Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Шринагар шәһәринин 27 јашлы сакини Адил Нәби Мир мүсбәт дүшүнҹә тәрзини сахламаг үчүн 58 ҝүн әрзиндә бүтүн Гурани-Кәрими өз әли илә дәфтәринә көчүрүб.
Гурани-Кәрими јазмаг үчүн әрәб хәттатлығы курсу кечмәк лазымдыр, лакин Адил Нәби Мир билдириб ки, о, әввәлләр хәттатлыг тәһсили алмајыб.
О дејиб: “Мәнә хәттатлыг өјрәдилмәјиб вә әввәлләр һеч нә јазмамышам. Тәсадүфән Гурани-Кәрими јазмаға гәрар вердим. Әрәб хәттатлығыны өјрәнмәк истәјирдим, амма мәнә јол ҝөстәрән һеч ким олмадығындан хәттатлығы өјрәнә билмәдим.”
Ҝәнҹ Кәшмирли әлавә едиб: "Буну тамамлаја биләҹәјимдән әмин дејилдим. Буна ҝөрә дә јалныз нәнәмә дедим вә ондан хаһиш етдим ки, һеч кимә бу барәдә демәсин, чүнки мүмкүн иди ки, иши баша чатдыра билмәјим. Бу мәсәләни сонрадан валидејнләримин гаршысында галдырдым вә онлар мәни мотивасија етдиләр. Дедиләр ки, јахшы шејдир вә мән буну тамамламалыјам.”
Бакалавр тәһсилини баша вурдугдан сонра Адил Нәби Мир карантин заманы ону пис вәрдишләрдән узаглашдыраҹаг бир иш үзәриндә ишләмәјә гәрар вериб.
О, позитив галмасына вә өзүнү гејри-адиликдән узаг тутмасына көмәк едәҹәк бир шеј һаггында дүшүнүрдү. О, Гураны өз әли илә јазмағы дүшүнүрдү. Адил Нәби Мир буна башлады вә 58 ҝүндә битирди.
Диггәт: Хәбәрдән Истифадә Етдикдә Мәнбәјә Истинад Лазымдыр!
