәдә мәлуматы мүвафиг иҹра һакимијјәти органынын мүәјјән етдији органа (гурума) тәгдим едир.

12.6. Медиа Рејестринә дахил едилмиш чап медиасынын вә онлајн медианын редаксијасынын логотипинин (емблеминин) дәјишдирилмәсинә бу Ганунун 12.3-ҹү маддәси илә нәзәрдә тутулмуш тәләбләр нәзәрә алынмагла мүвафиг иҹра һакимијјәти органынын мүәјјән етдији органын (гурумун) разылығы илә јол верилир.

12.7. Телевизија јајымында аудиовизуал медиа субјектинин редаксијасынын логотипи (емблеми) рекламларын јајымландығы вахтлар истисна олмагла, екранда фасиләсиз шәкилдә нүмајиш олунмалыдыр.

12.8. Медиа субјектинин редаксијасынын логотипи (емблеми) илә бағлы мүбаһисәләр “Әмтәә нишанлары вә ҹоғрафи ҝөстәриҹиләр һаггында” вә “Мүәллиф һүгуглары вә әлагәли һүгуглар һаггында” Азәрбајҹан Республикасынын ганунлары илә тәнзимләнир.

Маддә 13. Информасијадан истифадә едилмәси

13.1. Медиа субјекти диҝәр медиа субјектинин информасијасыны вә програмларыны истинад етмәклә абунәлик вә ја мүгавилә әсасында истифадә едә биләр.

13.2. Абунәлик вә ја мүгавилә олмадыгда медиа субјекти диҝәр медиа субјектинин һәр бир информасијасынын јалныз үчдә бириндән чох олмајан һиссәсини истинад етмәклә истифадә едә биләр.

13.3. Бу Ганунун 13.1-ҹи вә 13.2-ҹи маддәләри (истинадла бағлы тәләб истисна олмагла) дөвләт органлары (гурумлары) тәрәфиндән јајылан рәсми мәлуматлара (пресс-релизләрә) вә информасија аҝентликләринин информасијасындан истифадә һалларына шамил едилмир.

13.4. Бу Ганунун 77.2-ҹи маддәсиндә нәзәрдә тутулмуш һалларда медиа субјектләри мәлумат вә информасијаларын һәгигәтә ујғун олуб-олмамасына ҝөрә мәсулијјәт дашымыр.

13.5. Аудиовизуал програмлардан истифадә бу Ганунун 38-ҹи маддәсиндә нәзәрдә тутулмуш гајдада тәнзимләнир.

13.6. Бу Ганунун 38.2-ҹи вә 38.3-ҹү маддәләринин тәләбләри позулдугда програма мүстәсна јајым һүгугу әлдә етмиш аудиовизуал јајымчы Шураја мүраҹиәт едә биләр.

Маддә 14. Медиада дәрҹ олунан вә (вә ја) јајымланан информасијаја даир тәләбләр

14.1. Медиада дәрҹ олунан вә (вә ја) јајымланан информасија ашағыдакы тәләбләрә ҹаваб вермәлидир:

14.1.1. Азәрбајҹан Республикасынын конститусија гурулушунун зорла дәјишдирилмәсинә, әрази бүтөвлүјүнүн парчаланмасына, һакимијјәтин зорла әлә кечирилмәсинә вә ја сахланмасына, күтләви иғтишашлара ачыг чағырышлар едилмәмәлидир;

14.1.2. Азәрбајҹан Республикасынын дөвләт рәмзләринә һөрмәтсизлијә јол верилмәмәлидир;

14.1.3. дөвләт дили нормаларына риајәт едилмәлидир;

14.1.4. ирги, дини, мәншә, ҹинси, етник вә диҝәр ајры-сечкилик тәблиғ олунмамалыдыр, һабелә етник, ирги вә ја дини дүшмәнчилијин салынмасына ачыг чағырышлар едилмәмәлидир;

14.1.5. террорчулуг, дини екстремизм, зоракылыг вә гәддарлыг тәблиғ олунмамалы, һабелә террорчулуғун малијјәләшдирилмәсинә, террорчулуг мәгсәдилә тәлимләрин тәшкил едилмәсинә вә ја кечирилмәсинә јөнәлән мәлуматлар јајылмамалыдыр, террорчулуға ачыг чағырышлар едилмәмәлидир;

14.1.6. әхлагданкәнар лексик (сөјүш) мәзмунлу сөз вә ифадәләрдән, жестләрдән истифадәјә јол верилмәмәлидир;

14.1.7. шәрәф вә ләјагәтин алчалдылмасына, ишҝүзар нүфузун ләкәләнмәсинә јол верилмәмәлидир;

14.1.8. шәхсин аилә вә шәхси һәјатына аид сирр олан мәлуматларын јајылмасына јол верилмәмәлидир;

14.1.9. бөһтана, тәһгирә вә нифрәт чыхышларына јол верилмәмәлидир;

14.1.10. сағламлығын вә әтраф мүһитин горунмасына зидд олан һәрәкәтләр тәблиғ олунмамалыдыр;

14.1.11. фактлар вә һадисәләр гәрәзсиз вә објектив тәгдим олунмалы, биртәрәфлилијә јол верилмәмәлидир;

14.1.12. парапсихолоҝија (екстрасенс, медиум вә с.), мөвһуматчылыг вә ја диҝәр хүрафәләрин тәблиғинә јол верилмәмәлидир;

14.1.13. порнографија мәзмунлу материалларын дәрҹ едилмәсинә (јајымланмасына) јол верилмәмәлидир;

14.1.14. гануни гүввәјә минмиш мәһкәмә гәрары олмадан шәхсин тәгсирли олмасы барәдә мәлуматларын дәрҹ едилмәсинә (јајымланмасына) јол верилмәмәлидир;

14.1.15. “Ушагларын зәрәрли информасијадан горунмасы һаггында” Азәрбајҹан Республикасынын Ганунунда нәзәрдә тутулмуш тәләбләрә әмәл едилмәлидир;

14.1.16. “Информасија, информасијалашдырма вә информасијанын мүһафизәси һаггында” Азәрбајҹан Республикасы Ганунунун 13-2.3-ҹү маддәсиндә нәзәрдә тутулмуш диҝәр информасијанын јајымланмасына јол верилмәмәлидир.

14.2. Јерүстү јајымчы програмларында бу Ганунун 14.1-ҹи маддәсиндә нәзәрдә тутулан тәләбләрлә јанашы дөвләт дилиндән истифадәни дә тәмин етмәлидир.

14.3. Јерүстү јајымчы програмларында јалныз Шуранын разылығы илә диҝәр дилләрдән истифадә едә биләр.

Маддә 15. Информасијанын јајылмасына, информасија мәнбәјинин ачыгланмасына јол верилмәјән һаллар

15.1. Медиа субјекти вә журналист тәрәфиндән ашағыдакылара јол верилмир:

15.1.1. шәхсин ҝизли сахланмаг шәртилә вердији информасијанын програм вә материалларда јајылмасына;

15.1.2. мәлумат вермиш шәхсин разылығы олмадан онун шәхсијјәтинин ачыгланмасына;

15.1.3. тәһгигатчынын, мүстәнтигин, ибтидаи арашдырмаја просессуал рәһбәрлији һәјата кечирән прокурорун вә ја мәһкәмәнин иҹазәси олмадан ибтидаи арашдырма мәлуматларынын јајылмасына;

15.1.4. Азәрбајҹан Республикасынын Ҹинајәт-Просессуал Мәҹәлләсиндә нәзәрдә тутулмуш гајдада тәртиб едилән вә “Информасија әлдә етмәк һаггында” Азәрбајҹан Республикасынын Ганунуна ујғун олараг сәнәдләшдирилмиш информасија һесаб едилән ҹинајәт тәгиби үзрә иҹраат материалларынын сурәтләринин олдуғу кими јајылмасына;

15.1.5. јеткинлик јашына чатмајан шүбһәли, тәгсирләндирилән вә ја зәрәр чәкмиш шәхсләрин шәхсијјәти барәдә һәр һансы мәлуматларын һәмин шәхсләрин вә онларын гануни нүмајәндәләринин разылығы олмадан јајылмасына;

15.1.6. “Дини екстремизмә гаршы мүбаризә һаггында” Азәрбајҹан Республикасы Ганунунун 9.3-ҹү маддәсиндә нәзәрдә тутулмуш мәлуматларын јајылмасына;

15.1.7. Азәрбајҹан Республикасы Инзибати Хәталар Мәҹәлләсинин 388-ҹи маддәсиндә нәзәрдә тутулмуш суи-истифадә һалларына.

15.2. Мәсул редактор вә (вә ја) журналист истинтагы апарылан јахуд мәһкәмә иҹраатында олан ишлә әлагәдар бу Ганунун 15.3-ҹүмаддәси илә мүәјјән едилмиш һаллардан башга информасија мәнбәјини ачыгламаға мәҹбур едилә билмәз.

15.3. Мәсул редактор вә ја журналист ашағыдакы һалларда мәһкәмәнин гәрары илә өз информасија мәнбәјини ачыгламалыдыр:

15.3.1. инсан һәјатынын мүдафиәси үчүн;

15.3.2. ағыр вә хүсусилә ағыр ҹинајәтләрин гаршысыны алмаг үчүн;

15.3.3. ағыр вә хүсусилә ағыр ҹинајәт төрәтмәкдә тәгсирләндирилән шәхсин мүдафиәси үчүн.

15.4. Бу Ганунун 15.1.3-ҹү маддәсинин тәләбләри журналистин мүстәгил арашдырма апармаг һүгугуну мәһдудлашдырмыр.

Маддә 16. Хариҹи мәнбәләрдән алынан информасијанын јајылмасы

16.1. Азәрбајҹан Республикасы вәтәндашларынын вә Азәрбајҹан Республикасынын һүгуги шәхсләринин хариҹи мәнбәләрдән, о ҹүмләдән хариҹи медиа субјектләриндән бирбаша мәлумат әлдә етмәк һүгугу вардыр.

16.2. Азәрбајҹан Республикасында јерүстү јајым үчүн нәзәрдә тутулмуш радиотезликләрдән истифадә олунмагла хариҹи телевизија вә радио програмларынын јајымланмасына Азәрбајҹан Республикасынын тәрәфдар чыхдығы бејнәлхалг мүгавиләләрдә нәзәрдә тутулмуш һалларда јол верилир.

16.3. Редаксијасынын даими јери Азәрбајҹан Республикасынын һүдудларындан кәнарда олан хариҹи чап медиасы мәһсулунун Азәрбајҹан Республикасынын әразисиндә јајылмасына Азәрбајҹан Республикасынын тәрәфдар чыхдығы бејнәлхалг мүгавиләләрдә нәзәрдә тутулмуш һалларда јол верилир. Бу мүгавиләләрдә хариҹи чап медиасы мәһсулунун јајылмасы гајдасы нәзәрдә тутулмадыгда, бу мәсәләләр мүвафиг иҹра һакимијјәти органынын мүәјјән етдији орган (гурум) тәрәфиндән мүәјјән олунур.

Маддә 17. Мәлумат алмаг һүгугу

17.1. Медиа субјектләри вә журналистләр ҹәмијјәтдәки иҹтимаи, сијаси, сосиал вә игтисади вәзијјәт һаггында, дөвләт органларынын (гурумларынын), бәләдијјәләрин, мүәссисә вә тәшкилатларын, гејри-һөкумәт тәшкилатларынын, сијаси партијаларын, вәзифәли шәхсләрин фәалијјәти барәдә дүзҝүн информасија алмаг һүгугуна маликдирләр. Бу һүгуг ганунла мүәјјәнләшдирилмиш һаллардан башга мәһдудлашдырыла билмәз.

17.2. Дөвләт органлары (гурумлары), бәләдијјәләр, мүәссисә вә тәшкилатлар, гејри-һөкумәт тәшкилатлары, сијаси партијалар, вәзифәли шәхсләр өз фәалијјәтләри һаггында информасијаны медиа субјектләринин вә журналистләрин јазылы вә шифаһи сорғусу әсасында, һабелә мәтбуат конфранслары вә ја брифингләр кечирмәк јолу илә јахуд башга формаларда верирләр.

17.3. Информасија әлдә едилмәси барәдә јазылы сорғуја “Информасија әлдә етмәк һаггында” Азәрбајҹан Республикасынын Ганунунда мүәјјәнләшдирилмиш гајдада вә мүддәтдә бахылыр. Һәмин Ганунда ҝөстәрилән мүддәтдә һәмин информасија өз оперативлијини итирәрсә, сорғуја дәрһал, бу мүмкүн олмадыгда исә 24 (ијирми дөрд) саатдан ҝеҹ олмајараг ҹаваб верилмәлидир.

17.4. Медиа субјектләри вә журналистләр мәлуматы вермәкдән имтина едән дөвләт органларындан (гурумларындан), бәләдијјәләрдән, мүәссисә вә тәшкилатлардан, гејри-һөкумәт тәшкилатларындан, сијаси партијалардан вә ја вәзифәли шәхсләрдән ганунла мүәјјәнләшдирилмиш гајдада шикајәт етмәк һүгугуна маликдир.

17.5. Шура вә мүвафиг иҹра һакимијјәти органынын мүәјјән етдији орган (гурум) әһәмијјәтли тәдбирләрлә бағлы сијаһыны һәр ил нөвбәти ил үчүн елан етмәлидир вә бу сијаһыны өзләринин рәсми интернет сајтларында јерләшдирмәли вә онун мүнтәзәм олараг јениләнмәсини тәмин етмәлидирләр.

Маддә 18. Тәкзиб, дүзәлиш вә ҹаваб вермәк һүгугу

18.1. Медиа субјекти тәрәфиндән физики шәхсин шәрәф вә ләјагәтини, физики вә һүгуги шәхсин ишҝүзар нүфузуну ләкәләјән, бөһтан вә тәһгир характерли мәлуматлар јајылдыгда, фикирләр тәһриф олундугда физики шәхсин өзүнүн вә ја нүмајәндәсинин, һүгуги шәхсин рәһбәринин, јахуд сәлаһијјәтли нүмајәндәсинин һәмин медиа субјектиндә 1 (бир) ај мүддәтиндә ҹаваб вермәк, һабелә медиа субјектиндән һәгигәтә ујғун олмајан мәлуматын тәкзиб олунмасыны, дүзәлиш верилмәсини, үзр истәнилмәсини тәләб етмәк, јахуд бирбаша мәһкәмәјә мүраҹиәт етмәк һүгугу вардыр.

18.2. Бу Ганунун 18.1-ҹи маддәсиндә нәзәрдә тутулмуш тәләблә мүраҹиәт едилән заман, јахуд мәһкәмә гәрар чыхаран заман медиа субјектинин фәалијјәти (јајымы) мүвәггәти дајандырылмышса вә ја о јенидән тәшкил олунмушса тәкзиб, ҹаваб вә ја дүзәлиш һәмин медиа субјектинин вә ја онун һүгуги варисинин вәсаити һесабына иддиачынын истәдији медиа субјектләринин бириндә дәрҹ олуна (јајымлана) биләр.

18.3. Медиа субјекти тәрәфиндән ҹинајәт ишләри үзрә иҹраатын маһијјәти вә нәтиҹәләри барәдә һәгигәтә ујғун олмајан вә ја тәһриф едилмиш мәлуматлар верилдикдә ҹинајәт просесини апаран орган мәлуматын тәкзиб олунмасы вә ја дүзәлиш верилмәси тәләби илә һәмин медиа субјектинә мүраҹиәт етмәк һүгугуна маликдир.

Маддә 19. Тәкзиб, ҹаваб вә дүзәлиш верилмәси гајдасы

19.1. Тәкзибдә һансы мәлуматын һәгигәтә ујғун олмадығы, һәмин чап медиасы субјектиндә нә вахт вә неҹә дәрҹ олундуғу ҝөстәрилир. Чап медиасы субјектиндә тәкзиб мәлуматын вә ја материалын верилдији сәһифәдә һәмин шрифтлә јығылыр вә “Тәкзиб” башлығы алтында дәрҹ олунур. Ҝүндәлик, ҝүнашыры, һәфтәлик вә ајлыг јајымланан гәзетләр тәкзиб, ҹаваб вә ја дүзәлиш һаггында тәләбин дахил олдуғу ҝүндән сонракы нөмрәдә, диҝәр дөври-нәшрләр исә һазырланан вә ја јахын ҝүнләр үчүн планлашдырылан бурахылышда тәкзиби, ҹавабы вә ја дүзәлиши дәрҹ етмәлидирләр.

19.2. Тәкзиб, ҹаваб вә ја дүзәлиш аудиовизуал јајымчы тәрәфиндән тәләбин алындығы ҝүндән сонракы мүвафиг програмда јајымланыр. Буну тәләб едән физики шәхсин вә ја онун нүмајәндәсинин, һүгуги шәхсин рәһбәринин вә ја онун сәлаһијјәтли нүмајәндәсинин програмда ҹавабла чыхыш етмәк һүгугу тәмин едилмәлидир.

19.3. Тәкзиб вә ја ҹаваб мәтниндә һеч бир дәјишиклик едилмәдән верилир. Тәкзиб вә ја ҹавабын мәтни бу Ганунун 14.1-ҹи маддәсиндә нәзәрдә тутулан тәләбләри позмамалыдыр.

19.4. Тәкзиб вә ја ҹавабын мәтни тәкзиб едилән вә ја ҹаваб верилән мәлуматын һәҹминдән ики дәфәдән чох олмамалыдыр.

