АБНА24 : Русијанын Хариҹи Ишләр Назирлији НАТО-нун шәргә доғру вә Русија сәрһәдләри бојунҹа ҝенишләнмәсини дајандыраҹағына даир Москваја зәманәт вермәнин Гәрбин марагларына ујғун олаҹағыны вурғулајыб.
Рәсми Москва һәмчинин НАТО-ну Русија сәрһәди јахынлығында һәрби тәлимләри дајандырмаға чағырыб.
Русија Хариҹи Ишләр Назирлији бәјан едиб ки, Бирләшмиш Штатлар Украјна вә Ҝүрҹүстанын НАТО-ја гәбулу илә бағлы гәрары рәсмән ләғв етмәлидир.
Русија президенти Владимир Путин дә чәршәнбә ҝүнү ахшам дејиб ки, Русија Украјна бөһраны илә бағлы америкалы һәмкары Ҹо Бајденлә данышыглары давам етдирмәк үчүн бир һәфтә әрзиндә Вашингтона идејалар ҝөндәрәҹәк.
Русија президенти әлавә едиб: "Украјнанын НАТО-ја дахил олмасы перспективиндән нараһат олмаја билмәрик, чүнки һеч шүбһәсиз бизи тәһдид едән һәрби гүввәләрин, базаларын вә силаһларын јерләшдирилмәси илә нәтиҹәләнәҹәк".
Бир нечә һәфтәдир ки, АБШ-ын рәһбәрлик етдији Гәрб өлкәләри долајы ачыгламалар вә медиаларда аноним мәнбәләр васитәсилә верилән мәлуматларла Русијаны Украјнаја һүҹум һазырламагда иттиһам едир.
Русија дәфәләрлә бәјан едиб ки, Украјна илә сәрһәддә һәрби мөвҹудлуғу нормал һәрби һәрәкәтдир, лакин АБШ вә мүттәфигләри һәлә дә Русија-Украјна сәрһәдиндә вәзијјәти ҝәрҝин олараг, ҝөстәрмәкдә давам едирләр.
Русијаја гаршы бу иттиһамлар елә бир һалда ирәли сүрүлүр ки, Украјна бу илин әввәлиндә АБШ-дан јүксәк мигдарда һәрби сурсат вә "Ҹавелин" ракетләри алыб вә бу өлкә һәрбчиләри дә Түркијә истеһсалы олан минаатанлар вә гырыҹы ПУА-ларына малик олдугларыны дејирләр.
342/
11 dekabr 2021 - 13:31
Xəbər kodu: 1207438
Русија Шимали Атлантик Алјансы НАТО-ну Ҝүрҹүстан вә Украјнаја үзвлүк вермәк үчүн 2008-ҹи илдә гәбул едилмиш бәјаннамәни рәсми олараг, ләғв етмәјә чағырыб.
