Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Фәләстин Ислами Ҹиһад һәрәкатынын баш катиби Зиад ән-Нәхалә Гәзза золағында мүгавимәтин давам етдирилмәсинә тәкид едәрәк, “Әл-Мәјадин” телеканалынын “Ләбә әл-Умм” програмында сионист режимини һәр һансы ахмаг аддым атмагдан чәкиндирәрәк дејиб: “Ислами Ҹиһад һәрәкатынын командирләри вә дөјүшчүләринин өлдүрүлмәси еһтималыны истисна етмирик, лакин белә оларса, Тәл-Әвиви дәрһал ракет атәшинә тутаҹағыг”.
Фәләстин Ислами Ҹиһад Һәрәкатынын баш катиби мүгавимәтин давам етдијини вә фәалијјәтинин заман вә мәканла мәһдудлашмадығыны вурғулајараг әлавә едиб: Шејх Фәди Әбу Шәхидамын фәдакар әмәлијјаты ишғалчы режим үчүн дәрс олду.
О, сионист режимин Гәззәјә гаршы һәрби әмәлијјатыны һазыркы вәзијјәтдә чәтин адландырыб вә дејиб: Сионист режимин бу һәрәкәти онун үчүн чох пис нәтиҹәләрә сәбәб олаҹаг. Фәләстин мүгавимәти истәнилән сионист тәҹавүзүнә ҹаваб вермәјә һазырдыр вә биз бир анда бүтүн сионист јашајыш мәнтәгәләрини ракетлә вура биләрик.
Зиад ән-Нәхалә әлавә етди: “Гүдс гылынҹы” дөјүшүндә биз өзүмүзү ајларла давам едән мүһарибәјә һазырламышдыг. Мүгавимәт Гүдс Гылынҹ дөјүшүндән сонра һәрби имканларыны ҝүҹләндириб вә силаһ истеһсалыны давам етдирир. Гәзза золағында пилотсуз тәјјарәләр вар вә Фәләстин мүгавимәти онлары Гәззанын өзүндә истеһсал едир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