19.5. Ҹаваб дәрҹ олунан (јајымланан) нөмрәдә (програмда) һәмин ҹавабы шәрһ етмәјә вә ја тәкзиб етмәјә јол верилмир. Ҹаваба ҹаваб сонракы нөмрәдә (програмда) јерләшдирилә биләр.

19.6. Тәкзиб, ҹаваб вә ја дүзәлиш рәдд едилдикдә, бу барәдә тәләб етмиш шәхсә 3 (үч) ҝүн мүддәтиндә әсасландырылмыш мәлумат верилмәлидир.

19.7. Ашағыдакылар тәкзиб вә ја ҹаваб мәтнини дәрҹ етмәкдән (јајымламагдан) имтина үчүн әсасдыр:

19.7.1. тәкзиби тәләб олунан мәлумат мәһкәмәнин гануни гүввәјә минмиш гәрары илә тәсдиг едилмишдирсә;

19.7.2. тәкзиби тәләб олунан мәлумат вә ја материалла бағлы медиа субјекти тәрәфиндән шикајәтчинин мүраҹиәти әсасында артыг тәкзиб верилмишдирсә;

19.7.3. тәкзиб вә ја ҹавабын мәтни бу Ганунун 14.1-ҹи маддәсиндә нәзәрдә тутулан тәләбләри позурса;

19.7.4. тәкзиб вә ја ҹавабын мәтни тәкзиб едилән вә ја ҹаваб верилән мәлуматын һәҹминдән ики дәфәдән чохдурса;

19.7.5. мәлуматын вә ја материалын медиа субјекти тәрәфиндән дәрҹ едилмәсиндән (јајымланмасындан) бир ај мүддәтиндә үзрсүз сәбәбдән мүраҹиәт едилмәмишдирсә.

19.8. Тәкзиб, ҹаваб вә ја дүзәлишин верилмәсинә ҝөрә өдәниш тәләб едилмир.

19.9. Һагсыз, гејри-дәгиг вә ҝизли реклам “Реклам һаггында” Азәрбајҹан Республикасы Ганунунун тәләбләри нәзәрә алынмагла тәкзиб олунур.

19.10. Онлајн медиада тәкзиб вә ја ҹавабын мәтни тәкзиб вә ја ҹаваб вермәк һүгугунун јаранмасына сәбәб олмуш материалын јајымы үсулуна ујғун шәкилдә јајымланмалыдыр (ејни һәҹмдә, ејни вахтда, һәмин веб-сајтда, веб-сәһифәдә вә ја веб-сајтын һәмин бөлмәсиндә вә с.). Бу заман һансы мәлуматын һәгигәтә ујғун олмадығы, һәмин онлајн медиа субјектиндә нә вахт вә неҹә јајымландығы ҝөстәрилмәлидир.

19.11. Тәкзиб вә ја ҹаваб мәтнини орижинал нәшрдә олдуғу кими һәмин веб-сәһифәдә вә ја веб-сајтын һәмин бөлмәсиндә јерләшдирмәк мүмкүн олмадыгда, онлајн медиа субјекти мүвафиг материаллар (пајлашымлар) арасында һиперлинкләрин јарадылмасыны тәмин етмәли вә орижинал мәтнин јанында бу материалда (пајлашымда) олан мәлуматын тәкзиб едилдијинә вә ја ҹаваб верилдијинә даир билдириш јерләшдирмәлидир.

Маддә 20. Мүәллифлик һүгугу вә әлагәли һүгугларынын објектләриндән вә охуҹу мәктубларындан истифадә едилмәси

20.1. Мүәллифлик һүгугу вә әлагәли һүгугларын објектләриндән медиада истифадәјә “Мүәллифлик һүгугу вә әлагәли һүгуглар һаггында” Азәрбајҹан Республикасы Ганунунун тәләбләринә әмәл едилмәклә јол верилир.

20.2. Охуҹу (динләјиҹи, тамашачы) мәктублары дәрҹ едиләркән (јајымланаркән) онларын мәзмунуну тәһриф етмәјән ихтисара вә редактәјә јол верилир. “Информасија әлдә етмәк һаггында” Азәрбајҹан Республикасынын Гануну илә мүәјјән едилмиш һаллардан башга редаксија охуҹу (динләјиҹи, тамашачы) мәктубларына ҹаваб вермәјә мәҹбур дејилдир.

20.3. Бу Ганунла мүәјјән едилмиш һаллардан башга медиа субјекти дәрҹ етмәкдән (јајымламагдан) имтина етдији материалы дәрҹ етмәјә (јајымламаға) мәҹбур едилә билмәз.

Маддә 21. Ҝизли аудио вә (вә ја) визуал мәлуматлар

21.1. Ҝизли аудио вә видео јазылардан, фото чәкилишләриндән истифадә етмәјә вә ја онлары јајмаға јалныз ашағыдакы һалларда јол верилир:

21.1.1. барәсиндә ҝизли аудио вә ја видео јазысы, фото чәкилиши апарылмыш шәхсин бу материаллардан истифадәјә вә ја онларын јајылмасына јазылы разылығы варса, һабелә диҝәр шәхсин (шәхсләрин) Азәрбајҹан Республикасынын Конститусијасы илә мүәјјән едилмиш һүгуг вә азадлыгларынын горунмасы үчүн зәрури тәдбирләр ҝөрүлмүшдүрсә;

21.1.2. мәһкәмәнин гәрары илә нүмајиш етдирилирсә.

21.2. Бу Ганунун 21.1-ҹи маддәсинин тәләбләрини позараг ҝизли аудио-видео јазылардан, филм вә фото чәкилишләриндән истифадә олунмасы вә онларын јајылмасы гадағандыр.

Маддә 22. Медиа субјектләри тәрәфиндән јајымланмыш материалларын сахланылмасы

22.1. Аудиовизуал јајымчылар өз програмларыны 3 (үч) ај мүддәтиндә сахламалыдырлар.

22.2. Сечкигабағы вә референдумгабағы тәшвигата аид аудиовизуал програмларын аудио вә (вә ја) видеојазысы апарылыр, һәмин јазылар јајымландығы ҝүндән 12 (он ики) ај мүддәтиндә мүвафиг аудиовизуал јајымчы тәрәфиндән сахланылыр. Аудиовизуал јајымчы өдәнишли вә өдәнишсиз ефир вахтынын ајрылмасына даир һесабат сәнәдләрини сәсвермә ҝүнүндән башлајараг 5 (беш) ил мүддәтиндә сахламалыдыр.

Маддә 23. Рекламын јајылмасы

Медиада реклам “Реклам һаггында” Азәрбајҹан Республикасынын Ганунуна ујғун олараг һазырланыр вә јајылыр.

Маддә 24. Бејнәлхалг әмәкдашлыг

24.1. Медиа саһәсиндә бејнәлхалг әмәкдашлыг Азәрбајҹан Республикасынын тәрәфдар чыхдығы бејнәлхалг мүгавиләләр әсасында һәјата кечирилир.

24.2. Азәрбајҹан Республикасынын медиа субјектләри, пешәкар журналист тәшкилатлары өз фәалијјәт истигамәтләринә ујғун әҹнәби вә вәтәндашлығы олмајан шәхсләрлә, һабелә хариҹи тәшкилатларла бејнәлхалг әмәкдашлыгда иштирак едә вә бу мәгсәдлә мүгавиләләр бағлаја биләрләр.

2-ҹи фәсил

Медиа субјектләри

Маддә 25. Медиа субјектләри

25.1. Медиа субјектләри ашағыдакылардыр:

25.1.1. аудиовизуал медиа субјектләри;

25.1.2. чап медиасы субјектләри;

25.1.3. онлајн медиа субјектләри;

25.1.4. информасија аҝентликләри.

Маддә 26. Медиа субјектинә даир тәләбләр

26.1. Медиа субјектинә даир тәләбләр ашағыдакылардыр:

26.1.1. тәсисчи физики шәхс олдугда, Азәрбајҹан Республикасында даими јашајан Азәрбајҹан Республикасынын вәтәндашы олмалыдыр;

26.1.2. тәсисчи һүгуги шәхс олдугда, онун низамнамә капиталында үстүн иштирак пајы (75 фаиз) Азәрбајҹан Республикасында даими јашајан Азәрбајҹан Республикасынын вәтәндашына (вәтәндашларына) вә (вә ја) Азәрбајҹан Республикасында гејдијјатдан кечмиш һүгуги шәхсә (һүгуги шәхсләрә) мәхсус олмалыдыр;

26.1.3. медиа субјекти физики шәхс олдугда, Азәрбајҹан Республикасында даими јашајан Азәрбајҹан Республикасынын вәтәндашы олмалы, бу Ганунун 26.3-ҹү маддәсинин тәләбләринә ҹаваб вермәлидыр.

26.2. Бу Ганунун 26.1.1-ҹи вә 26.1.2-ҹи маддәләриндә нәзәрдә тутулмуш тәләбләр медиа субјектинин тәсисчиси олан һүгуги шәхсин бирбаша вә долајысы илә иштиракчысы олан шәхсләрин иштиракчыларына да шамил едилир.

26.3. Ашағыдакы шәхсләр медиа субјектинин тәсисчиси (иштиракчысы) ола билмәзләр:

26.3.1. ағыр вә ја хүсусилә ағыр ҹинајәтләрә, һабелә иҹтимаи мәнәвијјат әлејһинә олан ҹинајәтләрә ҝөрә әввәлләр мәһкум едилмиш шәхсләр;

26.3.2. мәһкумлуғу өдәнилмәмиш вә ја ҝөтүрүлмәмиш шәхсләр;

26.3.3. мәһкәмә тәрәфиндән фәалијјәт габилијјәти олмајан вә ја мәһдуд фәалијјәт габилијјәтли һесаб едилән шәхсләр.

26.4. Сијаси партијалар вә дини гурумлар јалныз чап медиасынын тәсисчиси (иштиракычысы) ола биләрләр.

26.5. Медиа субјектинин онун тәсисчиси (иштиракчысы) олмајан хариҹи өлкәләрин физики вә ја һүгуги шәхсләри, онларын филиал вә нүмајәндәликләри, һәмин шәхсләрин Азәрбајҹан Республикасында тәсис етдикләри һүгуги шәхсләр, һабелә хариҹи өлкәләрин дөвләт гурумлары тәрәфиндән малијјәләшдирилмәсинә јол верилмир.

26.6. Аудиовизуал медиа субјектинин иштиракчыларынын тәркибиндә һәр һансы бир дәјишиклик едилмәздән 1 (бир) ај әввәл Шураја мәлумат верилмәлидир. Шура дәјишиклијин бу Ганунун тәләбләринә ујғун олмасы барәдә 1 (бир) ај мүддәтиндә әсасландырылмыш рәј верир. Верилмиш мүсбәт рәј әсасында аудиовизуал медиа субјектинин иштиракчыларынын тәркибиндә едилмиш дәјишиклији тәсдиг едән сәнәдләр 1 (бир) ај мүддәтиндә Шураја тәгдим олунмалыдыр.

26.7. Аудиовизуал медиа субјекти Шураја, диҝәр медиа субјектләри исә мүвафиг иҹра һакимијјәти органынын мүәјјән етдији органа (гурума) тәсисчиләри вә иштиракчылары, һабелә идарәетмә органынын рәһбәри барәдә мәлуматы һәр ил декабр ајынын 30-дәк тәгдим етмәлидир.

26.8. Медиа субјектинин идарәетмә органынын рәһбәри али тәһсилли олмалы, һабелә бу Ганунун 26.1.1-ҹи вә 26.3-ҹү маддәләринин тәләбләринә ҹаваб вермәлидир.

3-ҹү фәсил

Аудиовизуал медиа

Маддә 27. Аудиовизуал медиа субјектләри

27.1. Аудиовизуал медиа субјектләри ашағыдакылардыр:

27.1.1. јерүстү јајымчы:

27.1.1.1. үмумөлкә јерүстү телевизија јајымчысы;

27.1.1.2. реҝионал јерүстү телевизија јајымчысы;

27.1.1.3. үмумөлкә јерүстү радио јајымчысы;

27.1.1.4. реҝионал јерүстү радио јајымчысы;

27.1.2. платформа јајымчысы:

27.1.2.1. пејк јајымы һәјата кечирән платформа јајымчысы;

27.1.2.2. пејк јајымы һәјата кечирмәјән платформа јајымчысы;

27.1.3. платформа оператору:

27.1.3.1. садә платформа оператору;

27.1.3.2. универсал платформа оператору;

27.1.4. мултиплекс оператору;

27.1.5. инфраструктур оператору;

27.1.6. сифаришли јајым хидмәти провајдери.

Маддә 28. Аудиовизуал медиа субјектләринин фәалијјәтинин әсаслары

28.1. Јерүстү јајымчы инфраструктур вә мултиплекс оператору, инфраструктур вә мултиплекс оператору исә јерүстү јајымчы кими фәалијјәт ҝөстәрә билмәз.

28.2. Платформа оператору вә мултиплекс оператору платформа јајымчысы кими фәалијјәт ҝөстәрмәк үчүн бу фәалијјәт нөвү үзрә дә лисензија алмалыдыр.

Маддә 29. Јерүстү јајымчы

29.1. Иҹтимаи јајымчы истисна олмагла, јерүстү јајымчыја лисензија мүсабигә әсасында верилир.

29.2. Јерүстү үмумөлкә јајымчысынын програмлары өлкә үзрә, јерүстү реҝионал јајымчынын програмлары исә һәмин реҝион үзрә инфраструктур вә платформа операторлары тәрәфиндән ретранслјасија олунур.

29.3. Јерүстү јајымчы өз програмларыны инфраструктур вә платформа операторларына ретранслјасија үчүн тәгдим етмәлидир. Јерүстү јајымчы бунун мүгабилиндә платформа операторларындан өдәниш тәләб едә билмәз.

29.4. Јерүстү үмумөлкә јајымчысы өлкә үзрә, јерүстү реҝионал јајымчы исә мүвафиг реҝион үзрә јерүстү јајымын тәмин олунмасы үчүн инфраструктур оператору илә мүгавилә бағлајыр вә мүвафиг иҹра һакимијјәти органынын мүәјјән етдији органын (гурумун) мүәјјән етдији мәбләғдә инфрастуктур операторуна хидмәт һаггы өдәјир.

29.5. Јерүстү үмумөлкә јајымчысынын пејк јајымы һәјата кечирмәси үчүн лисензија тәләб олунмур. Јерүстү үмумөлкә јајымчысы пејк операторлары илә мүгавилә бағлајараг пејк јајымы да һәјата кечирә биләр.

29.6. Јерүстү јајымчы програмларыны онларын мәзмунуна дәјишиклик етмәдән өз интернет информасија еһтијатында (веб-сајтында) вә диҝәр видео пајлашым платформаларында јајымлаја биләр.

Маддә 30. Платформа јајымчысы

30.1. Сијаһысы мүвафиг иҹра һакимијјәти органынын мүәјјән етдији органын (гурумун) мүәјјән етдији органлар (гурумлар) истисна олмагла, дөвләт органлары (гурумлары) вә дөвләтә мәхсус олан һүгуги шәхсләр тәрәфиндән малијјәләшән, һәмин органын (гурумун) фәалијјәт саһәсини әкс етдирән, иҹтимаи јајым функсијасы дашыјан аудиовизуал јајымчы јалныз платформа јајымчысы кими фәалијјәт ҝөстәрә биләр.

30.2. Платформа јајымчысы (бу Ганунун 30.8-ҹи маддәси истисна олмагла) лисензија әсасында фәалијјәт ҝөстәрир.

30.3. Пејк јајымы һәјата кечирән платформа јајымчысы үчүн лисензија мүсабигә әсасында јалныз һүгуги шәхсләрә верилир.

30.4. Платформа јајымчысы прајм-тајмда јајымланан програмларында дөвләт дилиндән истифадәни там тәмин етдикдә, реклам фәалијјәти һәјата кечирә биләр.

30.5. Платформа јајымчысы програмларыны онларын мәзмунуна дәјишиклик етмәдән өз веб-сајтында вә диҝәр видео пајлашым платформаларында јајымлаја биләр.

30.6. Платформа јајымчысынын редаксијасы Азәрбајҹан Республикасынын әразисиндә фәалијјәт ҝөстәрмәлидир вә ҝүндә минимум 6 саат јајым һәјата кечирмәлидир.

30.7. Бирбаша интернет үзәриндән јајымланан платформа јајымчысы бу Ганунун 30.6-ҹы маддәсиндә нәзәрдә тутулмуш тәләбләрлә јанашы, веб-сајта вә мүәјјән програм ҹәдвәлинә малик олмалы, һабелә јајымы өзүнүн веб-сајтындан һәјата кечирмәлидир.

30.8. Бирбаша интернет үзәриндән аудиовизуал програмлар јајымлајан шәхсләр јалныз өз мүраҹиәтләри әсасында платформа јајымчысы лисензијасы ала биләрләр. Бу һалда гејд олунан шәхсләр бу Ганунун 30.2–30.7-ҹи маддәләринин тәләбләринә ҹаваб вермәлидир.

Маддә 31. Сифаришли јајым хидмәти провајдери

31.1. Сифаришли јајым хидмәти провајдери лисензија әсасында фәалијјәт ҝөстәрир.

31.2. Сифаришли јајым хидмәти провајдери програм каталогуну платформа операторунун јајым үсуллары вә ја бирбаша интернет васитәсилә, о ҹүмләдән, мобил тәтбигләр васитәсилә тәгдим едир.

31.3. Сифаришли јајым хидмәти провајдери програм каталогуна дахил етдији бүтүн програмлар барәдә мәлуматы вә һәмин програмларын јајымы үчүн әлдә етдији јајым һүгугларына даир мүгавиләләри Шураја тәгдим етмәлидир.

