Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасында рәсми сәфәрдә олан Иран Ислам Республикасынын хариҹи ишләр назири Һүсејн Әмир Абдуллаһиан декабрын 22-дә Азәрбајҹан Милли Мәҹлисинин сәдри Саһибә Гафарова илә ҝөрүшүб.
Иран Ислам Республикасынын хариҹи ишләр назири Һүсејн Әмир Абдуллаһиан Азәрбајҹана сәфәриндән вә бурада кечирдији ҝөрүшләрдән мәмнун галдығыны сөјләјиб. Ҹәнаб Әмир Абдуллаһиан 44 ҝүнлүк Вәтән мүһарибәсиндә газанылмыш Зәфәрә ҝөрә Азәрбајҹан халгыны вә Милли Мәҹлисин сәдрини тәбрик едәрәк, өз үрәк сөзләрини сөјләјиб. Билдириб ки, Иран Ислам Республикасы Азәрбајҹанын әрази бүтөвлүјүнү һәр заман дәстәкләјиб.
Һүсејн Әмир Абдуллаһиан ики өлкә мүнасибәтләринин сијаси, игтисади, мәдәни, һуманитар саһәләрдә даһа да инкишафында Иранын мараглы олдуғуну дејиб. Гејд едилиб ки, һәр ики дөвләт башчыларынын сијаси ирадәси сајәсиндә мүнасибәтләримиздә кејфијјәтҹә јени мәрһәлә башлајыб.
Иран Ислам Республикасынын Хариҹи Ишләр Назири, јүксәк сәвијјәли сијаси мүнасибәтләрин диҝәр саһәләрә дә мүсбәт тәсир етдијини сөјләјиб. Билдирилиб ки, әмәкдашлығымызын даһа да дәринләшмәсинә парламентләр дә мүһүм төһфә верир.
Сөһбәтдә тәрәфләри марагландыран диҝәр мәсәләләр барәдә данышылыб.
Ҝөрүшдә Азәрбајҹан Республикасынын Иранла парламентләрарасы әлагәләр үзрә ишчи групунун үзвләри Елдар Ибраһимов, Әзиз Әләкбәров, Милли Мәҹлис Апаратынын рәһбәри Сәфа Мирзәјев, Иран Ислам Республикасындакы сәфири Әли Әлизадә вә Иран Ислам Республикасынын Азәрбајҹандакы сәфири Сејид Аббас Мусәви вә диҝәр рәсми шәхсләр иштирак едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
