Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Вәлијји Фәгиһ Һакимијјәти илә идарә олунан Иран Ислам Республикасы, бу ҝүн дөвләт телевизијасында вердији ачыгламада, космоса үч ҹиһаз дашыјан пејк ракети атдығыны ачыглады.
Рәсми хәбәр аҝентликләринин дә тәсдигләдији хәбәрдә космоса бурахылышын там олараг нә заман баш вердији вә һансы ҹиһазларын бурахылдығы барәдә мәлумат верилмәјиб.
АБШ медиасы Иран Ислам Республикасынын космоса ракет бурахылышынын Теһранла 5+1 өлкәләри арасында Вјанада чәтин нүвә данышыглары заманы баш вердијинә диггәт чәкиб.
Иран Ислам Республикасынын Мүдафиә Назирлијинин сөзчүсү Әһмәд Һүсејни “Симург” (Феникс) адлы ракетдә 3 гурғунун апарылдығыны тәсдиг едәрәк, ҹиһазларын 470 километр јүксәклијә ҝөндәрилдијини гејд едиб.
Космик мәркәзин вә пејк дашыјыҹысынын фәалијјәтинин зәрури олдуғуну дејән ҹәнаб Һүсејни ракет бурахылышынын уғурла һәјата кечирилдијини дә ифадә едиб вә ҝәләҹәкдә дә белә әмәлијјатларын давам етдириләҹәјини вурғулајыб.
Иран Ислам Республикасынын телевизијасы “Симург” пејк дашыјыҹысы” вә “Биз буну едә биләрик” сөзләри јазылмыш ағ ракетин сәһәр саатларында Имам Хомејни космос базасындан сәмаја бурахылдығыны әкс етдирән ҝөрүнтүләр јајымлајыб. Бурахылыш әмәлијјатына јахындан шаһид олан дөвләт телевизијасынын мүхбири ракетин бурахылышыны “Иран алимләринин даһа бир наилијјәти” кими гијмәтләндириб.
Иран Ислам Республикасы сон 10 илдә Јер орбитинә бир нечә гысамүддәтли пејк јерләшдириб вә 2013-ҹү илдә космоса мејмун ҝөндәриб.
Диггәт: Хәбәрдән Истифадә Етдикдә Мәнбәјә Истинад Лазымдыр!
