Азәрбајҹанлы шәргшүнас: "Иран вә Азәрбајҹан сырадан бир гоншу сајыла билмәз"

АБНА24 Хәбәр Верир, Самид Бағыров Еаст-Неwс порталы илә мүсаһибәдә дејиб: “Иранла Азәрбајҹан рәһбәрлијинин гаршылыглы әлагәләрин горунуб сахланылмасы, мөһкәмләндирилмәси вә ҝенишләндирилмәси истигамәтиндә һәмишә сијаси ирадәси олуб. Ҝөрүшләрин интенсивләшмәси һәр ики дөвләтин вә халгын мәнафејини тәмин едир. Бунун әксинә олараг, Иран-Азәрбајҹан мүнасибәтләриндә анормаллыг ҝәрҝинлијин һаким олмасыдыр.”

Шәргшүнасын сөзләринә ҝөрә, сон ҝәрҝинлијин чох гыса сүрмәси ону ҝөстәрди ки, ики дөвләт вә халг бир-биринә даһа бағлыдырлар вә онларын арасында һәр һансы бир ҝәрҝинлик чох сүрә билмәз. Ики дөвләт башчылары вә ХИН рәһбәрләри арасында ҝөрүшләр дә бу гаршылыглы гоншулуг, гардашлыг вә тәрәфдашлыг һиссиндән, еләҹә дә һәр ики тәрәфин игтисади марагларыны тәмин етмә бахымындан зәруридир.

Сон заманларда ики өлкәнин 3+3 форматында јер алмасына тохунан Самид Бағыров гејд едиб: “БМТ Баш Ассамблејасында ики өлкәнин бир-биринә дәстәк вермәси, һәр ики өлкәнин Гошулмама һәрәкаты чәрчивәсиндә бир-биринә сијаси дәстәкләри әсирҝәмәмәси вә саир аддымлар ондан хәбәр верир ки, тәрәфләр бејнәлхалг инстансијаларда да бир-биринә дәстәк вермәји өзләринә борҹ билирләр.”

Ики гоншу өлкә арасындакы мүнасибәтләри корламаг истәјән бәзи гүввәләрин мөвҹудлуғундан бәһс едән шәргшүнас алим сонда дејиб: “Иранла Азәрбајҹанын мүнасибәтләринин корланмасыны вә әлагәләрин ҝәрҝинләшмәсини истәјән чохлу дахили гүввәләр вә хариҹи тәрәфләр вар. Башда АБШ олмагла, Гәрб дөвләтләри бу просесдә мараглыдырлар. Ортада Исраил вә Сәудијјә Әрәбистаны коалисијаси кими амилләр дә өз ишини ҝөрүр. Лакин ики өлкәнин сијаси рәһбәрлији билир ки, һәр ики дөвләтин белә ҝәрҝинлији ҝөтүрмәјә нә тагәти вар, нә дә һөвсәләси. Һәм дә Иран вә Азәрбајҹан сырадан бир гоншу сајыла билмәз. Дин, дил, мәзһәб, тарихи мүштәрәк ҹәһәтләрин фәргли ҹәһәтләри үстәләмәси, ејни мәдәнијјәтә малик олмаг вә саир амилләр имкан верә билмәз ки, ики дөвләт вә ики халг бу гәдәр ҝәрҝин мүнасибәтләрә сәбр едә билсин.

342/