АБНА24 Хәбәр Верир, политолог Елхан Шаһинмоғлунун рәји бундан ибарәтдир ки, Газахыстан президентинин Русија вә Коллектив Тәһлүкәсизлик Мүгавиләси Тәшкилатына мүраҹиәтинин садә бир сәбәби вар. О Газахыстан полисинин вә ордусунун етиразлары јатыртмаға ҝүҹү чатмајаҹағындан, ән пис һалда исә етиразчыларын тәрәфинә кечәҹәјиндән горхдуғу үчүн Москваја мүраҹиәт етди. Токајев һакимијјәтини горумаг үчүн бу вәзијјәтдә Москвадан јардым истәди. Анҹаг бу јардым вә һадисәләрин бундан сонракы инкишафы Газахыстан үчүн јени тәһлүкәләр јарадаҹаг.
Политолог Азәр Рәшидоғлу исә өз Фаҹебоок һесабындан пајлашдығы јазысында билдирир: “Түрк Дөвләтләри Тәшкилаты да, БМТ - дә мәнасыз гүрумдурлар. КТМТ-нин хариҹи тәҹавүз факты олмадан Газахыстана гошун јеритмәси БМТ Низамнамәсинә зиддир. Ҝөрүнүр, Дүнјанын һесаблашдығы јеҝанә амил ҝүҹдүр. Өзүмүзә инанаҹајыг.”
Азәрбајҹан Милли Истиглал Партијасы Сијаси Шурасынын үзвү Әли Оруҹов да Газахыстан лидеринин атдығы аддымдан тәәҹҹүбләндијини билдириб. “Газахыстанын президенти Токајев 1990-ҹи ил Јанварында рус гошунларыны Азәрбајҹана чағыран Вәзиров-Мүтәллибовун бағышланылмаз сәһвини тәкрарлады. Өлкәсини вә милләтини өз мараглары наминә бојундуруг алтына салды. О вахт да динҹ етиразчылары тәхрибатчы, екстремист вә саирә адландырырдылар. Һәмин вахт нә вә неҹә адландырылмаларына бахмајараг онлар Азәрбајҹаны јенидән өз мүстәгиллијинә говушдура билди. Инди дә Токајев халгын фәал вә етиразчы һиссәсини террорчу адландырыб хариҹи һәрбчиләрин өлдүрмәсинә, ишҝәнҹә вермәсинә, һәбсинә шәраит јарадыб. Азәрбајҹан вә газах халгынын бу бахымдан талеләри охшардыр. Амма мәғрур газах халгы бу хаинлији дәф едиб јенидән шәрәфли тарих јазаҹаг”, - дејә АМИП функсионери вурғулајыб.
Туран Хәбәр Аҝентлијини директору Меһман Әлијев дә КТМТ-нин Газахыстана мүдахиләсинә өз ирадыны билдириб вә бунлары дејиб: "Һүҹум факты јохдур. Ола биләр ки, сөһбәт һибрид мүһарибәдән вә ја тәҹавүздән ҝедир. Лакин әҝәр Газахыстан башчысы тәҹавүз вә терроризмдән данышырса, о заман Низамнамәнин тәләб етдији кими, БМТ ТШ-јә оператив шәкилдә сүбут тәгдим етмәли вә бу барәдә БМТ-ни - јүксәк вәзифәдә чалышдығы вә тәшкилатын ҹәлб едилмәси механизмләрини билдији тәшкилаты мәлуматландырмалыдыр."
342/
7 yanvar 2022 - 09:10
Xəbər kodu: 1216435
Јанварын 2-дә Газахыстанда маје газын баһалашмасына етираз олараг кечирилән аксијаларын ардынҹа Рус НАТО-су дејилән гурумун мејдана ҝирмәси Азәрбајҹан Республикасында гызғын мүзакирәләрә сәбәб олуб.