31.4. Сифаришли јајым хидмәтинин програм каталогуна дахил едилмиш бүтүн програмлар “Ушагларын зәрәрли информасијадан горунмасы һаггында” Азәрбајҹан Республикасынын Ганунуна ујғун олараг јаш категоријалары үзрә тәснифатландырылмалыдыр.

Маддә 32. Платформа оператору

32.1. Платформа оператору лисензија әсасында фәалијјәт ҝөстәрир.

32.2. Садә платформа оператору јалныз бир үсулла, универсал платформа оператору исә ејни заманда 2 (ики) вә даһа чох үсулла ретранслјасија һәјата кечирә биләр.

32.3. Платформа оператору мүгавилә әсасында истифадәчијә аудиовизуал програмларын сатышыны һәјата кечирир.

32.4. Платформа оператору онунла хариҹи аудиовизуал јајымчы вә ја онун адындан мүгавилә бағламаг сәлаһијјәти олан шәхс арасында хариҹи аудиовизуал јајымчыларын програмларынын ретранслјасијасына даир бағланмыш мүгавиләнин сурәтини Шураја тәгдим етмәлидир.

32.5. Платформа оператору јерүстү үмумөлкә јајымчысынын програмларыны өлкә үзрә, јерүстү реҝионал јајымчынын програмларыны исә реҝион үзрә ретранслјасија етмәк үчүн өз јајым пакетләринә дахил етмәлидир. Платформа оператору бунун мүгабилиндә јерүстү јајымчыдан өдәниш тәләб едә билмәз.

32.6. Платформа оператору мүгавилә әсасында платформа јајымчысынын програмларынын ретранслјасијасыны һәјата кечирә биләр.

32.7. Платформа операторунун фәалијјәтиндә Шура тәрәфиндән мониторингин һәјата кечирилмәси мәгсәдилә һәмин оператор тәрәфиндән Шуранын өдәнишсиз истифадә һүгугу тәмин едилмәлидир.

32.8. Платформа оператору ретранслјасија етдији аудиовизуал јајымчыларын сијаһысыны һәр нөвбәти ајын биринҹи һәфтәсиндә Шураја тәгдим етмәлидир.

Маддә 33. Инфраструктур оператору

33.1. Инфраструктур оператору Шуранын гәрары илә ајрылмыш радиотезликдән (радиотезликләрдән) истифадә едир.

33.2. Инфраструктур оператору јерүстү јајымчынын програмларынын ретранслјасијасыны тәмин етмәлидир.

33.3. Инфраструктур оператору јерүстү үмумөлкә јајымчысынын өлкә үзрә, јерүстү реҝионал јајымчынын исә мүвафиг реҝион үзрә јерүстү јајымынын тәмин олунмасы үчүн јерүстү јајымчы илә мүгавилә бағлајыр вә бу Ганунун 29.4-ҹү маддәсиндә ҝөстәрилән мәбләғдә хидмәт һаггы алыр.

33.4. Инфраструктур оператору истифадәчиләрә өдәнишли ретранслјасија хидмәти ҝөстәрә билмәз.

33.5. Инфраструктур оператору мултиплекс вә платформа операторларына, һәмчинин пејк операторуна сигналын өтүрүлмәсини мүвафиг иҹра һакимијјәти органынын мүәјјән етдији органын (гурумун) мүәјјән етдији мәбләғдә хидмәт һаггы алмагла һәјата кечирир.

Маддә 34. Мултиплекс оператору

34.1. Мултиплекс оператору үчүн радиотезлик (радиотезликләр) онун истифадәсинә Шура тәрәфиндән бу Ганунун 5-ҹи фәслинә мүвафиг олараг кечирилән мүсабигә әсасында верилир. Мүсабигәнин галиби ејни заманда мултиплекс оператору үчүн мүвафиг лисензија әлдә етмиш сајылыр.

34.2. Нөвбәти радиотезлик (радиотезликләр) әлдә етмәк истәјән мултиплекс оператору радиотезлијин (радиотезликләрин) верилмәсинә даир мүсабигәдә иштирак етмәлидир. Бу мүсабигәнин нәтиҹәсиндә галиб олмуш мултиплекс операторуна јенидән лисензија верилмир.

34.3. Мултиплекс оператору мүгавилә әсасында истифадәчијә аудиовизуал програмларын сатышыны һәјата кечирир.

34.4. Мултиплекс оператору мүгавилә әсасында платформа јајымчысынын програмларынын ретранслјасијасыны һәјата кечирә биләр.

34.5. Мултиплекс оператору онунла хариҹи аудиовизуал јајымчы вә ја онун адындан мүгавилә бағламаг сәлаһијјәти олан шәхс арасында хариҹи аудиовизуал јајымчыларын програмларынын ретранслјасијасына даир бағланмыш мүгавиләнин сурәтини Шураја тәгдим етмәлидир.

34.6. Мултиплекс операторунун фәалијјәтиндә Шура тәрәфиндән мониторингин һәјата кечирилмәси мәгсәдилә һәмин оператор тәрәфиндән Шуранын өдәнишсиз истифадә һүгугу тәмин едилмәлидир.

34.7. Мултиплекс оператору ретранслјасија етдији аудиовизуал јајымчыларын сијаһысыны һәр нөвбәти ајын биринҹи һәфтәсиндә Шураја тәгдим етмәлидир.

Маддә 35. Јерүстү јајымын радиотезлик планлашдырылмасы

35.1. Јерүстү јајым үчүн радиотезлик сијаһысы мүвафиг иҹра һакимијјәти органынын мүәјјән етдији орган (гурум) тәрәфиндән тәртиб олунур вә јерүстү јајым үчүн истифадәјә јарарлы радиотезликләр һаггында мәлуматлар һәр јарымилдә 1 (бир) дәфә Шураја тәгдим едилир. Бу мәлуматлар Шуранын сорғусу әсасында да тәгдим олунур.

35.2. Мүвафиг иҹра һакимијјәти органынын мүәјјән етдији орган (гурум) вә инфраструктур оператору һәр јарымилдә 1 (бир) дәфә јајым имканлары барәдә Шураја мәлумат верир. Бу мәлуматлар Шуранын сорғусу әсасында да тәгдим олунур.

35.3. Шура үмумөлкә вә реҝионал јерүстү јајым үчүн истифадәјә јарарлы радиотезликләрин вә јајым имканларынын истифадәсини тәшкил едир.

Маддә 36. Аудиовизуал јајым аваданлыгларынын сертификатлашдырылмасы

Аудиовизуал програмларын өтүрүлмәси вә јајымланмасыны тәмин едән јерүстү јајым радиовериҹиләри, пејк јерүстү радиовериҹиләри, јерүстү радио-реле аралыг вә сон стансијалары, һабелә кабел јајымы стансијалары вә пајлајыҹы шәбәкә аваданлыглары “Ујғунлуғун гијмәтләндирилмәси саһәсиндә аккредитасија һаггында” Азәрбајҹан Республикасынын Ганунуна ујғун олараг аккредитасија едилмиш ујғунлуғу гијмәтләндирән гурумлар тәрәфиндән сертификатлашдырылыр.

Маддә 37. Дөвләт органларында (гурумларында), һүгуги вә физики шәхсләрә мәхсус објектләрдә вә онларын әрази һүдудларында аудиовизуал јајым

Дөвләт органларында (гурумларында), һүгуги вә физики шәхсләрә мәхсус објектләрдә вә онларын әрази һүдудларында онлар тәрәфиндән һәјата кечирилән вә һәмин гурумларын фәалијјәтини әкс етдирән информасија характерли аудиовизуал програмлардан ибарәт јајым, һабелә һәмин гурумлар тәрәфиндән јалныз јерүстү јајымчыларын програмларынын ретранслјасијасы үзрә фәалијјәт лисензијалашдырылмыр.

Маддә 38. Јајым һүгугу

38.1. Програмын мүәллифи һәмин програмын јајымланмасы һүгугуну јајым үсулунун вә шәртләринин ҝөстәрилдији мүгавилә әсасында бир нечә вә ја мүстәсна олараг бир аудиовизуал јајымчыја верә биләр. Һәмин мүгавиләләрин сурәти аудиовизуал јајымчы тәрәфиндән Шураја тәгдим едилмәлидир.

38.2. Програма мүстәсна јајым һүгугу әлдә етмиш аудиовизуал јајымчыдан башга диҝәр аудиовизуал јајымчыларын һәмин програмы јајымламасы гадағандыр.

38.3. Мүстәсна јајым һүгугу илә јајымланан әһәмијјәтли тәдбир диҝәр аудиовизуал јајымчылар тәрәфиндән 60 (алтмыш) санијәдән артыг олмамаг вә мәнбәјини билдирмәк шәрти илә өдәнишсиз јајымлана биләр.

38.4. Мүвафиг иҹра һакимијјәти органынын мүәјјән етдији орган (гурум) хариҹи аудиовизуал јајымчынын програмларынын јајымланмасына разылыг верилмәси үчүн Шураја мүраҹиәт етмәлидир.

Маддә 39. Аудиовизуал јајымчынын вәзифәләри вә аудиовизуал јајыма даир тәләбләр

39.1. Аудиовизуал јајымчынын вәзифәләри ашағыдакылардыр:

39.1.1. сифаришли јајым хидмәти истисна олмагла, Азәрбајҹан Республикасынын Дөвләт Һимнини һәр ҝүн сәһәр јајымын әввәлиндә “Азәрбајҹан Республикасынын Дөвләт Һимниндән истифадә гајдалары һаггында” Азәрбајҹан Республикасы Ганунунун 6.2-ҹи маддәсинә ујғун олараг сәсләндирмәк;

39.1.2. түтүн истифадәси просесинин нүмајиш етдирилдији програмларда түтүндән истифадәнин сағламлыға вә әтраф мүһитә зәрәрли тәсири барәдә хүсуси хәбәрдаредиҹи мәлуматларын верилмәсини тәмин етмәк;

39.1.3. бу Ганунун 14.1-ҹи вә 14.2-ҹи маддәләриндә нәзәрдә тутулмуш тәләбләрә риајәт етмәк;

39.1.4. реклам вә спонсорлуг фәалијјәтини “Реклам һаггында” Азәрбајҹан Республикасы Ганунунун тәләбләринә әсасән һәјата кечирмәк;

39.1.5. Шуранын гәрарларыны иҹра етмәк;

39.1.6. бу Ганунла мүәјјәнләшдирилмиш диҝәр вәзифәләри јеринә јетирмәк.

39.2. Аудиовизуал јајымын сәс вә тәсвиринә даир кејфијјәт ҝөстәриҹиләри илә бағлы тәләбләр Шура тәрәфиндән мүәјјән едилир.

39.3. Үмумхалг һүзн, Аным вә матәм ҝүнләриндә аудиовизуал јајым ашағыдакы гајдада һәјата кечирилмәлидир:

39.3.1. комедија вә еротик филмләр, телевизија вә радио викториналары, јумористик, әјләнҹәли вә үмумхалг һүзн, Аным вә матәм ҝүнләринин маһијјәтинә ујғун олмајан диҝәр програмлар јајымланмамалыдыр;

39.3.2. реклам јајымланмамалыдыр (Аным Ҝүнү истисна олмагла);

39.3.3. азы һәр ики саатда бир дәфә үмумхалг һүзн, Аным вә матәм ҝүнү илә бағлы мәлумат јајымланмалыдыр;

39.3.4. саат 12.00-да бир дәгигәлик сүкут елан едилмәлидир.

Маддә 40. Тематик јајым

Бу Ганунун 50.1-ҹи вә 50.2-ҹи маддәләриндә ҝөстәрилән аудиовизуал медиа субјектләри тәрәфиндән јајымын лисензијада гејд олунан жанрда һәјата кечирилмәси мәҹбуридир.

Маддә 41. Јајымын дајандырылмасы

41.1. Ашағыдакы һалларда јајым Шуранын гәрары илә 24 (ијирми дөрд) саат мүддәтинәдәк мүвәггәти дајандырылыр:

41.1.1. бу Ганунун 14.1.4-ҹү (ирги, дини, мәншә, ҹинси, етник вә диҝәр ајры-сечкилијин тәблиғи илә бағлы), 14.1.5-ҹи (зоракылыг вә гәддарлыгла бағлы), 14.1.6-ҹы, 14.1.12-ҹи, 14.1.13-ҹү, 38-ҹи, 39.1.1-ҹи, 39.1.2-ҹи, 39.1.4-ҹү вә 39.3-ҹү маддәләринин тәләбләри позулдугда;

41.1.2. јајымла бағлы лисензијада ҝөстәрилән әрази категоријасына риајәт едилмәдикдә.

41.2. Ашағыдакы һалларда јајым Шуранын гәрары илә 1 (бир) ҝүндән 1 (бир) ајадәк мүддәтә мүвәггәти дајандырылыр:

41.2.1. бу Ганунун 7-ҹи, 8-ҹи, 9-ҹу, 14.1.2-ҹи вә 14.1.5-ҹи (террорчулуғун вә дини екстремизмин тәблиғи илә бағлы) маддәләринин тәләбләри позулдугда;

41.2.2. Азәрбајҹан Республикасынын конститусија гурулушунун зорла дәјишдирилмәсинә, әрази бүтөвлүјүнүн парчаланмасына, һакимијјәтин зорла әлә кечирилмәсинә вә ја сахланмасына, күтләви иғтишашлара, етник, ирги вә ја дини нифрәт вә дүшмәнчилијин салынмасына, террорчулуға ачыг чағырышлар, һабелә террорчулуғун малијјәләшдирилмәсинә, террорчулуг мәгсәдилә тәлимләрин тәшкил едилмәсинә вә ја кечиририлмәсинә јөнәлән мәлуматлар јајымладыгда.

41.3. Шура бу Ганунун 41.2.2-ҹи маддәсиндә ҝөстәрилән һалда јајымын дәрһал дајандырылмасы барәдә гәрар гәбул едир вә бу Ганунун 58.4-ҹү маддәси нәзәрә алынмагла јајымчынын лисензијасынын ләғв едилмәси барәдә иддиа әризәси илә мәһкәмәјә мүраҹиәт едир. Мәһкәмә иддиа әризәсинә Азәрбајҹан Республикасы Инзибати Просессуал Мәҹәлләсинин 128-ҹи маддәсинә ујғун олараг бахыр.

41.4. Шура тәрәфиндән јајымын дајандырылмасы барәдә гәрарын сурәти дәрһал мәлумат үчүн аудиовизуал јајымчыја, иҹра үчүн инфраструктур операторуна, мүвафиг иҹра һакимијјәти органынын мүәјјән етдији органа (гурума) вә платформа операторларына ҝөндәрилмәлидир.

41.5. Бу Ганунун тәләбләрини позмуш аудиовизуал јајымчы бу Ганунун 41.1-ҹи вә 41.2-ҹи маддәләри илә она тәтбиг едилмиш мүвафиг тәдбирин мәзмуну барәдә мәлуматы јајымын дајандырылдығы мүддәт әрзиндә өзүнүн телевизија вә (вә ја) радио каналында јајымламалыдыр.

41.6. Барәсиндә јајымын дајандырылмасы вә ја диҝәр инзибати тәнбеһ тәтбиг етмә һаггында гәрар чыхарылмыш јајымчы буна сәбәб олмуш аудиовизуал програмы өзүнүн веб-сајтындан вә һәмин програмын јајымландығы видео пајлашым платформаларындан чыхармалыдыр.

Маддә 42. Аудиовизуал програмларын аудиторија һәҹминин арашдырылмасы

42.1. Аудиовизуал јајымын дајаныглы инкишафыны тәмин етмәк, һәмин саһәјә инвестисија гојулушуну вә рекламы тәшвиг етмәк мәгсәдилә хүсуси гурғуларла аудиовизуал јајымчыларын вә онлар тәрәфиндән јајымланан програмларын аудиторија һәҹминин арашдырылмасы Шуранын тәләбләринә ҹаваб верән рејтинг өлчән тәшкилат тәрәфиндән аудиовизуал јајымчыларла бағланылмыш мүгавилә әсасында һәјата кечирилир. Мүвафиг иҹра һакимијјәти органынын мүәјјән етдији органын (гурумун) мүәјјән етдији һалда бу маддәнин мәгсәдләри үчүн малијјәләшмә дөвләт бүдҹәсинин вәсаити һесабына һәјата кечирилә биләр.

42.2. Дөвләт бүдҹәсиндән малијјәләшән аудиовизуал јајымчылар (сифаришли јајым хидмәти истисна олмагла) аудиторија һәҹминин Шуранын тәләбләринә ҹаваб верән рејтинг өлчән тәшкилат васитәсилә мүәјјәнләшдирилмәсини тәмин етмәлидирләр.

42.3. Аудиовизуал медиа субјектләринин вә реклам аҝентликләринин рејтинг өлчән тәшкилатын тәсисчиси (иштиракчысы) олмасына јол верилмир.

42.4. Рејтинг өлчән тәшкилат аудиовизуал програмларын аудиторија һәҹминин арашдырылмасыны ашағыдакы принсипләр әсасында һәјата кечирир:

42.4.1. апарылан арашдырмаларын там вә мүтәмади олмасы;

42.4.2. апарылан арашдырмалар нәтиҹәсиндә әлдә едилән мәлуматларын топланмасы, ишләнмәси, сахланылмасы вә јајымланмасынын бејнәлхалг стандартлара ујғунлуғунун тәмин едилмәси;

42.4.3. апарылан арашдырмаларын објективлијинин тәмин олунмасы;

42.4.4. апарылан арашдырма заманы әлдә олунан мәлуматларын топланма мәнбәләринин конфиденсиаллығынын горунмасы;

42.4.5. “Фәрди мәлуматлар һаггында” Азәрбајҹан Республикасы Ганунунун тәләбләринә әмәл едилмәси.

