Украјнаја гаршы мүһарибә тәһлүкәси јохдур, шиширтмәјин!

АБНА24 Хәбәр Верир, Владимир Зеленски дүнја лидерләрини Русијанын Украјнаја ҝенишмигјаслы ишғала һазырлығы әтрафында чахнашма јаратмамаға чағырыб.

О бир нечә бејнәлхалг нәшрләрә мүсаһибәсиндә дејиб ки, Русијанын ишғал тәһлүкәси өтән илин јанварында олдуғундан јүксәк дејил. Лакин јарадылан чахнашма сәбәбиндән Украјна игтисадијјатыны итирә биләр.

“Һәтта һөрмәтли дөвләт лидерләриндән сигналлар ҝәлир, һәтта дипломатик дилдә белә дејил, онлар артыг ачыг дејирләр: “Сабаһ мүһарибә олаҹаг”. Бу, базарларда чахнашмадыр, бу малијјә секторунда чахнашмадыр”. “Әҝәр журналистләр, вәзијјәтин неҹә олдуғуну билмәк истәјирләрсә, гој Кијевә ҝәлсинләр… Күчәләрдә ҝәзән танкларымыз вармы? Јох… КИВ-ә ҝөрә, санки биздә мүһарибәдир, биздә күчәләрдә орду һәрәкәт едир, биздә сәфәрбәрликдир, адамлар һараса ҝедир. Бу белә дејил”.

Бу арада Американын ҸНН каналы аноним јүксәк рүтбәли украјналы мәмура истинадән хәбәр вериб ки, Зеленскинин АБШ Президенти Ҹо Бајденлә ишғал тәһлүкәси илә бағлы фикир ајрылығы вар. Телеканалын мәнбәсинин сөзләринә ҝөрә, АБШ Президенти Зеленскијә Русијанын ишғалы тәһлүкәсинин јахында ола биләҹәјини дејиб. Украјна Президенти ҹаваб вериб ки, о, бунун баш верәҹәјинә әмин дејил.

Украјна парламентиндә президентјөнлү “Халгын хидмәтчиси” фраксијасынын рәһбәри Давид Арахамиа да билдириб ки, Гәрб вә АБШ өлкәдәки вәзијјәт әтрафында чахнашма сәпир. АБШ-ын буну етмәсинин реал сәбәбләрини билмирәм, амма бу, гәтијјән Украјна игтисадијјатынын хејринә ишләмир.

Дүнјанын апарыҹы КИВ-ләри јазыр ки, өтән илин сонундан Гәрб өлкәләринин кәшфијјат гурумлары Русијанын Украјна әразисинә ҝенишмигјаслы һүҹума һазырлығы барәдә хәбәрдарлыг едир. Москва исә буну инкар едир.

Украјна президенти Зеленскинин бир мүддәт әввәл јајылан видео мүраҹиәтиндә дә мүһарибә олмајаҹағыны дејиб.

АБШ Президент Ҹо Бајден исә ҹүмә ҝүнү Филаделфијадакы чыхышында тәһлүкәнин мөвҹуд олдуғуну билдириб вә Бирләшмиш Штатларын тезликлә аз сајда АБШ әсҝәрини Шәрги Авропа вә НАТО өлкәләринә ҝөндәрәҹәјини билдириб.

Пентагон бу һәфтәнин әввәлиндә билдириб ки, Русија ордусунун Украјна сәрһәдләри јахынлығында ҹәмләнмәси фонунда Авропаја мүмкүн дислокасија үчүн тәхминән 8500 АБШ әсҝәри ҝөзләмә вәзијјәтиндәдир.

342/