АБНА24 Хәбәр Верир, Иранын Ҝөмрүк Идарәсинин сөзчүсү Сејид Руһуллаһ Ләтифи дејиб: "Коронавирусла Мүбаризә үзрә Милли Гәрарҝаһын гәрарына вә Дахили Ишләр Назирлијинин сәрһәдјаны вилајәтләрин иҹра башчыларына вердији ҝөстәришә әсасән, декабрын 25-дән етибарән гоншу өлкәләрдән хариҹи вәтәндашларын Ирана ҝириши мәһдудлашдырылаҹаг".
Иранын Ҝөмрүк Идарәсинин сөзчүсү әлавә едиб: "Бу мүддәт әрзиндә турист визасы илә сәјаһәт едәнләрин өлкәјә ҝириши тамамилә гадаған едилир вә једди һал үчүн истисналар нәзәрдә тутулуб".
Ләтифинин дедијинә ҝөрә, садәҹә, дипломатлар вә аиләләри, даими јашамаг, тәһсил, мүалиҹә вә тиҹарәт иҹазәси олан шәхсләр сәрһәдләрдән кечә биләрләр.
Иранын Ҝөмрүк Идарәсинин сөзчүсү вурғулајыб: "Бу ҝүндән етибарән хариҹи вәтәндашларын ҝиришинә тәтбиг едилән мәһдудијјәтләр гоншу өлкәләрдән әлавә бир нечә Африка вә Авропа өлкәси, о ҹүмләдән Британијаја да шамил едиләҹәк".
Ләтифинин сөзләринә ҝөрә, гоншу өлкәләрлә сәрһәдләрин бағланмасынын сәбәби коронавирусун "омикрон" штаммынын өлкәјә јајылмасынын гаршысыны алмагдыр.
"Гоншу өлкәләрлә тиҹарәт үзрә бүтүн сәрһәд-кечид мәнтәгәләри ачыгдыр вә Тибб Елмләри Университетинин нүмајәндәләри сәрһәдләрдә јерләшдирилиб вә истисна едиләнләрин өлкәјә дахил олмаг үчүн мәнфи ПҸР тести вә пејвәнд карты олмалыдыр", дејә о, билдириб
342/
26 dekabr 2021 - 13:20
Xəbər kodu: 1212522
Иранын Ҝөмрүк Идарәсинин сөзчүсү гоншу өлкәләрдән туристләрин ҝиришинә гадаға гојулдуғуну ачыглајыб.