42.5. Јајымчылар рејтинг өлчән тәшкилат тәрәфиндән апарылан арашдырмаларын нәтиҹәләри барәдә һесабатлары Шуранын сорғусу әсасында Шураја тәгдим етмәлидирләр.

4-ҹү фәсил

Аудиовизуал медиа саһәсини тәнзимләјән орган

Маддә 43. Аудиовизуал медиа саһәсини тәнзимләјән органын статусу

43.1. Азәрбајҹан Республикасында аудиовизуал медиа саһәсиндә тәнзимләмәни Шура һәјата кечирир.

43.2. Шуранын фәалијјәти дөвләт бүдҹәси вә ганунла гадаған олунмајан диҝәр мәнбәләр һесабына малијјәләшдирилир.

43.3. Шура мүстәгил баланса, “Азәрбајҹан Республикасынын Дөвләт Ҝербиндән истифадә гајдалары һаггында” Азәрбајҹан Республикасынын Ганунуна ујғун олараг, һәмчинин Азәрбајҹан Республикасынын Дөвләт Ҝербинин тәсвири вә өз ады әкс олунмуш мөһүрә, мүвафиг штамплара, бланклара вә банк һесабларына маликдир.

Маддә 44. Шуранын фәалијјәт принсипләри

Шуранын фәалијјәти ганунчулуг, мүстәгиллик, коллеҝиаллыг, гәрәзсизлик, објективлик вә пешәкарлыг принсипләринә әсасланыр.

Маддә 45. Шуранын мүстәгиллији

45.1. Шура тәшкилати вә функсионал мүстәгиллијә маликдир вә онун фәалијјәтинә ганунсуз мүдахилә етмәк јолверилмәздир.

45.2. Шуранын структуруну вә ишчиләринин сај һәддини мүвафиг иҹра һакимијјәти органынын мүәјјән етдији орган (гурум) мүәјјән едир.

Маддә 46. Шуранын фәалијјәт истигамәтләри

46.1. Шуранын фәалијјәт истигамәтләри ашағыдакылардыр:

46.1.1. аудиовизуал медиа саһәсиндә тәнзимләмәни вә гүввәдә олан норматив һүгуги актлара әмәл едилмәсинә нәзарәти һәјата кечирмәк;

46.1.2. аудиовизуал медиа саһәсиндә дөвләт сијасәтинин формалашмасында иштирак етмәк вә бу сијасәтин һәјата кечирилмәсини тәмин етмәк;

46.1.3. бу Ганунла мүәјјән едилән диҝәр истигамәтләрдә фәалијјәт ҝөстәрмәк.

Маддә 47. Шуранын вәзифә вә һүгуглары

47.1. Шуранын вәзифәләри ашағыдакылардыр:

47.1.1. аудиовизуал медиа саһәсиндә норматив һүгуги актларын, инкишаф консепсијаларынын вә мәгсәдли програмларын һазырланмасында вә һәјата кечирилмәсиндә иштирак етмәк;

47.1.2. аудиовизуал медиа саһәсиндә норматив характерли актлар гәбул етмәк;

47.1.3. аудиовизуал јајымын сәс вә тәсвиринә даир кејфијјәт ҝөстәриҹиләрини мүәјјән етмәк;

47.1.4. аудиовизуал медиа субјектләри үчүн лисензијалар вермәк;

47.1.5. аудиовизуал медиа саһәсиндә бу Ганунун тәләбләринин јеринә јетирилмәсинә нәзарәт етмәк мәгсәдилә “Саһибкарлыг саһәсиндә апарылан јохламаларын тәнзимләнмәси вә саһибкарларын марагларынын мүдафиәси һаггында” Азәрбајҹан Республикасынын Ганунуна ујғун олараг јохламалар һәјата кечирмәк;

47.1.6. бу Ганунла мүәјјән едилмиш фәалијјәт истигамәтләринә ујғун олараг аудиовизуал медиа субјектләри үчүн иҹрасы мәҹбури олан гәрарлар гәбул етмәк;

47.1.7. “Иҹтимаи телевизија вә радио јајымы һаггында” Азәрбајҹан Республикасы Ганунунун 17.2-ҹи маддәсиндә ҝөстәрилән тәшкилатлардан Јајым шурасынын үзвлүјүнә намизәдләрин ирәли сүрүлмәси ишини тәшкил етмәк;

47.1.8. јерүстү јајымын радиотезлик планлашдырылмасыны мүвафиг иҹра һакимијјәти органынын мүәјјән етдији органла (гурумла) бирҝә һәјата кечирмәк;

47.1.9. хариҹи аудиовизуал јајымчынын програмларынын мүвафиг иҹра һакимијјәти органынын мүәјјән етдији органын (гурумун) хидмәтләриндән истифадә етмәклә јајымланмасына разылыг вермәк;

47.1.10. Азәрбајҹан Республикасынын тәрәфдар чыхдығы бејнәлхалг мүгавиләләр илә тәнзимләнән вә Шуранын сәлаһијјәтинә аид олан мәсәләләр үзрә Азәрбајҹан Республикасынын ҝөтүрдүјү өһдәликләрин јеринә јетирилмәсини тәмин етмәк;

47.1.11. аудиовизуал медиа саһәсиндә инзибати хәта әламәтләри ашкар етдикдә, Азәрбајҹан Республикасынын Инзибати Хәталар Мәҹәлләсинә ујғун олараг тәдбирләр ҝөрмәк, ҹинајәт әламәтләри олдугда исә аидијјәти үзрә мәлумат вермәк;

47.1.12. Шураја ајрылан бүдҹә вәсаитиндән, кредит, грант вә диҝәр малијјә вәсаитиндән тәјинаты үзрә сәмәрәли истифадә олунмасыны тәмин етмәк;

47.1.13. дөвләт вә коммерсија сирринин, һабелә мәхфилик режиминин горунмасы үчүн тәдбирләр ҝөрмәк;

47.1.14. өз фәалијјәти һаггында әһалинин мәлуматландырылмасыны, веб-сајтынын јарадылмасыны, малик олдуғу вә сијаһысы “Информасија әлдә етмәк һаггында” Азәрбајҹан Республикасынын Гануну илә мүәјјән едилмиш ачыгланмалы олан иҹтимаи информасијанын һәмин сајтда јерләшдирилмәсини вә бу информасијанын даим јениләнмәсини тәмин етмәк;

47.1.15. Шуранын структурунун вә фәалијјәтинин тәкмилләшдирилмәси истигамәтиндә өз сәлаһијјәтләри дахилиндә тәдбирләр ҝөрмәк;

47.1.16. Шуранын фәалијјәти илә бағлы дахил олан мүраҹиәтләрә “Вәтәндашларын мүраҹиәтләри һаггында”, “Инзибати иҹраат һаггында” вә “Информасија әлдә етмәк һаггында” Азәрбајҹан Республикасынын ганунларына ујғун олараг бахмаг вә ганунла мүәјјән едилмиш гајдада тәдбирләр ҝөрмәк;

47.1.17. бу Ганундан ирәли ҝәлән диҝәр вәзифәләри јеринә јетирмәк.

47.2. Өз вәзифәләрини јеринә јетирмәк үчүн Шуранын ашағыдакы һүгуглары вардыр:

47.2.1. аудиовизуал медиа саһәсиндә нормајаратма фәалијјәтиндән ирәли ҝәлән һүгуглары һәјата кечирмәк;

47.2.2. аудиовизуал медиа саһәси үзрә Азәрбајҹан Республикасынын бејнәлхалг мүгавиләләрә тәрәфдар чыхмасы барәдә тәшәббүслә чыхыш етмәк;

47.2.3. аудиовизуал медиа саһәси үзрә дөвләт органларына (гурумларына), јерли өзүнүидарәетмә органларына, физики вә һүгуги шәхсләрә зәрури мәлуматлар (сәнәдләр) барәдә сорғу вермәк вә онлардан белә мәлуматлары (сәнәдләри) алмаг;

47.2.4. Азәрбајҹан Республикасынын мәркәзи вә јерли иҹра һакимијјәти органлары, јерли өзүнүидарәетмә органлары, хариҹи дөвләтләрин аидијјәти дөвләт органлары (гурумлары) илә, бејнәлхалг вә гејри-һөкумәт тәшкилатлары илә, диҝәр һүгуги вә физики шәхсләрлә әмәкдашлыг етмәк, хариҹи дөвләтләрин мүвафиг тәҹрүбәсини өјрәнмәк;

47.2.5. фәалијјәт истигамәтләринә ујғун рәј вермәк, тәһлилләр вә үмумиләшдирмәләр апармаг, аналитик материаллар һазырламаг, мүвафиг саһә үзрә тәдгигатлар апармаг, тәклифләр вермәк;

47.2.6. мүстәгил експертләри вә мүтәхәссисләри өз фәалијјәтинә ҹәлб етмәк;

47.2.7. бу Ганундан ирәли ҝәлән диҝәр һүгуглары һәјата кечирмәк.

Маддә 48. Шуранын фәалијјәтинин идарә олунмасы

48.1. Шура сәдр дә дахил олмагла 7 (једди) үзвдән ибарәт тәркибдә фәалијјәт ҝөстәрир.

48.2. Шуранын үзвләри мүвафиг иҹра һакимијјәти органынын мүәјјән етдији орган (гурум) тәрәфиндән вәзифәјә тәјин вә вәзифәдән азад едилирләр.

48.3. Үзвләрин сәлаһијјәт мүддәти 5 (беш) илдир. Ејни шәхс ардыҹыл олараг ики дәфәдән артыг Шуранын үзвү ола билмәз.

48.4. Ашағыдакы шәхсләр Шуранын үзвү ола билмәзләр:

48.4.1. али тәһсили олмајанлар;

48.4.2. икили вәтәндашлығы вә ја башга дөвләтләр гаршысында өһдәлији оланлар;

48.4.3. дөвләт органларында (гурумларында) өдәнишли, сечкили вә ја тәјинатлы вәзифә тутанлар, елми, педагожи вә јарадыҹылыг фәалијјәти истисна олмагла, башга өдәнишли фәалијјәтлә мәшғул оланлар;

48.4.5. дин хадимләри;

48.4.6. фәалијјәт габилијјәтсизлији вә ја мәһдуд фәалијјәт габилијјәтлилији мәһкәмәнин гануни гүввәјә минмиш гәрары илә тәсдиг едилмиш шәхсләр;

48.4.7. ағыр вә хүсусилә ағыр ҹинајәтләрә ҝөрә мәһкумлуғу үзәриндән ҝөтүрүлмәмиш, јахуд мәһкумлуғу өдәнилмәмиш шәхсләр;

48.4.8. медиа субјектләри вә онларын тәсисчиси (иштиракчысы) олан шәхсләр.

48.5. Шуранын үзвләри сәлаһијјәт мүддәти гуртаранадәк јалныз ашағыдакы һалларда өз вәзифәләриндән азад едилирләр:

48.5.1. өз арзусу илә мүвафиг әризә тәгдим етдикдә;

48.5.2. Азәрбајҹан Республикасы вәтәндашлығына хитам верилдикдә вә ја башга дөвләтин вәтәндашлығыны гәбул етдикдә;

48.5.3. дөвләт органларында (гурумларында) өдәнишли, сечкили вә ја тәјинатлы вәзифә тутдугда, елми, педагожи вә јарадыҹылыг фәалијјәти истисна олмагла, башга өдәнишли фәалијјәтлә мәшғул олдугда;

48.5.4. дин хадими олдугда;

48.5.5. фәалијјәт габилијјәтсизлији вә ја мәһдуд фәалијјәт габилијјәтлилији мәһкәмәнин гануни гүввәјә минмиш гәрары илә тәсдиг едилдикдә;

48.5.6. ағыр вә хүсусилә ағыр ҹинајәт төрәтдикдә вә мәһкәмәнин гануни гүввәјә минмиш иттиһам һөкмү вә ја тибби характерли мәҹбури тәдбирләрин тәтбигинә даир гануни гүввәјә минмиш гәрары олдугда;

48.5.7. медиа субјекти вә онун тәсисчиси (иштиракчысы) олдугда.

48.6. Шуранын үзвләри өз араларындан садә сәс чохлуғу илә Шуранын сәдрини сечирләр.

48.7. Шура хәрҹләр сметасы дахилиндә Шура апаратынын структуруну тәсдиг едир.

48.8. Шуранын сәдри:

48.8.1. Шуранын ишинин тәшкил едир вә она рәһбәрлик едир;

48.8.2. Шура апаратынын структур бөлмәләринин әсаснамәләрини тәсдиг едир;

48.8.3. Шура апаратынын ишчиләрини вәзифәјә тәјин едир вә вәзифәдән азад едир;

48.8.4. өз сәлаһијјәти чәрчивәсиндә иҹрасы мәҹбури олан дахили әмрләр, сәрәнҹамлар вә ҝөстәришләр верир;

48.8.5. бу Ганундан ирәли ҝәлән диҝәр сәлаһијјәтләри һәјата кечирир.

Маддә 49. Шура үзвләринин тәминаты

49.1. Шура сәдринин ајлыг вәзифә маашы мәркәзи иҹра һакимијјәти органынын рәһбәринин ајлыг вәзифә маашына, Шуранын диҝәр үзвләринин ајлыг вәзифә маашы исә мәркәзи иҹра һакимијјәти органынын рәһбәринин мүавининин ајлыг вәзифә маашына бәрабәр тутулур.

49.2. Шуранын үзвләринә сәлаһијјәтләринин иҹрасы илә бағлы тәмсилчилик хәрҹләринин өдәнилмәси үчүн вәзифә маашларынын 25 фаизи мәбләғиндә ајлыг әлавә пул тәминаты верилир.

5-ҹи фәсил

Аудиовизуал медиа саһәсиндә лисензијалашдырма

Маддә 50. Аудиовизуал медиа субјектләри үчүн верилән лисензијалар

50.1. Јерүстү јајымчылара ашағыдакы лисензијалар верилир:

50.1.1. үмумөлкә јерүстү телевизија јајымчысы лисензијасы;

50.1.2. реҝионал јерүстү телевизија јајымчысы лисензијасы;

50.1.3. үмумөлкә јерүстү радио јајымчысы лисензијасы;

50.1.4. реҝионал јерүстү радио јајымчысы лисензијасы.

50.2. Платформа јајымчыларына ашағыдакы лисензијалар верилир:

50.2.1. пејк јајымы һәјата кечирән платформа јајымчысы лисензијасы;

50.2.2. пејк јајымы һәјата кечирмәјән платформа јајымчысы лисензијасы.

50.3. Сифаришли јајым хидмәти провајдеринә сифаришли јајым хидмәти провајдери лисензијасы верилир.

50.4. Платформа операторларына ашағыдакы лисензијалар верилир:

50.4.1. садә платформа оператору лисензијасы;

50.4.2. универсал платформа оператору лисензијасы.

50.5. Мултиплекс операторуна мултиплекс оператору лисензијасы верилир.

Маддә 51. Мүсабигә әсасында лисензијаларын верилмәси

51.1. Бу Ганунун 50.1.1–50.1.4-ҹү, 50.2.1-ҹи вә 50.5-ҹи маддәләриндә ҝөстәрилән лисензијаларын верилмәси үчүн бу Ганунун 35.1-ҹи вә ја 35.2-ҹи маддәләриндә нәзәрдә тутулмуш мәлуматлар әсасында Шуранын гәрары илә мүсабигә елан едилир вә бу елан онун веб-сајтында вә азы 2 (ики) рәсми гәзетдә јајымланыр.

51.2. Еланда ашағыдакы мәлуматлар олмалыдыр:

51.2.1. бу Ганунун 50.1.1–50.1.4-ҹү вә 50.2.1-ҹи маддәләриндә нәзәрдә тутулмуш лисензијалар үчүн јајымын нөвү (телевизија вә (вә ја) радио);

51.2.2. бу Ганунун 50.1.1–50.1.4-ҹү маддәләриндә нәзәрдә тутулмуш лисензијалар үчүн јајымын әрази категоријасы вә јајымын жанры;

51.2.3. бу Ганунун 50.2.1-ҹи маддәсиндә нәзәрдә тутулмуш лисензија үчүн јајымын жанры;

51.2.4. бу Ганунун 50.5-ҹи маддәсиндә нәзәрдә тутулмуш лисензија үчүн јајымын әрази категоријасы;

51.2.5. мүсабигәдә иштирак һаггынын мәбләғи, онун өдәнилмәси мүддәти вә гајдасы;

51.2.6. бу Ганунун 52.2-ҹи маддәсиндә нәзәрдә тутулан сәнәдләрин сијаһысы вә һәмин сәнәдләрин тәгдим едилмә үнваны вә гајдасы.

51.3. Иштирак һаггы мүвафиг лисензија үчүн нәзәрдә тутулмуш дөвләт рүсумунун 2 (ики) фаизи мәбләғиндә мүәјјән олунур. Мүсабигәдә галиб олмајан шәхсләрин иштирак һаггы ҝери өдәнилмир.

Маддә 52. Мүсабигә үзрә сәнәд гәбулу

52.1. Сәнәд гәбулу мүсабигәнин кечирилмәси үчүн еланын дәрҹ едилдији ҝүндән 30 (отуз) иш ҝүнү мүддәтиндә һәјата кечирилир.

