Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Әрбәин зәвварларына хидмәт ҝөстәрән, Ирагын Насиријјә шәһәриндән олан, "Мәһд Әкбәр" хидәт чадырынын мәсул шәхси "Сејјид Һејдәр Һүсејни" АБНА хәбәр аҝентлијинин мүхбиринә вердији ексклүзив мүсаһибәсиндә Әрбилдә кечирилән “хәјанәткарлыг иҹласы” илә мүхалифәтчилијинә ишарә едәрәк, сөјләјиб: "Әрбил ҝөрүшүнүн әлејһинәјик. Бу ҝөрүш, Ираг халгына хәјанәтдир.
Артыг бир нечә ајдыр ки, Ирагла Исраил арасында мүнасибәтләри нормаллашдырмаг үчүн бир лајиһәнин һазырландығы барәдә шајиәләр долашырды, сүнниләр, күрдләр вә шиәләрдән ибарәт мүхтәлиф үнсүрләр бу лајиһәјә ҹәлб олунублар. Бу иҹлас “шејтани иҹласдыр”, Али Тәглид Мәрҹәләри, Ираг рәсмиләри Әрбилдәки сөзү ҝедән иҹласа гаршы чыхыблар.
Биз Әрбәинәзадарларына хидмәт ҝөстәрән чадыр һејәтләрини бу шејтани лајиһәјә гаршы чыхмаға вә Ирагла Исраил арасында әлагәләрин гурулмамасы үчүн сәфәрбәр етдик.
Биз, Әрбәин әзадарларына хидмәт ҝөстәрән чадыр һејәтләри адындан Ираг һөкумәтини Әрбил ҝөрүшүнү гынамаға вә Ираг ганунларына ҝөрә, Исраиллә әлагәләрин ҹинајәт олдуғуна үчүн бу ҝөрүш иштиракчыларыны ҹәзаландырмаға чағырырыг. Ираг һөкумәти һәрәкәтә кечмәсә, Ираг халгы бу мөвзуда вәзифәсини шәриәт фәтвасына әсасән вә һөкумәтдән иҹазә алмадан јеринә јетирәҹәк.
Диггәт: Хәбәрдән Истифадә Етдикдә Мәнбәјә Истинад Лазымдыр!
