АБНА24 Хәбәр Верир, вәкил Аслан Исмајылов Инстаграм пајлашымында Газахыстан һадисәләри барәдә јазыр: "Гијмәт артымы илә бағлы Газахыстанын бир бөлҝәсиндә баш галдыран наразылыг гыса заманда бүтүн өлкәни бүрүдү, чохлу сајда иғтишашлара вә дағынтылара сәбәб олду. Президент Токајев халгдан үзр истәди, сон газ артымыны әввәлки вәзијјәтә гајтарды вә һөкүмәти там тәркибдә истефаја ҝөндәрди. Әминәм ки, һадисәләр бунунла битмәјәҹәк вә Газахыстаны даһа бөјүк тәһлүкәләр ҝөзләјир. Ајаға галхмыш халгы сакитләшдирмәк һеч вахт асан олмајыб.
Аслам Исмајылов сонра Газахыстанла Азәрбајҹан арасында мүгајисә апарыб. "Газахыстан бизимлә охшар милләт олмагла јанашы һәм дә охшар идарәетмә үсул идарәсинә маликдир. Орада да һакимијјәт халгын реал мадди вәзијјәтини нәзәрә алмадан истәдији аддымлары атырды вә һесаб едирди ки, белә дә давам едәҹәк. Һакимијјәт Азәрбајҹанда вәзијјәтин Газахыстандан да мүрәккәб олдуғуну анламалы вә сон гијмәт артымлары илә бағлы өнләјиҹи тәдбирләрини ҝөрмәлидир."
Вәкил хәбәрдарлыг едир ки, Азәрбајҹанда баш верәҹәк халг наразылығы һеч дә Газахыстандакы кими битмәјәҹәк вә даһа ағыр фәсадлары олаҹаг. Газахыстанда вәзијјәти писләшмәсиндә бир гоншу дөвләт мараглы идисә Вәтән Мүһарибәсиндән сонра Азәрбајҹаны зәиф ҝөрмәк истәјән дөвләтләрин сајы һесабы јохдур. Бура Азәрбајҹанын Газахыстандан фәргли олараг етник тәркибин даһа да мүрәккәб олдуғуну нәзәрә алсаг тәһлүкәнин мигјасыны ҝөрмәк олар.
Аслан Исмајылов сонда президент Илһам Әлијевә мүраҹиәт едәрәк јазыр: "Хариҹи әлагәләр, хүсусилә Гарабағ проблеми илә мәшғул олуб бүтүн өлкәни Назирләр Кабинетинә етибар едән өлкә Президенти бу проблемлә бирбаша мәшғул олмалыдыр. Чүнки, Назирләр Кабинети үзвләринин халгын проблеминдән чох өз шәхси бизнесләри, проблемләри илә мәшғул олмасы ҝөз габағындадыр."
342/
5 yanvar 2022 - 13:49
Xəbər kodu: 1215910
Азәрбајҹанлы вәкил Газахыстанда гијмәт артымы илә бағлы баш верән үсјанын Азәрбајҹанда да тәкрарлана биләҹәјини дејир.