52.2. Мүсабигәдә иштирак етмәк үчүн ашағыдакы сәнәдләр кағыз вә ја електрон формада тәгдим едилмәлидир:

52.2.1. мүсабигәдә иштирак барәдә формасы вә мәзмуну Шура тәрәфиндән мүәјјән олунмуш вә физики шәхс вә ја һүгуги шәхсин сәлаһијјәтли нүмајәндәси тәрәфиндән имзаланмыш әризә;

52.2.2. физики шәхсин шәхсијјәт вәсигәсинин вә сәлаһијјәтли нүмајәндәнин сәлаһијјәтини тәсдиг едән сәнәдин сурәти;

52.2.3. һүгуги шәхсләрин дөвләт рејестриндән чыхарышын вә низамнамәнин нотариал гајдада тәсдиг олунмуш сурәти;

52.2.4. верҝи өдәјиҹисинин учота алынмасы һаггында шәһадәтнамәнин сурәти;

52.2.5. тәсисчи (иштиракчы) физики шәхс олдугда – онун (онларын), һабелә директорун ады, сојады, атасынын ады, јашадығы јер, шәхсијјәтини тәсдиг едән сәнәдин нөмрәси вә верилмә тарихи; тәсисчи (иштиракчы) һүгуги шәхс олдугда – онун (онларын) ады, һүгуги үнваны;

52.2.6. тәсисчи (иштиракчы) физики шәхс олдугда – онун мәһкумлуғунун олуб-олмамасы барәдә арајыш;

52.2.7. јајымы һәјата кечирмәк үчүн техники имканлары һаггында Шура тәрәфиндән мүәјјән едилмиш формада мәлумат;

52.2.8. јајымчынын вә ја операторун ады илә бағлы мәлумат;

52.2.9. медиа субјектинин редаксијасынын логотипи (емблеми) илә бағлы мәлумат;

52.2.10. игтисади әсасландырма.

52.3. Шура бу Ганунун 52.2-ҹи маддәсиндә нәзәрдә тутулмуш сәнәдләри, о ҹүмләдән електрон сәнәдләри әлдә етмәк үчүн дөвләт органларынын (гурумларынын) електрон информасија еһтијатларындан (мәлумат базалары, мәлумат-ахтарыш системләри, рејестрләр вә диҝәр информасија ресурслары) мүәјјән олунмуш һәдләрдә истифадә едир. Бунун мүмкүн олмадығы һалларда һәмин сәнәдләрин тәгдим едилмәси әризәчинин разылығы илә сорғу әсасында аидијјәти органдан (гурумдан) тәләб олунур вә ја әризәчи тәрәфиндән тәмин олунур.

52.4. Тәгдим олунмуш сәнәдләрә сәнәдләрин гәбулунун баша чатдығы вахтдан 10 (он) иш ҝүнү мүддәтиндә бахылыр.

52.5. Тәгдим едилмиш сәнәдләрдә арадан галдырылмасы мүмкүн олан вә лисензијанын верилмәсиндән имтинаја сәбәб олмајан чатышмазлыглар барәдә мәсәләләрә “Лисензијалар вә иҹазәләр һаггында” Азәрбајҹан Республикасы Ганунунун 19.1–19.4-ҹү маддәләринә ујғун олараг бахылыр.

Маддә 53. Мүсабигәнин кечирилмәси

53.1. Ашағыдакы һалларда Шура тәрәфиндән әризәчинин мүсабигәјә бурахылмасындан имтина барәдә әсасландырылмыш гәрар гәбул едилир вә бу гәрар 3 (үч) иш ҝүнү мүддәтиндә әризәчијә тәгдим едилир вә ја сифаришли почт ҝөндәриши васитәсилә ҝөндәрилир:

53.1.1. әризә буна һүгугу олмајан шәхс тәрәфиндән верилмишдирсә;

53.1.2. ејни ад алтында башга медиа субјекти фәалијјәт ҝөстәрирсә;

53.1.3. тәгдим олунмуш сәнәдләрдә дүзҝүн олмајан вә ја тәһриф олунмуш мәлуматлар ашкар олунарса (бу Ганунун 52.5-ҹи маддәсиндә нәзәрдә тутулмуш һал истисна олмагла);

53.1.4. әризәчинин әввәлләр алдығы лисензијанын бу Ганунун 58.1.2-ҹи, 58.1.4-ҹү, 58.1.6-ҹы, 58.1.9–58.1.11-ҹи маддәләриндә нәзәрдә тутулмуш әсасларла ләғв едилмәсиндән 3 (үч) илдән аз мүддәт кечибсә;

53.1.5. тәсисчиси вә ја тәсисчиләриндән бири әввәлләр лисензијасы бу Ганунун 58.1.2-ҹи, 58.1.4-ҹү, 58.1.6-ҹы, 58.1.9–58.1.11-ҹи маддәләриндә нәзәрдә тутулмуш әсасларла ләғв едилән физики вә ја һүгуги шәхс олдугда, лисензијанын ләғв едилмәсиндән 3 (үч) илдән аз мүддәт кечибсә;

53.1.6. әризәчи бу Ганунун 26.1–26.5-ҹи, 26.8-ҹи маддәләриндә нәзәрдә тутулмуш тәләбләрә ҹаваб вермирсә.

53.2. Тәгдим олунмуш сәнәдләрдә имтина үчүн әсаслар олмадыгда, бу Ганунун 52.4-ҹү маддәсиндә нәзәрдә тутулмуш мүддәтдә Шура тәрәфиндән әризәчиләрин мүсабигәјә бурахылмасы барәдә гәрар гәбул едилир вә бу гәрар әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

53.3. Мүсабигә бу Ганунун 53.2-ҹи маддәсиндә нәзәрдә тутулмуш мүддәтин битдији тарихдән 30 (отуз) иш ҝүнү мүддәтиндә кечирилмәли вә мүсабигәнин нәтиҹәси бу мүддәт әрзиндә ачыгланмалыдыр.

53.4. Ашағыдакы һалларда мүсабигә баш тутмамыш һесаб едилир:

53.4.1. мүсабигәјә икидән аз әризәчи мүраҹиәт етдикдә;

53.4.2. мүсабигәнин иштиракчысы олмадыгда;

53.4.3. мүсабигәнин галиби мүсабигәнин нәтиҹәсиндә лисензија алмагдан имтина етдикдә.

53.5. Мүсабигә баш тутмамыш һесаб едилдикдә, Шура тәрәфиндән бу барәдә гәрар гәбул едилир вә бу гәрар онун веб-сајтында вә азы 2 (ики) рәсми гәзетдә јајымланыр. Тәкрар мүсабигә бу Ганунун 51–53-ҹү маддәләринә ујғун олараг һәјата кечирилир.

53.6. Бу Ганунун 53.4.1-ҹи маддәсиндә нәзәрдә тутулмуш һала ҝөрә мүсабигә баш тутмадыгда баш тутмамыш мүсабигәјә мүраҹиәт етмиш әризәчи елан олунмуш тәкрар мүсабигәдә јеҝанә әризәчи олдугда һәмин мүсабигәнин галиби һесаб едилир.

53.7. Баш тутмамыш мүсабигәјә мүраҹиәт етмиш әризәчи тәкрар мүсабигәдә иштирак үчүн мүраҹиәт етдикдә јенидән иштирак һаггыны өдәмәкдән азаддыр.

Маддә 54. Мүсабигә үзрә мүраҹиәтләрин гијмәтләндирилмәси вә мүсабигәнин нәтиҹәләри

54.1. Мүсабигә үзрә мүраҹиәтләр гијмәтләндириләркән ашағыдакылар нәзәрә алыныр:

54.1.1. әризәчинин техники имканлары вә игтисади әсасландырмасы;

54.1.2. мөвҹуд медиа субјектләринә лисензија вериләркән әризәчинин мүсабигә нәтиҹәсиндә әлдә едәҹәји лисензија үзрә фәалијјәтинин “Антиинһисар фәалијјәти һаггында” Азәрбајҹан Республикасынын Ганунундан ирәли ҝәлән тәләбләрә ујғунлуғу.

54.2. Шура тәрәфиндән мүсабигәнин галибинә лисензијанын верилмәси барәдә гәрар гәбул едилир вә бу гәрар әризәчијә тәгдим едилир вә ја сифаришли почт ҝөндәриши васитәсилә ҝөндәрилир. Мүсабигәнин галибинә Шура тәрәфиндән лисензијанын верилмәси үчүн дөвләт рүсуму өдәмәк вәзифәси барәдә шифаһи вә ја мәктуб васитәсилә мәлумат верилир. Әризәчи бу мәлуматы алдығы тарихдән 5 (беш) иш ҝүнү мүддәтиндә дөвләт рүсумуну өдәмәлидир.

54.3. Дөвләт рүсумунун өдәнилмәси фактыны тәсдиг едән сәнәд Шураја әризәчи тәрәфиндән тәгдим едилдикдән сонра лисензија 2 (ики) иш ҝүнүндән ҝеҹ олмајараг әризәчијә тәгдим едилир вә ја сифаришли почт ҝөндәриши васитәсилә ҝөндәрилир. Дөвләт рүсумунун өдәнилмәси фактыны тәсдиг едән сәнәд Шураја тәгдим едилмәдикдә, лисензијанын верилмәси һаггында гәрар Шура тәрәфиндән ләғв едилир вә бу барәдә мәлумат 2 (ики) иш ҝүнү мүддәтиндә әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

54.4. Мүсабигәнин нәтиҹәләринә ҝөрә галиб елан едилән јерүстү јајымчы инфраструктур оператору илә мүгавилә бағлајыр. Инфраструктур оператору бу мүгавиләни бағламагдан имтина едә билмәз.

54.5. Мүсабигәнин нәтиҹәләринә ҝөрә галиб елан едилән пејк јајымы һәјата кечирән платформа јајымчысы мүвафиг иҹра һакимијјәти органынын мүәјјән етдији орган (гурум) илә мүгавилә бағлајыр. Мүвафиг иҹра һакимијјәти органынын мүәјјән етдији орган (гурум) бу мүгавиләни бағламагдан имтина едә билмәз.

54.6. Мүсабигәнин нәтиҹәләринә ҝөрә галиб елан едилән мултиплекс оператору мүвафиг иҹра һакимијјәти органынын мүәјјән етдији орган (гурум) илә мүгавилә бағлајыр. Мүвафиг иҹра һакимијјәти органынын мүәјјән етдији орган (гурум) бу мүгавиләни бағламагдан имтина едә билмәз.

54.7. Шура лисензијанын верилдији тарихдән 3 (үч) иш ҝүнү мүддәтиндә һәмин аудиовизуал медиа субјекти барәдә мәлуматлары Медиа Рејестринә дахил едилмәси үчүн мүвафиг иҹра һакимијјәти органынын мүәјјән етдији органа (гурума) тәгдим едир.

Маддә 55. Пејк јајымы һәјата кечирмәјән платформа јајымчысы, платформа оператору вә сифаришли јајым хидмәти провајдери үчүн лисензијанын верилмәси гајдалары

55.1. Бу Ганунун 50.2.2-ҹи, 50.3-ҹү вә 50.4-ҹү маддәләриндә ҝөстәрилән лисензијаларын алынмасы үчүн бу Ганунун 52.2-ҹи маддәсиндә нәзәрдә тутулмуш сәнәдләр кағыз вә ја електрон формада Шураја тәгдим едилир.

55.2. Тәгдим едилмиш сәнәдләрә гејдијјата алындығы ҝүндән 10 (он) иш ҝүнү мүддәтиндә Шура тәрәфиндән бахылыр вә лисензијанын верилмәси вә ја верилмәсиндән имтина едилмәси һаггында гәрар гәбул олунур вә бу гәрар әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

55.3. Тәгдим едилмиш сәнәдләрдә арадан галдырылмасы мүмкүн олан вә лисензијанын верилмәсиндән имтинаја сәбәб олмајан чатышмазлыглар барәдә мәсәләләрә бу Ганунун 52.5-ҹи маддәсинә ујғун олараг бахылыр.

55.4. Бу Ганунун 53.1-ҹи вә 54.1-ҹи маддәләриндә нәзәрдә тутулмуш әсаслар олдугда, Шура тәрәфиндән лисензијанын верилмәсиндән имтина барәдә әсасландырылмыш гәрар гәбул едилир вә бу гәрар 3 (үч) иш ҝүнү мүддәтиндә әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

55.5. Лисензијанын верилмәсиндән имтина үчүн әсаслар олмадыгда Шура тәрәфиндән лисензијанын верилмәси барәдә гәрар гәбул едилир вә бу гәрар 3 (үч) иш ҝүнү мүддәтиндә әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

55.6. Әризәчијә лисензијанын верилмәси үчүн дөвләт рүсуму өдәмәк вәзифәси барәдә шифаһи вә ја мәктуб васитәсилә мәлумат верилир. Әризәчи бу мәлуматы алдығы тарихдән 5 (беш) иш ҝүнү мүддәтиндә дөвләт рүсумуну өдәмәлидир.

55.7. Дөвләт рүсумунун өдәнилмәси фактыны тәсдиг едән сәнәд Шураја әризәчи тәрәфиндән тәгдим едилдикдән сонра лисензија 2 (ики) иш ҝүнүндән ҝеҹ олмајараг әризәчијә тәгдим едилир вә ја сифаришли почт ҝөндәриши васитәсилә ҝөндәрилир. Дөвләт рүсумунун өдәнилмәси фактыны тәсдиг едән сәнәд Шураја тәгдим едилмәдикдә, лисензијанын верилмәси һаггында гәрар Шура тәрәфиндән ләғв едилир вә бу барәдә мәлумат 2 (ики) иш ҝүнү мүддәтиндә әризәчијә тәгдим едилир вә ја сифаришли почт ҝөндәриши васитәсилә ҝөндәрилир.

55.8. Шура лисензијанын верилдији тарихдән 3 (үч) иш ҝүнү мүддәтиндә һәмин аудиовизуал медиа субјекти барәдә мәлуматлары Медиа Рејестринә дахил едилмәси үчүн мүвафиг иҹра һакимијјәти органынын мүәјјән етдији органа (гурума) тәгдим едир.

Маддә 56. Лисензијанын мәзмуну

56.1. Лисензијада ашағыдакылар ҝөстәрилир:

56.1.1. лисензијанын верилмә тарихи вә гејдијјат нөмрәси;

56.1.2. лисензија верән органын ады вә үнваны;

56.1.3. лисензијанын саһиби барәдә мәлуматлар (һүгуги шәхсин ады вә һүгуги үнваны, фәрди саһибкарын сојады, ады, атасынын ады вә фәалијјәт үнваны, ВӨЕН-и);

56.1.4. лисензија верилән фәалијјәт нөвү (јајым үсулу, әрази категоријасы);

56.1.5. редаксијанын ады (олдуғу һалда);

56.1.6. жанры (олдуғу һалда).

Маддә 57. Лисензијанын дајандырылмасы

57.1. Лисензија ашағыдакы һалларда дајандырылыр:

57.1.1. лисензија саһиби тәрәфиндән мүвафиг әризә тәгдим едилдикдә;

57.1.2. лисензија саһиби бу Ганунун вә Шуранын гәрарларынын позулмасы һалларынын арадан галдырылмасына даир Шуранын ҝөстәришләрини јеринә јетирмәдикдә;

57.1.3. бу Ганунун 29.4-ҹү маддәсиндә ҝөстәрилән хидмәт һаггынын 6 (алты) ај әрзиндә өдәнилмәмәси барәдә инфраструктур операторунун Шураја мүраҹиәти олдугда.

57.2. Лисензија Шуранын гәрары илә дајандырылыр. Һәмин гәрарда лисензијанын дајандырылмасына әсас верән һаллар вә лисензијанын дајандырылдығы мүддәт ҝөстәрилмәлидир. Бу Ганунун 57.1.2-ҹи маддәсиндә ҝөстәрилән әсас үзрә лисензијанын дајандырылмасы һаггында гәрарда һәмчинин дајандырылмаја әсас верән һалларын арадан галдырылмасы үчүн ҝөрүлмәли олан тәдбирләр вә лисензијанын дајандырылдығы мүддәтдә һәмин һалларын арадан галдырылмамасынын нәтиҹәси ҝөстәрилмәлидир.

57.3. Лисензија саһиби лисензијанын дајандырылдығы мүддәт битәнәдәк бу Ганунун 57.1.2-ҹи вә 57.1.3-ҹү маддәләриндә ҝөстәрилән һалы арадан галдырмалы вә нәтиҹәси барәдә 3 (үч) иш ҝүнү мүддәтиндә Шураја јазылы мәлумат вермәлидир.

57.4. Бу Ганунун 57.1.1-ҹи маддәсиндә ҝөстәрилән әсас үзрә дајандырылмыш лисензија лисензија саһибинин мүвафиг әризәсинә, бу Ганунун 57.1.2-ҹи вә 57.1.3-ҹү маддәләриндә ҝөстәрилән һалларда дајандырылмыш лисензија исә һәмин һалын арадан галдырылмасы барәдә лисензија саһибинин тәгдим етдији јазылы мәлумата әсасән Шуранын гәрары илә бәрпа олунур.

57.5. Лисензијанын дајандырылмасы вә бәрпа олунмасы һаггында гәрар гәбул олундуғу тарихдән 2 (ики) иш ҝүнү мүддәтиндә лисензија саһибинә тәгдим едилир вә ја сифаришли почт ҝөндәриши васитәсилә ҝөндәрилир.

