Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Journal of Canadian Medical Association” өзүнүн сон сајында Һиҹабын ушаглары инҹитмәк вә истисмар етмәк үчүн аләт олдуғуну иддиа едән Шәриф Емилин мәгаләсини дәрҹ едиб.
Мүсәлманларын белә бир мәгаләнин дәрҹинә тәнгиди реаксијасындан сонра јухарыда ады чәкилән журналын редактору Др.Кристен Патрик ачыглама верәрәк, мәгаләнин дәрҹиндән сонра бир чох гурум вә шәхсләрин мәнфи ҹаваблар алдығыны вә јазынын журналындан дәрһал силинмәси илә јанашы үзр истәдијини ачыглајыб.
О әлавә етди ки, мәгаләдә дәрҹ үчүн ујғун мөвзу јох иди вә Канадада бир чох охуҹу бу мәгаләнин дәрҹиндән икраһ һисси кечирдиләр.
"Канада Тибб Ассосиасијасынын мәсләһәт органларында Канада Мүсәлман иҹмасынын олмасы бир ногсандыр вә бу, бизим һәлл етмәјә чалышаҹағымыз бир шејдир" дејәрәк Патрик билдириб.
О, әлавә едиб: “Бир чох инсанлара, о ҹүмләдән тибб һәмкарларына вә тәләбәләрә вурулан бөјүк зәрәрә ҝөрә сәмими гәлбдән үзр истәјирәм вә бу мәгаләнин јазылмасы вә дәрҹ едилмәсиндә јол верилмиш нөгсанлары гәбул едирәм”.
Өлкәдәки мүсәлманлар тәрәфиндән мәгаләнин ҝениш шәкилдә рәдд едилмәсиндән сонра Канада Мүсәлманлары Милли Шурасынын (NCCM) Квебек үзрә директору Лина Әл-Бәкр декабрын 3-дә ҹүмә ҝүнү бәјанат јајыб.
Бәјанатда Канада Тибб Ассосиасијасыны Ислам әлејһинә мәгаләни силмәјә вә үзр истәмәјә чағырыб.
“Тәәҹҹүблү олан одур ки, һәким Емил адлы мәсул тибб експерти мүсәлман гадын вә гызлара гаршы тәһгирамиз анти-ислам ифадәләриндән ибарәт мәгалә јазыб.
Бу мәгалә Канадада нифрәтин ән екстремал формалары илә үзләшән әһали һаггында иргчи стереотипләри ҹанландырыр", - бәјанатда дејилир.
Диггәт: Хәбәрдән Истифадә Етдикдә Мәнбәјә Истинад Лазымдыр!
