АБНА24 Хәбәр Верир,Гадын Һүгугларыны Мүдафиә Ҹәмијјәтинин рәһбәри Новелла Ҹәфәроғлу Туран Хәбәр Аҝентлији илә мүсаһибәдә дејиб ки, Зәфәр Ҝүнү мүнасибәтилә амнистија актынын гәбул едилмәси әһәмијјәтли һадисә олса да, актын сијаси мәһбуслары әһатә етмәмәси тәәссүф доғурур.
Һүгуг мүдафиәчиси сијаси мәһбус мәсәләсинә бирдәфәлик сон гојулмасынын ваҹиб олдуғуну хатырладыб. “Бизим сијаһыда да 38 сијаси мәһбус вар. Үмидимиз бунадыр ки, әфв фәрманы сијаси мәһбус мәсәләсинә сон гоја биләр”, -Ҹәфәроғлу дејиб.
Бакы Инсан Һүгуглары Клубунун рәһбәри Рәсул Ҹәфәров исә амнистијаны мүсбәт гијмәтләндириб. О ејни заманда дејиб ки, сијаси мәһбус мәсәләси бу контекстдә һәллини тапсајды, амнистија актынын мәзмуну даһа ҝениш ола биләрди.
Репрессија вә Ишҝәнҹәләр Әлејһинә Комитәнин координатору Намизәд Сәфәров да Туранла мүсаһибәдә билдириб ки, амнистија әслиндә бүтүн мәһбусалара шамил олунмалыјды: “Бу мәнада Азәрбајҹанда амнистија актынын гәбул едилмәси принсипләри даим позулур. Амнистија акты сијаси фикир вә мәфкурәсинә ҝөрә һәбс едиләнләрә шамил олунмур. Һәмин адамлара Ҹинајәт Мәҹәлләсинин мүхтәлиф маддәләрилә иттиһамлар ирәли сүрүлсә дә, онлара гаршы ҹинајәт ишләринин ујдурма вә сахталашдырылмыш олдуғу ајдындыр", - дејә Сәфәров билдириб.
Гејд едәк ки, Амнистија Акты лајиһәси өлкә президенти Илһам Әлијев тәрәфиндән парламентә тәгдим едилиб. Акт 6 мин адама шамил олунаҹаг, о ҹүмләдән 3 мин нәфәр азадлыға чыхаҹаг.
Һүгуг мүдафиәчиләринин мәлуматына ҝөрә, һазырда Азәрбајҹан һәбсханаларында 120-дән чох сијаси мәһбус сахланылыр.
342/
5 noyabr 2021 - 20:12
Xəbər kodu: 1195791
Һүгуг мүдафиәчиләри Азәрбајҹан Республикасында һазыркы амнистијанын сијаси мәһбуслар проблемини һәлл етмәјәҹәјини билдирирләр.