57.6. Шура лисензијанын дајандырылмасы вә бәрпа олунмасы барәдә гәрар гәбул едилдији ҝүндән 3 (үч) иш ҝүнү мүддәтиндә һәмин гәрар барәдә мәлуматы Медиа Рејестринә дахил едилмәси үчүн мүвафиг иҹра һакимијјәти органынын мүәјјән етдији органа (гурума) тәгдим едир.

57.7. Радиотезлик истифадәчиси олан аудиовизуал медиа субјектинин лисензијасынын дајандырылмасы вә бәрпа олунмасы барәдә гәрарын сурәти гәрарын гәбул едилдији ҝүндән 3 (үч) иш ҝүнү мүддәтиндә Шура тәрәфиндән мүвафиг иҹра һакимијјәти органынын мүәјјән етдији органына (гурумуна) вә инфраструктур операторуна ҝөндәрилир.

Маддә 58. Лисензијанын ләғви, јенидән рәсмиләшдирилмәси вә дубликатынын верилмәси

58.1. Лисензија ашағыдакы һалларда ләғв едилир:

58.1.1. лисензија саһиби тәрәфиндән мүвафиг әризә тәгдим едилдикдә;

58.1.2. бу Ганунун 26-ҹы маддәсинин тәләбләри позулдугда;

58.1.3. лисензијанын саһиби олан физики шәхсин фәрди саһибкар кими фәалијјәтинә хитам верилдикдә, һүгуги шәхс ләғв едилдикдә;

58.1.4. мәһкәмәнин мүвафиг гәрары олдугда;

58.1.5. лисензија саһиби олан шәхсин мүфлисләшмәсинин мәһкәмәнин гануни гүввәјә минмиш гәрары илә тәсдиг олундуғу һалда;

58.1.6. лисензијанын алынмасы үчүн тәгдим едилмиш сәнәдләрдә сонрадан дүзҝүн олмајан мәлуматлар ашкар едилдикдә;

58.1.7. бу Ганунун 57.1.2-ҹи вә 57.1.3-ҹү маддәләриндә нәзәрдә тутулмуш һаллар бу Ганунун 57.3-ҹү маддәсинә ујғун олараг арадан галдырылмадыгда;

58.1.8. лисензијада ҝөстәрилмиш фәалијјәт нөвү лисензија тәләб олунан фәалијјәт нөвләринин сијаһысындан чыхарылдыгда;

58.1.9. јајым лисензија алындыгдан сонра алты ај мүддәтиндә һәјата кечирилмәдикдә;

58.1.10. лисензија верилмиш фәалијјәт нөвү үзрә әрази категоријасына риајәт едилмәдикдә;

58.1.11. бу Ганунун 41.2-ҹи маддәсиндә нәзәрдә тутулмуш һалларда јајымын Шуранын гәрары илә дајандырылдығы һаллар истисна олмагла, јајым ардыҹыл олараг 30 (отуз) ҝүн вә ја бир ил әрзиндә 60 (алтмыш) ҝүн һәјата кечирилмәдикдә;

58.1.12. лисензија саһиби бир ил мүддәтиндә азы беш дәфә аудиовизуал јајым саһәсиндә инзибати мәсулијјәтә ҹәлб едилдикдә.

58.2. Лисензија бу Ганунун 58.1-ҹи маддәсиндә ҝөстәрилән һаллара (бу Ганунун 58.1.4-ҹү маддәси истисна олмагла) истинад едилмәклә, Шуранын гәрары илә ләғв едилир. Һәмин гәрар гәбул олундуғу тарихдән 2 (ики) иш ҝүнү мүддәтиндә лисензија саһибинә тәгдим едилир вә ја сифаришли почт ҝөндәриши васитәсилә ҝөндәрилир.

58.3. Шура лисензијанын ләғви барәдә гәрар гәбул едилдији ҝүндән 3 (үч) иш ҝүнү мүддәтиндә һәмин гәрар барәдә мәлуматы Медиа Рејестринә дахил едилмәси үчүн мүвафиг иҹра һакимијјәти органынын мүәјјән етдији органа (гурума) тәгдим едир.

58.4. Азәрбајҹан Республикасынын конститусија гурулушунун зорла дәјишдирилмәсинә, әрази бүтөвлүјүнүн парчаланмасына, һакимијјәтин зорла әлә кечирилмәсинә вә ја сахланмасына, күтләви иғтишашлара, етник, ирги вә ја дини нифрәт вә дүшмәнчилијин салынмасына, террорчулуға ачыг чағырышлар, һабелә террорчулуғун малијјәләшдирилмәсинә, террорчулуг мәгсәдилә тәлимләрин тәшкил едилмәсинә вә ја кечирилмәсинә јөнәлән мәлуматларын јајылмасы лисензија саһиби олан јајымчы тәрәфиндән мүдафиә олундугда вә ја бу чағырышлары сәсләндирмәјә биләрәкдән шәраит јарадылдыгда, лисензија Шуранын иддиа әризәси әсасында мәһкәмәнин гәрары илә ләғв едилир.

58.5. Лисензијанын јенидән рәсмиләшдирилмәси вә дубликатынын верилмәси “Лисензијалар вә иҹазәләр һаггында” Азәрбајҹан Республикасы Ганунунун 23-ҹү вә 24-ҹү маддәләринә ујғун олараг һәјата кечирилир.

58.6. Радиотезлик истифадәчиси олан аудиовизуал медиа субјектинә лисензија верилдикдә, јенидән рәсмиләшдирилдикдә, ләғв едилдикдә вә лисензијанын дубликатынын верилмәси һалында Шура бу барәдә гәрарын гәбул едилдији ҝүндән 3 (үч) иш ҝүнү мүддәтиндә мүвафиг иҹра һакимијјәти органынын мүәјјән етдији органы (гуруму) вә инфраструктур операторуну мәлуматландырыр.

6-ҹы фәсил

Чап медиасы, онлајн медиа вә информасија аҝентликләри

Маддә 59. Чап медиасы субјекти

59.1. Чап медиасы субјектләри физики вә ја һүгуги шәхсләр ола биләр.

59.2. Сијаһысы мүвафиг иҹра һакимијјәти органынын мүәјјән етдији орган (гурум) тәрәфиндән мүәјјән едилән органлар (гурумлар), Азәрбајҹан Республикасынын Милли Мәҹлиси, Азәрбајҹан Республикасынын Конститусија Мәһкәмәси вә Азәрбајҹан Республикасынын Али Мәһкәмәси истисна олмагла, диҝәр дөвләт органлары (гурумлары) чап медиасы субјектинин тәсисчиси ола билмәзләр.

59.3. Ајда азы 1 (бир) дәфә давамлы олараг јајымланан, бирдәфәлик тиражы 100 (јүз) нүсхәдән чох олан, илдә азы 12 (он ики) дәфә чап олунан гәзетләр вә илдә азы 2 (ики) дәфә чап олунан журнал, топлу, бүллетен вә башга нәшрләр дөври нәшрдир.

59.4. Гәзетләр ашағыдакы дөвриликлә чап олунур:

59.4.1. һәфтәлик гәзет – һәфтәдә азы 1 (бир) дәфә;

59.4.2. ҝүнашыры гәзет – һәфтәдә азы 3 (үч) дәфә;

59.4.3. ҝүндәлик гәзет – һәфтәдә азы 5 (беш) дәфә.

59.5. Мәзмунуна ҝөрә гәзетләр ашағыдакы кими груплашдырылыр:

59.5.1. иҹтимаи-сијаси гәзет – мәзмунунун азы 75 (јетмиш беш) фаизи үмумиликдә хәбәрләрдән, иҹтимаи, сијаси, сосиал вә игтисади мөвзуларын ишыгландырылмасындан, шәрһ вә тәһлилиндән ибарәт олан гәзет;

59.5.2. тематик гәзет – мәзмунунун азы 75 (јетмиш беш) фаизи јалныз бир саһәнин ишыгландырылмасындан, шәрһ вә тәһлилиндән ибарәт олан гәзет.

59.6. Әрази категоријасына ҝөрә гәзетләр ашағыдакы кими груплашдырылыр:

59.6.1. үмумөлкә – бир медиа субјекти тәрәфиндән ејни адла чап едилән вә Азәрбајҹан Республикасы әразисинин азы 70 фаизинә јајымланан гәзет;

59.6.2. реҝионал – 1 (бир) медиа субјекти тәрәфиндән ејни адла чап едилән вә азы 1 (бир) инзибати әрази ваһидинин әразисинин азы 70 (јетмиш) фаизиндә јајымланан гәзет.

59.7. Ашағыдакы гәзетләр давамлы јајымланан нәшр һесаб олунур:

59.7.1. 1 (бир) ил әрзиндә 12 (он ики) нөмрәјә гәдәр фасилә вермәк һүгугу илә нәшр олунан ҝүндәлик гәзетләр;

59.7.2. 1 (бир) ил әрзиндә 9 (доггуз) нөмрәјә гәдәр фасилә вермәк һүгугу илә нәшр олунан ҝүнашыры гәзетләр;

59.7.3. 1 (бир) ил әрзиндә 6 (алты) нөмрәјә гәдәр фасилә вермәк һүгугу илә нәшр олунан һәфтәлик гәзетләр;

59.8. Илдә азы 2 (ики) дәфә чап олунан журнал, топлу, бүллетен вә башга нәшрләр давамлы јајымланан дөври нәшр һесаб олунур.

Маддә 60. Онлајн медиа субјекти

60.1. Онлајн медианын субјектләри физики вә ја һүгуги шәхсләр ола биләр.

60.2. Онлајн медиа субјекти өзүнүн веб-сајтында ашағыдакы мәлуматлары ҝөстәрмәлидир:

60.2.1. ады;

60.2.2. ВӨЕН-и;

60.2.3. домен адынын саһиби;

60.2.4. мәсул редакторун сојады, ады вә атасынын ады;

60.2.5. онлајн медиа субјектинин фәалијјәт ҝөстәрдији үнван вә әлагә васитәләри.

60.3. Бу Ганунун 60.2-ҹи маддәсиндә нәзәрдә тутулмуш мәлуматлар онлајн медиада “әлагә” башлығы алтында вә истифадәчиләрин ана сәһифәдән бирбаша дахил ола биләҹәкләри шәкилдә ҝөстәрилмәлидир.

60.4. Онлајн медиада материалын илк дәфә јајымландығы тарих гејд олунмалы вә һәмин тарихә дәјишиклик едилмәмәлидир.

60.5. Онлајн медиа субјекти (редаксијалары) һәр ај 20 (ијирми) ҝүн әрзиндә бу Ганунун 13.1-ҹи вә 13.2-ҹи маддәләринин тәләбләринә әмәл етмәклә вә бу Ганунун 13.3-ҹү маддәсиндә ҝөстәрилән информасија истисна олмагла, ҝүндәлик азы 20 (ијирми) күтләви информасија дәрҹ етдикдә онун фәалијјәти давамлы һесаб олунур.

Маддә 61. Информасија аҝентлији

Бу Ганунун диҝәр медиа субјектләринин фәалијјәтинә даир мүддәалары информасија аҝентликләринә онлар тәрәфиндән күтләви информасијанын дәрҹ олунма вә (вә ја) јајымланма үсулуна ујғун олараг шамил едилир.

Маддә 62. Чап медиасы вә онлајн медиа субјектинин тәсис едилмәси

62.1. Чап медиасы вә онлајн медиа субјектинин тәсис едилмәси үчүн дөвләт органларындан (гурумларындан) иҹазә тәләб олунмур.

62.2. Чап медиасы вә онлајн медиа субјекти кими фәалијјәт ҝөстәрмәк үчүн һүгуги вә ја физики шәхс мүвафиг олараг чап медиасы мәһсулунун истеһсалындан вә материалын јајымланмасындан 7 (једди) ҝүн әввәл мүвафиг иҹра һакимијјәти органынын мүәјјән етдији органа (гурума) рәсми мүраҹиәт етмәлидир.

62.3. Бу Ганунун 62.2-ҹи маддәсиндә нәзәрдә тутулмуш мүраҹиәт бу Ганунун 73.5-ҹимаддәсиндә нәзәрдә тутулмуш гајдаја ујғун едилир.

62.4. Дини мәзмунлу чап медиасы вә онлајн медиа субјектинин тәсис едилмәси илә бағлы мүраҹиәтә мүвафиг иҹра һакимијјәти органынын мүәјјән етдији органын (гурумун) рәји әлавә олунур.

62.5. Чап медиасы вә онлајн медиа субјектләринин адында Азәрбајҹан Республикасы дөвләт органларынын (гурумларынын), бејнәлхалг тәшкилатларын, гејри-һөкумәт тәшкилатларынын, јерли өзүнүидарәетмә органларынын адларындан (өзләринин тәсис етдикләри медиа субјектләри истисна олмагла), һабелә Азәрбајҹанын ҝөркәмли шәхсијјәтләринин адларындан (онларын јахын гоһумларынын вә ја вәрәсәләринин иҹазәси олмадан) истифадәјә јол верилмир.

Маддә 63. Чап медиасы мәһсулунда ҝөстәрилмәли олан мәлуматлар

63.1. Чап медиасы мәһсулунун һәр бурахылышында ашағыдакы мәлуматлар ҝөстәрилмәлидир:

63.1.1. ады;

63.1.2. ВӨЕН-и;

63.1.3. мәсул редакторун сојады, ады вә атасынын ады;

63.1.4. сыра сајы вә чапдан чыхдығы тарих, чапа имзаланма вахты (графиклә тәјин олунмуш вә фактики вахт);

63.1.5. почт индекси;

63.1.6. тиражы;

63.1.7. гијмәти, “Сәрбәст гијмәт” вә ја “Пулсуз” гејдләри;

63.1.8. чап медиасы субјектинин вә чап медиасы мәһсулунун истеһсал едилдији мәтбәәнин ады, үнваны вә әлагә васитәләри.

63.2. Бу Ганунун 63.1-ҹи маддәсиндә гејд олунан мәлуматларын ҝөстәрилмәдији чап медиасы мәһсулларынын истеһсалы вә јајымы, һабелә һәмин мәлуматларын гәсдән јанлыш ҝөстәрилмәси гадағандыр.

Маддә 64. Чап медиасы мәһсулу вә онун јајымы

64.1. Чап медиасы мәһсулунун јајымы билаваситә редаксија, мүгавилә әсасында нашир вә рабитә мүәссисәләри, һабелә диҝәр һүгуги вә физики шәхсләр тәрәфиндән һәјата кечирилә биләр.

64.2. Чап медиасы мәһсулунун истеһсалы вә онун јајымы коммерсија вә гејри-коммерсија мәгсәдилә һәјата кечирилә биләр. Гејри-коммерсија мәгсәдилә һәјата кечирилән јајым үчүн нәзәрдә тутулмуш мәһсулун үзәриндә “Пулсуз” гејди олур.

64.3. Чап медиасы мәһсулунун јајымынын дајандырылмасына, онун тиражынын, јахуд тиражынын бир һиссәсинин мүсадирә едилмәсинә јалныз мәһкәмә гәрары илә јол верилир.

Маддә 65. Чап медиасы вә онлајн медиа субјектләринин фәалијјәтинин вә медиа мәһсулларынын јајымланмасынын дајандырылмасы, һабелә һәмин субјектләрин фәалијјәтинә хитам верилмәси

65.1. Чап медиасы вә онлајн медиа субјектинин фәалијјәти вә медиа мәһсулларынын јајымланмасы мәһкәмәнин гәрары илә бу Ганунун 65.2-ҹи маддәсиндә нәзәрдә тутулмуш һалларда мүвәггәти дајандырылыр, бу Ганунун 65.4-ҹү маддәсиндә нәзәрдә тутулмуш һалларда исә онларын фәалијјәтинә хитам верилир.

65.2. Мүвафиг иҹра һакимијјәти органынын мүәјјән етдији орган (гурум) ашағыдакы һалларда чап медиасы вә онлајн медиа субјектләринин фәалијјәтинин 2 (ики) ај мүддәтинәдәк дајандырылмасы барәдә мәһкәмә гаршысында иддиа галдырыр:

65.2.1. әҹнәби вә ја вәтәндашлығы олмајан шәхс, һабелә али тәһсили олмајан шәхс идарәетмә органынын рәһбәри вәзифәсинә тәјин едилдикдә;

65.2.2. медиа саһәсиндә фәалијјәт азадлығындан вә журналист һүгугундан суи-истифадә етмәјә ҝөрә инзибати тәнбеһ алмыш шәхс ејни хәтаны инзибати тәнбеһ вермә һаггында гәрар гүввәјә миндији ҝүндән бир ил әрзиндә тәкрар төрәтдикдә;

65.2.3. чап медиасы вә онлајн медиа субјектләри бу Ганунун 13.1-ҹи, 13.2-ҹи, чап медиасы субјектләри исә һәмчинин бу Ганунун 14.1-ҹи маддәсинин тәләбләринин позулмасына ҝөрә мүвафиг иҹра һакимијјәти органынын мүәјјән етдији орган (гурум) тәрәфиндән ил әрзиндә 3 (үч) дәфә хәбәрдарлыг едилдикдән сонра һәмин позунтулары тәкрар төрәтдикдә;

65.2.4. чап медиасы вә онлајн медиа субјектинин фәалијјәтинин онун тәсисчиси (иштиракчысы) олмајан хариҹи өлкәләрин физики вә ја һүгуги шәхсләри, онларын филиал вә нүмајәндәликләри, һәмин шәхсләрин Азәрбајҹан Республикасында тәсис етдикләри һүгуги шәхсләр, һабелә хариҹи өлкәләрин дөвләт гурумлары тәрәфиндән малијјәләшдирилмәси (бу Ганунун 69.2-ҹи маддәси нәзәрә алынмагла) ашкар едилдикдә;

65.2.5. бу Ганунун 63.2-ҹи маддәсиндә нәзәрдә тутулан позунтулар ашкар едилдикдә.

