АБНА24 Хәбәр Верир,Буһәбиб билдириб ки, Ливан һөкумәти Һизбуллаһын ролуну азалтмаға гадир дејил, зира бу, реҝионал бир мәсәләдир. Гејд едиб ки, Әрәбистан Һизбуллаһын ролуну мәһдудлашдырмаг үчүн Ливан һөкумәти васитәсилә гејри-мүмкүн бир шәраити гәбул етдирмәк ардынҹадыр.
Ливанын хариҹи ишләр назири Әрәбистанла Ливан арасындакы проблемин һәлли үчүн васитәчи өлкә ролу барәдә исә белә дејиб: Һазырда нәзәрдән кечирилән мәсәлә, Әрријадла Бејрут арасындакы проблемин һәлли үчүн Гәтәрин васитәчилик етмәси еһтималыдыр.
О, Нәҹиб Мигати һөкумәтилә Әрәбистан арасында һәр ҹүр әлагәни рәдд едиб.
Белә бир һалда, Әрәбистанын хариҹи ишләр назири Фејсәл бин Фәрһан тамамилә мүдахилә маһијјәтли бир ифадәдә иддиа едибдир ки, өлкәсинин Ливанла дипломатик бөһраны јохдур, амма Һизбуллаһын Ливанын сијасәтиндәки јијәлијинә ҝөрә, рәсми Бејрутла анлашма фајдасыздыр.
Өтән ҝүнләрдә Әрәбистан, әмирликләр, Бәһрејн вә Күвејт Ливанын информасија назири Ҹорҹ Фәрдаһинин једдииллик Јәмән савашы барәдәки чыхышына етиразда өз сәфирләрини ҝери чағырыблар.
Фәрдаһи назир олмаздан өнҹә сөјләдији ифадәдә Јәмәнә гаршы савашы әбәс һәрәкәт адландырмыш вә она сон гојулмасыны истәмишди.
342/
4 noyabr 2021 - 05:28
Xəbər kodu: 1195239
Ливанын хариҹи ишләр назири Абдуллаһ Буһәбиб дүнән ҝеҹә дејиб ки, Әрријад Ливана өз мүмкүнсүз шәраитини гәбул етдирмәк истәјир.
