АБНА24 Хәбәр Верир, Никол Пашинјан бунунла әлагәдар дејиб ки, Азәрбајҹан вә Ермәнистан арасында дөвләт сәрһәдинин демаркасија вә делимитасијасына һазырлыг мәрһәләси үзрә Русија Мүдафиә Назирлијинин тәклифи Ирәван үчүн гәбул едиләндир.
Нојабрын 18-дә һөкумәтин иҹласында чыхыш едән Ермәнистан дөвләт башчысынын сөзләринә ҝөрә, бу илин мајындан Русија Ермәнистан вә Азәрбајҹан арасында сәрһәдин демаркасија вә делимитасисијасы үзрә 3 тәклиф ирәли сүрүб: “Бунларын 3-ү дә Ирәван үчүн гәбил едиләндир. Русијанын Мүдафиә Назирлији демаркасија вә делимитасија үзрә һазырлыг мәрһәләсини тәклиф едиб.
Пашинјан әлавә едиб ки, Ермәнистанын мүдафиә назири Сурен Папикјана Русијанын мүдафиә назири орду ҝенералы Серҝеј Шојгу илә тәклифин деталларыны дәгигләшдирмәји тапшырыб.
Бу арада Туран Хәбәр Аҝентлији өз тәһлилиндә билдириб ки, Ирәван Бакы илә сүлһ мүгавиләси бағламаг вә Азәрбајҹанын әрази бүтөвлүјүнү танымаг истәмир вә сәрһәдин мүәјјән едилмәси мәсәләсини Гарабағ мәсәләсиндән ајырмаға чалышыр. Јәни Гарабағын статусу мәсәләси Ирәван вә Бакы арасында дејил, АТӘТ-ин Минск Групу чәрчивәсиндә һәлл едилмәлидир. Азәрбајҹан исә бу јанашманы тәкзиб едир, әрази бүтөвлүјү танынмадан диҝәр мәсәләләрин һәллини гејри-мүмкүн һесаб едир.
342/
19 noyabr 2021 - 21:39
Xəbər kodu: 1200184
Ермәнистанын баш назири сәрһәдләрин мүәјјәнләшдирилмәси илә бағлы Русијанын тәклифләрини гәбул етдијини билдириб.