65.3. Бу Ганунун 65.2-ҹи маддәсиндә нәзәрдә тутулмуш әсаслара ҝөрә онлајн медиа субјектинин фәалијјәти вә медиа мәһсулларынын јајымланмасы дајандырылдыгда, бу барәдә һәмин медиа субјектинин веб-сајтында мәлумат јерләшдирилмәлидир.

65.4. Мүвафиг иҹра һакимијјәти органынын мүәјјән етдији орган (гурум) ашағыдакы һалларда чап медиасы вә онлајн медиа субјектләринин фәалијјәтинә хитам верилмәси барәдә мәһкәмә гаршысында иддиа галдырыр:

65.4.1. бу Ганунун 65.2.1-ҹи маддәсиндә нәзәрдә тутулмуш позунтуну арадан галдырмадыгда;

65.4.2. бу Ганунун 65.2-ҹи маддәсиндә нәзәрдә тутулмуш әсаслара ҝөрә фәалијјәти дајандырылмыш медиа субјектләри бу Ганунун 65.2.2–65.2.5-ҹи маддәләринин тәләбләрини 2 (ики) ил әрзиндә јенидән поздугда;

65.4.3. бу Ганунун 26.1–26.4-ҹү маддәләринин тәләбләрини поздугда;

65.4.4. бу Ганунун 62.2-ҹи маддәсинә ујғун олараг мүвафиг иҹра һакимијјәти органынын мүәјјән етдији органа (гурума) рәсми мүраҹиәт едилмәдикдә вә ја һәмин мүраҹиәтдә ҝөстәрилән мәлуматларын доғру олмадығы ашкарландыгда;

65.4.5. медиа субјектләри Медиа Рејестриндән бу Ганунун 75.1.7-ҹи маддәсинин тәләбләринин позулмасына ҝөрә чыхарылдығы тарихдән 1 (бир) ај әрзиндә, бу Ганунун 75.1.6-ҹы маддәсинин тәләбләринин позулмасына ҝөрә чыхарылдығы тарихдән исә 2 (ики) ај әрзиндә гејд олунан позунтулары арадан галдырмадыгда.

65.5. Онлајн медиа субјекти тәрәфиндән бу Ганунун 14.1-ҹимаддәсинин тәләбләри позулдугда “Информасија, информасијалашдырма вә информасијанын мүһафизәси һаггында” Азәрбајҹан Республикасынын Ганунуна ујғун олараг тәдбирләр ҝөрүлүр.

Маддә 66. Хариҹи чап медиасы мәһсулларынын ҝәтирилмәсинә вә јајымына гадаға гојулмасы

66.1. Бу Ганунун 14.1.1-ҹи, 14.1.2-ҹи, 14.1.4-ҹү, 14.1.5-ҹи, 14.1.7-ҹи, 14.1.9-ҹу, 14.1.10-ҹу, 14.1.13-ҹү вә 14.1.14-ҹү маддәләринин тәләбләринә ҹаваб вермәјән информасијалар дәрҹ едилән хариҹи чап медиасы мәһсулларынын Азәрбајҹан Республикасынын әразисинә ҝәтирилмәсинә вә јајымына мәһкәмәнин гәрары илә гадаға гојула биләр.

66.2. Мәһкәмә бу Ганунун 66.1-ҹи маддәсинин тәләбләринә зидд олараг хариҹи чап медиасынын артыг пајланмыш мәһсулуну сатышдан јығышдырмаг барәдә гәрар гәбул едә биләр.

Маддә 67. Редаксија материалларынын сахланмасы

67.1. Чап медиасы вә онлајн медиа субјекти тәрәфиндән редаксија материаллары (әлјазмалары, мәктублар, лент јазылары вә с.) 1 (бир) ил мүддәтиндә сахланылыр.

67.2. Материалларын сахланма гајдасы чап медиасы вә онлајн медиа субјекти тәрәфиндән мүәјјәнләшдирилир.

Маддә 68. Мәҹбури нүсхәләр

Чап медиасы мәһсулларынын пулсуз мәҹбури нүсхәләри тиражын илк бурахылышы һазырланан кими нәшријјат тәрәфиндән тәсисчијә, дөвләт архивинә, һәмчинин “Китабхана иши һаггында” Азәрбајҹан Республикасы Ганунунун 15-ҹи маддәсиндә мүәјјән едилмиш гајдада мүвафиг китабханалара ҝөндәрилир.

Маддә 69. Чап медиасы вә онлајн медиада спонсорлуг

69.1. Чап медиасы вә онлајн медиа субјектләринин фәалијјәти вә медиа мәһсулларынын јајымланмасы Азәрбајҹан Республикасынын вәтәндашлары вә Азәрбајҹан Республикасынын һүгуги шәхсләринин спонсорлуғу илә малијјәләшдирилә биләр. “Реклам һаггында” Азәрбајҹан Республикасынын Гануну илә рекламы гадаған едилмиш малларын истеһсалы вә (вә ја) сатышы илә мәшғул олан шәхсләр спонсор ола билмәзләр.

69.2. Хариҹи өлкәләрин һүгуги вә физики шәхсләри чап медиасы вә онлајн медиа субјектләринин һәр бир мәһсулунун јалныз 25 (ијирми беш) фаизәдәк олан һиссәсинә спонсорлуг едә биләрләр.

69.3. Чап медиасы вә онлајн медиа субјектләринә спонсорлуг журналистин мүстәгиллијинә тәсир едә билмәз.

69.4. Спонсорун малијјә јардымы илә һазырланмыш дөври мәтбу нәшрләрдә бу барәдә мәлумат чап олунмалыдыр.

69.5. Спонсор рекламы “Реклам һаггында” Азәрбајҹан Республикасынын Ганунуна ујғун олараг јајымланыр.

7-ҹи фәсил

Журналистләрин фәалијјәти

Маддә 70. Журналист вәсигәси

70.1. Медиа Рејестринә дахил едилмиш журналистләрә мүвафиг иҹра һакимијјәти органынын мүәјјән етдији орган (гурум) тәрәфиндән журналист вәсигәси верилир. Журналист вәсигәсинин формасы, онун верилмәсинә вә ја дәјишдирилмәсинә ҝөрә өдәнишин мәбләғи вә һәмин вәсаитдән истифадә гајдасы мүвафиг иҹра һакимијјәти органынын мүәјјән етдији орган (гурум) тәрәфиндән мүәјјән едилир.

70.2. Бу Ганунун 70.1-ҹи маддәси Азәрбајҹан Республикасынын әразисиндә фәалијјәт ҝөстәрән хариҹи журналистләрә шамил едилмир. Хариҹи журналистләр Азәрбајҹан Республикасынын әразисиндә фәалијјәт ҝөстәрмәк үчүн әввәлҹәдән мүвафиг иҹра һакимијјәти органынын мүәјјән етдији органа (гурума) мүраҹиәт етмәлидирләр. Онлар мүвафиг иҹра һакимијјәти органынын мүәјјән етдији орган (гурум) тәрәфиндән разылыг верилдикдән сонра фәалијјәт ҝөстәрә биләрләр.

70.3. Журналист вәсигәсинин етибарлылыг мүддәти 3 (үч) илдир. Журналист вәсигәнин етибарлылыг мүддәти битдији ҝүндән ән ҝеҹи 3 (үч) иш ҝүнү мүддәтиндә һәмин вәсигәни мүвафиг иҹра һакимијјәти органынын мүәјјән етдији органа (гурума) тәһвил вермәклә јенидән журналист вәсигәсинин алынмасы үчүн мүраҹиәт етмәк һүгугуна маликдир.

70.4. Журналист вәсигәсиндәки мәлуматлар дәјишдикдә вә ја журналист вәсигәси јарарсыз вәзијјәтә дүшдүкдә, јахуд вәсигәдәки мәлуматларын сәһв олдуғу ашкар едилдикдә журналист вәсигәсинин дәјишдирилмәси үчүн мүраҹиәт етмәлидир.

70.5. Әмәк мүгавиләсинә хитам верилмиш журналист сонунҹу иш ҝүнүндә өз вәсигәсини ишәҝөтүрәнә (медиа субјектинә) тәһвил вермәли, медиа субјекти исә һәмин вәсигәни тәһвил алдығы ҝүндән ән ҝеҹи 3 (үч) иш ҝүнү мүддәтиндә мүвафиг иҹра һакимијјәти органынын мүәјјән етдији органа (гурума) мәһв едилмәси үчүн тәгдим етмәлидир.

70.6. Фәрди олараг мүәллиф һүгуглары әсасында фәалијјәт ҝөстәрән журналистләр Медиа Рејестриндән чыхарылдығы ҝүндән ән ҝеҹи 3 (үч) иш ҝүнү мүддәтиндә журналист вәсигәсини мүвафиг иҹра һакимијјәти органынын мүәјјән етдији органа (гурума) мәһв едилмәси үчүн тәгдим етмәлидир.

Маддә 71. Журналист вәсигәси верилмиш шәхсләрин имтијазлары

71.1. Журналист вәсигәси верилмиш шәхсләрин ашағыдакы имтијазлары вардыр:

71.1.1. журналист фәалијјәтинин һәјата кечирилмәси илә бағлы дөвләт вә бәләдијјә мүлкијјәтиндә олан музејләрә, галерејалара, һабелә мәдәни-иҹтимаи тәдбирләрин һәјата кечирилдији објектләрә өдәнишсиз дахил олмаг;

71.1.2. дөвләт органлары (гурумлары), мүәссисә вә тәшкилатлар, гејри-һөкумәт тәшкилатлары тәрәфиндән аккредитасија олунмаг;

71.1.3. әһәмијјәтли тәдбирләрә даир күтләви информасијанын ахтарылмасы, әлдә олунмасы, өтүрүлмәси, истеһсалы вә јајымы мәгсәдилә һәмин тәдбирләрин кечирилдији мәканлара бу Ганунун 72-ҹи маддәсинә ујғун олараг аккредитасија олундуғу һалда дахил олмаг;

71.1.4. бу Ганунун 76.1.2–76.1.5-ҹи маддәләриндә нәзәрдә тутулмуш ҝүзәшт вә имтијазлардан јарарланмаг.

Маддә 72. Журналистләрин аккредитасијасы

72.1. Медиа субјектләри Медиа Рејестринә дахил едилмиш журналистләрини дөвләт органларынын (гурумларынын), мүәссисә вә тәшкилатларын, гејри-һөкумәт тәшкилатларынын разылығы илә вә онларын мүәјјән етдији аккредитасија гајдаларына әмәл етмәклә һәмин гурумларда аккредитасијадан кечирә биләрләр.

72.2. Фәрди олараг мүәллиф һүгуглары әсасында фәалијјәт ҝөстәрән вә Медиа Рејестринә дахил едилмиш журналистләр дөвләт органларынын (гурумларынын), мүәссисә вә тәшкилатларын, гејри-һөкумәт тәшкилатларынын разылығы илә вә онларын мүәјјән етдији аккредитасија гајдаларына әмәл етмәклә һәмин гурумларда аккредитасијадан кечә биләрләр.

72.3. Дөвләт органларынын (гурумларынын), мүәссисә вә тәшкилатларын, гејри-һөкумәт тәшкилатларынын разылығы илә вә онларын мүәјјән етдији аккредитасија гајдаларына әмәл етмәклә һәмин гурумларда аккредитасија олунмуш журналистә, гапалы тәдбирләр истисна олмагла, иҹлас, мүшавирә вә башга тәдбирләр барәдә габагҹадан мәлумат верилир, онун стенограмларла, протоколларла вә башга сәнәдләрлә таныш олмасы үчүн шәраит јарадылыр.

72.4. Медиа субјекти вә журналист тәрәфиндән аккредитасијадан кечдији гурумун ишҝүзар нүфузуну ләкәләјән, јахуд тәһриф олунмуш вә ја һәгигәтә ујғун олмајан мәлуматлар јајылмышдырса вә бу мәһкәмәнин гануни гүввәјә минмиш гәрары илә тәсдиг олунмушдурса, јахуд онлар тәрәфиндән аккредитасија гајдалары позулмушдурса, һәмин гурум журналисти аккредитасијадан мәһрум едә биләр.

72.5. Медиа субјектинин журналист олмајан ишчиләринин аккредитасијасы дөвләт органларынын (гурумларынын), мүәссисә вә тәшкилатларын, гејри-һөкумәт тәшкилатларынын мүәјјән етдији аккредитасија гајдаларына ујғун олараг һәмин гурумлар тәрәфиндән һәјата кечирилир.

72.6. Һәрби вә фөвгәладә вәзијјәт тәтбиг едилдији әразидә (әразиләрдә), дини екстремизм әлејһинә хүсуси әмәлијјатын апарылмасы зонасында вә террор әлејһинә апарылан әмәлијјат зонасында күтләви информасијанын ахтарылмасы, әлдә олунмасы, өтүрүлмәси, истеһсалы вә јајымы јалныз Медиа Рејестринә дахил едилмиш медиа субјектләри вә журналистләр, һабелә фәалијјәтинә бу Ганунун 70.2-ҹи маддәсиндә нәзәрдә тутулмуш гајдада разылыг верилмиш хариҹи журналистләр тәрәфиндән һәјата кечирилә биләр.

8-ҹи фәсил

Медиа Рејестри

Маддә 73. Медиа Рејестри

73.1. Азәрбајҹан Республикасында медиа субјектләринә, о ҹүмләдән онларын редаксијаларына, һабелә журналистләрә даир мәлуматларын системләшдирилмәси мәгсәдилә Медиа Рејестри јарадылыр.

73.2. Медиа Рејестри мүвафиг иҹра һакимијјәти органынын мүәјјән етдији орган (гурум) тәрәфиндән идарә олунан електрон информасија еһтијатыдыр вә сахланмасы Азәрбајҹан Республикасынын дөвләт бүдҹәсинин вәсаити һесабына һәјата кечирилир.

73.3. Медиа Рејестри ашағыдакы бөлмәләрдән ибарәтдир:

73.3.1. аудиовизуал медиа субјектләри;

73.3.2. чап медиасы субјектләри;

73.3.3. онлајн медиа субјектләри;

73.3.4. информасија аҝентликләри;

73.3.5. журналистләр.

73.4. Шура бу Ганунун 54.7-ҹи, 55.8-ҹи, 57.6-ҹы вә 58.3-ҹү маддәләриндә нәзәрдә тутулмуш һалларда аудиовизуал медиа субјекти барәдә мәлуматлары мүвафиг иҹра һакимијјәти органынын мүәјјән етдији органа (гурума) тәгдим едир.

73.5. Чап медиасы вә ја онлајн медиа субјектләри, информасија аҝентликләри, һәмчинин журналистләр Медиа Рејестринә дахил едилмәси үчүн мүвафиг иҹра һакимијјәти органынын мүәјјән етдији органа (гурума) мүраҹиәт едирләр.

73.6. Медиа Рејестринин апарылмасы гајдалары мүвафиг иҹра һакимијјәти органынын мүәјјән етдији орган (гурум) тәрәфиндән мүәјјән едилир.

73.7. Медиа Рејестринә ашағыдакы мәлуматлар дахил едилир:

73.7.1. медиа субјектинин вә (вә ја) онун редаксијасынын (редаксијаларынын) ады, логотипи (емблеми), һүгуги вә фактики үнваны;

73.7.2. физики шәхс олан медиа субјекти, һүгуги шәхс олан медиа субјектинин тәсисчиси (иштиракчысы), һабелә медиа субјектинин тәсисчиси олан һүгуги шәхсин бирбаша вә долајысы илә иштиракчысы олан шәхсләр һаггында бу Ганунла нәзәрдә тутулмуш мәлуматлар;

73.7.3. медиа субјектинин ВӨЕН-и;

73.7.4. медиа субјектинин идарәетмә органынын рәһбәринин ады, сојады, атасынын ады, јашадығы јер, шәхсијјәтини тәсдиг едән сәнәдин нөмрәси вә верилмә тарихи, әлагә мәлуматлары;

73.7.5. мәсул редакторун ады, сојады, атасынын ады, јашадығы јер, шәхсијјәтини тәсдиг едән сәнәдин нөмрәси вә верилмә тарихи, әлагә мәлуматлары;

73.7.6. медиа субјектиндә ишләјән журналистләрин сијаһысы (ады, сојады, атасынын ады, јашадығы јер, шәхсијјәтини тәсдиг едән сәнәдин нөмрәси вә верилмә тарихи, әлагә мәлуматлары);

73.7.7. чап медиасы субјектинин дөврилији вә бирдәфәлик тиражы, мәзмуну һаггында мәлумат;

73.7.8. онлајн медиа субјектинин домен адынын саһиби һаггында мәлумат;

73.7.9. медиа субјектинин вә (вә ја) онун редаксијасынын (редаксијаларынын) әрази категоријасы;

73.7.10. аудиовизуал медиа субјектләринин вә (вә ја) онларын редаксијасынын (редаксијаларынын) жанры, јајым үсулу вә нөвү;

73.7.11. аудиовизуал медиа субјектләринин лисензијасы һаггында мәлуматлар;

73.7.12. информасија аҝентликләринин диҝәр медиа субјектләри илә информасија верилмәси (әлдә едилмәси) һаггында бағладығы мүгавиләләр барәдә мәлуматлар;

73.7.13. журналистин ады, сојады, атасынын ады, јашадығы јер, шәхсијјәтини тәсдиг едән сәнәдин нөмрәси вә верилмә тарихи, әлагә мәлуматлары;

73.7.14. верилмиш (о ҹүмләдән олдуғу һалда әввәлләр верилмиш) журналист вәсигәси һаггында мәлумат;

73.7.15. журналистин әмәк вә ја мүлки һүгуг мүгавиләси, әмәк фәалијјәти һаггында үмуми мәлумат;

73.7.16. фәрди олараг мүәллиф һүгуглары әсасында мүлки һүгуг мүгавиләси илә ишләјән журналистин ВӨЕН-и;

73.7.17. медиа субјектинин идарәетмә органынын рәһбәринин, журналистин али тәһсили һаггында мәлумат;

73.7.18. тәсисчи (иштиракчы) физики шәхс олдугда, онун (онларын), медиа субјектинин идарәетмә органынын рәһбәринин вә журналистин мәһкумлуғунун олуб-олмамасы һаггында мәлумат.

