АБНА24 Хәбәр Верир, Русијаја гаршы психоложи мүһарибә јени фазаја дахил олур. АБШ-ын ардынҹа Инҝилтәрә дә Кијев сәфирлијиндәки әмәкдашларынын бир гисмини аиләләри илә бирликдә Украјнадан чыхармаға башлајыб.
Бундан әввәл АБШ дөвләти Русијанын Украјнаја мүмкүн һүҹуму илә бағлы АБШ сәфирлијинин әмәкдашларынын аиләләринин вә ваҹиб иши олмајан ишчиләрин өлкәдән чыхарылмасына гәрар вермишди.
Гәрбин иддиаларына ҝөрә, Русијанын Украјна сәрһәдләринә гошун јығмасы онун бу өлкәјә һүҹума һазырлашдығы тәәссүратыны јарадыб. Һәрчәнд Русија Украјнаны ишғал етмәји планлашдырдығына даир иддиалары тәкзиб едир.
Бу арада Инҝилтәрә ХИН-ин мәлуматында билдирилиб ки, сәфирлик ишини давам етдирәҹәк вә Украјнада Британија вәтәндашларына консуллуг јардымынын ҝөстәрилмәси дә дахил, әсас функсијалары јеринә јетирәҹәкдир.
АБШ Дөвләт Департаменти дә Украјнадакы сәфирлијинин ваҹиб иши олмајан әмәкдашларынын бу өлкәни тәрк етмәсинә иҹазә вериб.
Дөвләт Департаментинин рәсми ачыгламасында билдирилиб ки, Русијанын Украјнаја гаршы ҹидди һәрби әмәлијјатлар планлашдырдығына даир хәбәрләр вар.
Диҝәр тәрәфдән Дөвләт Департаменти давам едән ҝәрҝинлик вә "АБШ вәтәндашларына гаршы тәзјиг потенсиалы" сәбәбиндән америкалылара Украјна вә Русијаја сәјаһәт етмәмәк барәдә хәбәрдарлыг едиб.
"Русијанын Украјнаја гаршы ҹидди һәрби әмәлијјатлар планлашдырдығы барәдә мәлуматлар вар," - дејә Дөвләт Департаментинин мәсләһәтчиси иддиа едиб.
Гурумун рәсмиси гејд едиб ки, сәфирлик һәлә дә ачыгдыр, лакин Ағ Евдән дәфәләрлә хәбәрдарлыг едилир ки, ишғал "истәнилән вахт" ола биләр вә һөкумәт белә бир вәзијјәтдә АБШ вәтәндашларыны евакуасија етмәк игтидарында олмајаҹаг.
Бу арада НАТО-нун һәрби мүдафиә алјансынын рәһбәри тәгрибән 100.000 рус әсҝәринин Украјна сәрһәдиндә ҹәмләшмәсиндән сонра Авропада јени гаршыдурма риски илә бағлы хәбәрдарлыг едиб.
342/
26 yanvar 2022 - 17:40
Xəbər kodu: 1222843
Америка рәсмиләри Украјнада ваҹиб иши олмајан ишчиләринә вә сәфирлик әмакдашлырынын аиләләринә өлкәдән чыхмаг әмри вериб.
