АБНА24 Хәбәр Верир, Ҹорҹ Вашингтон Университетинин експертләри кичик һиссәҹикләрлә чиркләнмәсинин тәсирләрини арашдырыблар. Һаванын бу тип чиркләнмәси мүхтәлиф ағҹијәр хәстәликләри үчүн мәлум риск факторудур.
Арашдырмалардан бир ҝөстәрир ки, 2019-ҹу илдә бүтүн дүнјада шәһәр әразиләриндә јашајан инсанларын тәхминән 86 фаизи гејри-сағлам һиссәҹикләрин сәвијјәләринә мәруз галыб. Башга бир арашдырма ҝөстәрди ки, дүнјада ушаглар арасында тәхминән 2 милјон астма һадисәси нәглијјатла әлагәли азот диоксиди һава чиркләнмәси илә бағлыдыр.
Експертләрин дедијинә ҝөрә, бу арашдырмадан әлдә едилән мәлуматлар шәһәрләрин һавасынын чиркләнмәси илә мүбаризәнин зәрурилијини вурғулајыр.
Ҹорҹ Вашингтон Университетинин рәһбәрлик етдији експертләр диаметри 2,5 микрон вә ја даһа аз олан һиссәҹикләри арашдырыблар, чүнки даһа кичик һиссәҹикләр сағламлыг рискини артырыр. Өлчүсүнә ҝөрә ағҹијәр барјерини кечәрәк ган системинә дахил ола билир, үрәк-дамар вә тәнәффүс системи хәстәликләринин вә ағҹијәр хәрчәнҝинин инкишаф рискини артырыр.
342/
13 yanvar 2022 - 15:53
Xəbər kodu: 1218554
Бир арашдырманын нәтиҹәләри ҝөстәрир ки, һаванын чиркләнмәси тәкҹә 2019-ҹу илдә 1,8 милјон нәфәрин өлүмүнә сәбәб олуб.
