Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Венесуеланын анти-ипериалист президенти Николас Мадуро базар ҝүнү ҝеҹә Әл-Мәјадин телеканалына ексклүзив мүсаһибәсиндә дејиб: “Ајәтуллаһ Хаменеинин мүдриклији вә рәһбәрлији мәни чох һејран етди вә Теһранда онунла јенидән ҝөрүшмәји үмид едирәм”.
О, билдириб: "Мән Ајәтуллаһ Хаменеидән чох тәсирләнирәм вә мән һәр дәфә Ирана ҝедәндә онунла данышмағы хошлајырам".
Николас Мадуро әлавә едиб: “Ајәтуллаһ Хаменеи мүдрик вә чох ағыллы рәһбәрдир, она ҝөрә дә үмид едирәм ки, онун Теһрана гаршыдакы сәфәри заманы онунла јенидән ҝөрүшүб сөһбәт едим”.
Венесуела президенти “Бизим Иран Ислам Республикасы илә һәмишә јахшы мүнасибәтим олуб, истәр Иранын сабиг президенти истәрсә дә һазыркы президент ҹәнаб Ибраһим Рәисинин дөврүндә”, - дејәрәк сөзләринә әлавә едиб: “Мән ики дәфә телефон васитәси илә ҹәнаб Рәиси илә данышмышам вә бир сыра јени програмлар үзрә разылыға ҝәлмишик”.
О әлавә едиб: Ики өлкәнин мүштәрәк комитәси бу јени лајиһәләр, о ҹүмләдән Иран вә Венесуела арасында шәбәкәләшмә вә әмәкдашлыглар үзәриндә ишләјир.
Мадуро дејиб: Иран президентинин дәвәти илә јахын вахтларда бир-биримизи танымаг вә сөһбәт етмәк үчүн Теһрана сәфәр едәҹәјәм.
О әлавә едиб: Биз бу сәфәрдә бүтүн саһәләрдә вә мүхтәлиф сәвијјәләрдә әмәкдашлыг просесини вә ики мүстәгил өлкә илә Иран вә Венесуела кими ики дөзүмлү өлкәнин әмәкдашлығыны сүрәтләндирмәк үчүн јени мүгавилә вә сәнәдләр имзалајаҹағыг.
Диггәт: Хәбәрдән Истифадә Етдикдә Мәнбәјә Истинад Лазымдыр!