73.8. Медиа Рејестринә дахил едилмиш медиа субјектинә формасы мүвафиг иҹра һакимијјәти органынын мүәјјән етдији орган (гурум) тәрәфиндән тәсдигләнмиш Медиа Рејестри шәһадәтнамәси верилир.

73.9. Медиа субјектләринин вә журналистләрин сијаһысы истисна олмагла, Медиа Рејестринә дахил едилмиш диҝәр мәлуматлар иҹтимаијјәт үчүн ачыг дејилдир.

Маддә 74. Медиа Рејестринә дахил едилмәк үчүн тәләбләр

74.1. Медиа Рејестринә медиа субјекти кими дахил едилмәк үчүн мүраҹиәт едән шәхсләр ашағыдакы тәләбләрә ҹаваб вермәлидир:

74.1.1. бу Ганунун 26.1–26.5-ҹи, 26.8-ҹи маддәләриндә нәзәрдә тутулмуш тәләбләрә (бу Ганунун 69.2-ҹи маддәси нәзәрә алынмагла) ујғун олмалыдыр;

74.1.2. фәалијјәти давамлы олмалыдыр (мүраҹиәт тарихинә гәдәр медиа саһәсиндә фәалијјәт ҝөстәрмәмиш медиа субјектләри истисна олмагла);

74.1.3. фәалијјәти бу Ганунун 13.1-ҹи вә 13.2-ҹи маддәләринин тәләбләринә ујғун олмалыдыр;

74.1.4. һүгуги шәхс олдугда, һүгуги шәхсләрин дөвләт рејестриндә гејдијјата алынмыш олмалыдыр;

74.1.5. физики шәхс олдугда, фәрди саһибкар кими верҝи учотуна алынмыш олмалыдыр;

74.1.6. Медиа Рејестриндә олан диҝәр медиа субјектләринин редаксијаларынын логотипләри (емблемләри) илә ејни вә ја охшар олмамалыдыр.

74.2. Медиа Рејестринә дахил едилмәк үчүн мүраҹиәт етмиш журналистләр ашағыдакы тәләбләрә ҹаваб вермәлидир:

74.2.1. али тәһсили олмалыдыр;

74.2.2. фәалијјәт габилијјәтли олмалыдыр;

74.2.3. ағыр вә ја хүсусилә ағыр ҹинајәтләрә, һабелә иҹтимаи мәнәвијјат әлејһинә олан ҹинајәтләрә ҝөрә әввәлләр мәһкум едилмәмиш олмалыдыр;

74.2.4. мәһкумлуғу өдәнилмиш вә ја ҝөтүрүлмүш олмалыдыр;

74.2.5. медиа субјекти илә әмәк мүгавиләси олмалыдыр (фәрди олараг мүәллиф һүгуглары әсасында ишләјән журналистләрин азы бир медиа субјекти илә мүлки һүгуги мүгавиләси олмалыдыр);

74.2.6. ишләдији медиа субјекти Медиа Рејестринә дахил едилмиш олмалыдыр;

74.2.7. ишләдији медиа субјекти давамлы фәалијјәт ҝөстәрмәлидир (мүраҹиәт тарихинә гәдәр фәалијјәт ҝөстәрмәмиш медиа субјектләри истисна олмагла);

74.2.8. журналистләрин фәалијјәти бу Ганунун 13.1-ҹи вә 13.2-ҹи маддәләринин тәләбләринә ујғун олмалыдыр;

74.2.9. ишләдији чап медиасы субјектинин фәалијјәтиндә јаранмыш фасилә бу Ганунун 59.7-ҹи маддәсиндә нәзәрдә тутулмуш мүддәтдән артыг олмамалыдыр;

74.2.10. журналистика саһәси үзрә 3 (үч) илдән аз олмајараг иш стажы олмалы вә ја елми вә педагожи тәһсил мүәссисәләриндә журналистика саһәсиндә 3 (үч) илдән аз олмајан мүддәтдә фәалијјәт ҝөстәрмәлидир;

74.2.11. журналист кими фәалијјәт ҝөстәрдији мүддәт әрзиндә пешә етикасы (етик давраныш) гајдаларына риајәт етмәлидир;

74.2.12. фәрди олараг мүәллиф һүгуглары әсасында мүлки һүгуг мүгавиләси илә ишләјән журналист фәрди саһибкар кими верҝи учотуна алынмыш олмалыдыр.

74.3. Медиа Рејестринә дахил едилмәк үчүн мүраҹиәт етмиш шәхсләр бу Ганунун 74.1-ҹи маддәсинин, журналистләр исә бу Ганунун 74.2-ҹи маддәсинин тәләбләринә ҹаваб вермәдикдә, мүвафиг иҹра һакимијјәти органынын мүәјјән етдији орган (гурум) тәрәфиндән онларын Медиа Рејестринә дахил едилмәсиндән имтина едилир.

74.4. Бу Ганунун 54.7-ҹи вә 55.8-ҹи маддәләринә ујғун олараг тәгдим олунмуш мәлуматлар әсасында аудиовизуал медиа субјектләри бирбаша Медиа Рејестринә дахил едилирләр.

Маддә 75. Медиа Рејестриндән чыхарылма

75.1. Медиа Рејестринә дахил едилмиш медиа субјектләри ашағыдакы һалларда Медиа Рејестриндән чыхарылыр:

75.1.1. медиа субјектинин әризәси олдугда;

75.1.2. һүгуги шәхс олан медиа субјекти ләғв едилдикдә;

75.1.3. мәһкәмәнин гәрары илә медиа субјектинин фәалијјәтинә хитам верилдикдә;

75.1.4. физики шәхс олан медиа субјекти өлдүкдә вә ја гануни гүввәјә минмиш мәһкәмә гәрары илә өлмүш вә ја иткин дүшмүш елан едилдикдә;

75.1.5. бу Ганунун 26.1–26.5-ҹи (бу Ганунун 69.2-ҹи маддәси нәзәрә алынмагла) вә 74.1.5-ҹи маддәләринин тәләбләринә ҹаваб вермәдији ашкар едилдикдә;

75.1.6. чап медиасы субјекти тәрәфиндән бу Ганунун 59.7-ҹи маддәсинин, онлајн медиа субјекти (редаксијалары) тәрәфиндән исә бу Ганунун 60.5-ҹи маддәсинин тәләбләри позулдугда;

75.1.7. Медиа Рејестринә дахил едилмиш чап медиасы вә ја онлајн медиа субјектинин рејестр мәлуматларында дәјишиклик едилдикдә, дәјишиклик баш вердији тарихдән 14 (он дөрд) иш ҝүнү әрзиндә бу мәлуматлар мүвафиг тәсдигедиҹи сәнәдләрлә бирликдә мүвафиг иҹра һакимијјәти органын мүәјјән етдији органа (гурума) тәгдим едилмәдикдә;

75.1.8. аудиовизуал медиа субјектинин лисензијасы ләғв едилдикдә.

75.2. Медиа субјекти Медиа Рејестриндән чыхарылдыгда мүвафиг иҹра һакимијјәти органынын мүәјјән етдији органын (гурумун) веб-сајтында бу барәдә мәлумат јерләшдирилир.

75.3. Медиа Рејестринә дахил едилмиш журналистләр ашағыдакы һалларда Медиа Рејестриндән чыхарылыр:

75.3.1. журналистин әризәси олдугда;

75.3.2. бу Ганунун 74.2-ҹи маддәсинин тәләбләринә ҹаваб вермәдији ашкар едилдикдә;

75.3.3. ағыр вә хүсусилә ағыр ҹинајәтләрә ҝөрә мәсулијјәтә ҹәлб едилдикдә;

75.3.4. өлдүкдә вә ја гануни гүввәјә минмиш мәһкәмә гәрары илә өлмүш вә ја иткин дүшмүш елан едилдикдә;

75.3.5. јајымладығы информасијанын бу Ганунун 14-ҹү маддәсинин тәләбләринә ҹаваб вермәмәси һаллары ил әрзиндә 3 (үч) дәфә ашкар едилдикдә;

75.3.6. ишләдији медиа субјекти, јахуд фәрди олараг мүәллиф һүгуглары әсасында ишләдији јеҝанә медиа субјекти Медиа Рејестриндән чыхарылдыгда;

75.3.7. фәрди олараг мүәллиф һүгуглары әсасында мүлки һүгуг мүгавиләси илә ишләјән журналист верҝи учотундан чыхарылдыгда вә ја саһибкарлыг фәалијјәти дајандырылдыгда.

75.4. Журналист Медиа Рејестриндән чыхарылдыгда онун журналист вәсигәси мүвафиг иҹра һакимијјәти органынын мүәјјән етдији орган (гурум) тәрәфиндән ләғв едилир вә бу барәдә онун веб-сајтында мәлумат јерләшдирилир.

75.5. Бу Ганунун 58.3-ҹү маддәсинә ујғун олараг тәгдим олунмуш мәлуматлар әсасында аудиовизуал медиа субјектләри бирбаша Медиа Рејестриндән чыхарылыр.

Маддә 76. Медиа саһәсиндә фәалијјәт ҝөстәрән шәхсләр үчүн ҝүзәштләр вә имтијазлар

76.1. Медиа Рејестринә дахил едилмиш шәхсләр үчүн ашағыдакы ҝүзәшт вә имтијазлар мүәјјәнләшдирилә биләр:

76.1.1. медиа субјектләринә дөвләт органлары (гурумлары) тәрәфиндән рәсми елан вә сосиал рекламларын сифариши;

76.1.2. медиа субјектләринин ишчиләринин вә журналистләрин мүвафиг иҹра һакимијјәти органынын мүәјјән етдији орган (гурум) тәрәфиндән тәшкил едилән тәлимләрдә өдәнишсиз вә ја ҝүзәштли әсасларла иштиракы;

76.1.3. мүвафиг иҹра һакимијјәти органынын мүәјјән етдији орган (гурум) тәрәфиндән тәшкил едилән дөвләт вә ҹәмијјәт үчүн әһәмијјәт кәсб едән мәсәләләр үзрә лајиһәләрдә иштиракы;

76.1.4. малијјә характерли ҝүзәшт вә имтијазлардан (ҝүзәштли кредитләрдән јарарланмаг дахил олмагла) истифадә;

76.1.5. сосиал мүдафиәсинин ҝүҹләндирилмәси вә мадди тәминатынын јахшылашдырылмасы илә бағлы ҝүзәштләрдән јарарланма.

9-ҹу фәсил

Јекун мүддәалар

Маддә 77. Бу Ганунун позулмасына ҝөрә мәсулијјәт

77.1. Бу Ганунун тәләбләринин позулмасында тәгсирли олан шәхсләр Азәрбајҹан Республикасынын Мүлки Мәҹәлләси, Инзибати Хәталар Мәҹәлләси вә Ҹинајәт Мәҹәлләси илә мүәјјән едилмиш һалларда мәсулијјәт дашыјырлар.

77.2. Медиада јајылмыш һәгигәтә ујғун олмајан мәлумата ҝөрә редаксија, еләҹә дә журналист ашағыдакы һалларда мәсулијјәт дашымыр:

77.2.1. һәмин мәлумат дөвләт органларынын (гурумларынын) вәзифәли шәхсләри вә ја онларын мәтбуат хидмәтләри тәрәфиндән рәсми јајылмышдырса;

77.2.2. һәмин мәлумат информасија аҝентликләриндән вә ја идарә, мүәссисә, тәшкилат, сијаси партија вә гејри-һөкумәт тәшкилатларынын мәтбуат хидмәтләри тәрәфиндән јајылмышдырса;

77.2.3. һәмин мәлумат Азәрбајҹан Республикасы Милли Мәҹлисинин депутатларынын, дөвләт органларынын (гурумларынын), бәләдијјәләрин, идарә, мүәссисә, тәшкилат вә гејри-һөкумәт тәшкилатларынын нүмајәндәләринин, һабелә вәзифәли шәхсләрин рәсми чыхышларында олдуғу кими тәкрар едилмишдирсә;

77.2.4. һәмин мәлумат ҹанлы јајымла ефирә ҝедән чыхышларда сәсләндирилмишдирсә.

Маддә 78. Кечид мүддәалар

78.1. Бу Ганун гүввәјә миндији тарихдән 6 (алты) ај әрзиндә бу Ганунун 52.2-ҹи маддәсиндә нәзәрдә тутулмуш сәнәдләр кағыз вә ја електрон формада тәгдим едилдикдән сонра Шура тәрәфиндән бу Ганун гүввәјә минәнәдәк фәалијјәт ҝөстәрән телерадио јајымы саһәсиндә лисензија саһибләринә ашағыдакы лисензијалар өдәнишсиз әсасларла верилир:

78.1.1. үмумөлкә телевизија вә радио јајымчыларына – үмумөлкә јерүстү телевизија јајымчысы вә үмумөлкә јерүстү радио јајымчысы лисензијасы;

78.1.2. реҝионал телевизија вә радио јајымчыларына – реҝионал јерүстү телевизија јајымчысы вә реҝионал јерүстү радио јајымчысы лисензијасы;

78.1.3. кабел јајымчыларына истифадә етдикләри јајым үсулларындан (кабел, ИПТВ, ОТТ, мобил ТВ вә пејклә кодланмыш јајым сигналлары) асылы олараг – садә платформа оператору лисензијасы вә универсал платформа оператору лисензијасы;

78.1.4. радиотезликләрдән истифадә етмәклә фәалијјәт ҝөстәрән кабел јајымчыларына – мултиплекс оператору лисензијасы;

78.1.5. пејк јајымчыларына – пејк јајымы һәјата кечирән платформа јајымчысы лисензијасы.

78.2. Азәрбајҹан Республикасында рәгәмсал радио јајымына там кечид тәмин олунанадәк фәалијјәт ҝөстәрән үмумөлкә вә реҝионал радио јајымчылары инфраструктур вә ја мултиплекс операторунун ретранслјасија функсијасыны һәјата кечирә биләрләр.

78.3. Бу Ганун гүввәјә минәнәдәк фәалијјәт ҝөстәрән чап медиасы вә онлајн медиа субјектләри бу Ганунда нәзәрдә тутулмуш Медиа Рејестри формалашдығы тарихдән 6 (алты) ај мүддәтиндә бу Ганунун 73.6-ҹы маддәсиндә нәзәрдә тутулмуш гајдада мүвафиг иҹра һакимијјәти органынын мүәјјән етдији органа (гурума) мүраҹиәт етмәлидир.

78.4. Бу Ганунун 48.3-ҹү маддәси Шуранын бу Ганун гүввәјә миндикдән сонра тәјин едилмиш үзвләринә шамил олунур.

78.5. Бу Ганунун 26.3.1-ҹи вә 74.2.3-ҹү маддәләри бу Ганун гүввәјә миндикдән сонра јаранан һаллара шамил олунур.

78.6. Бу Ганун гүввәјә миндији ҝүндән “Күтләви информасија васитәләри һаггында” Азәрбајҹан Республикасынын Гануну (Азәрбајҹан Республикасынын Ганунвериҹилик Топлусу, 2000, № 2, маддә 82; 2001, № 12, маддә 736; 2002, № 3, маддә 116, № 5, маддә 245; 2004, № 2, маддәләр 57, 58; 2005, № 4, маддә 278; 2007, № 8, маддә 752, № 11, маддә 1079; 2009, № 4, маддә 212, № 8, маддә 611; 2010, № 3, маддә 172; 2015, № 2, маддә 82, № 11, маддәләр 1258, 1292; 2016, № 1, маддә 40, № 5, маддә 837, № 12, маддә 1986; 2017, № 12 (Ы китаб), маддә 2254; 2018, № 1, маддә 16, № 5, маддә 891, № 6, маддә 1166; 2019, № 3, маддә 376, № 12, маддә 1882; 2020, № 6, маддә 671) вә “Телевизија вә радио јајымы һаггында” Азәрбајҹан Республикасынын Гануну (Азәрбајҹан Республикасынын Ганунвериҹилик Топлусу, 2002, № 10, маддә 583; 2004, № 1, маддә 10; 2005, № 4, маддә 278, № 6, маддә 469; 2006, № 11, маддә 932, № 12, маддә 1005; 2007, № 6, маддә 560, № 8, маддә 749, № 11, маддә 1053; 2009, № 6, маддә 394; 2010, № 7, маддә 600; 2011, № 2, маддә 70; 2015, № 4, маддә 354; 2016, № 12, маддә 1987; 2018, № 2, маддә 153, № 6, маддә 1167, № 12 (Ы китаб), маддә 2477; 2019, № 12, маддә 1882; 2020, № 6, маддәләр 671, 673) ләғв едилир.

Диггәт: Хәбәрдән Истифадә Етдикдә Мәнбәјә Истинад Лазымдыр!