АБНА24 Хәбәр Верир, Сејид Ибраһим Рәиси бу ҝүн Шанхај Әмәкдашлыг Тәшкилатынын 21-ҹи саммитиндә иштирак едән рәсмиләр вә дөвләт башчылары гаршысындакы чыхышында сонра белә сөјләјиб: Шанхај Әмәкдашлыг Тәшкилаты јахшы шәкилдә ҝөстәрибдир ки, өз игтисади, сијаси, дәјәр вә әһали имканларына сөјкәнмәклә бејнәлхалг мултилатерализмин һәрәкәтвериҹи гүввәсинә чеврилә биләр. Бу мәсәлә инкишаф етмәкдә олан өлкәләрин мүштәрәк дәјәрләри әсасында бир ҹәмијјәтин формалашмасы зәмининин һазыр олдуғуну ҝөстәрир.
Иран Ислам Республикасынын хариҹи сијасәтинин даима әдаләт, һәмкарлыг, гаршылыглы һөрмәт вә реҝионал вә бејнәлхалг проблемләрлә үзләшмәдә конструктив рол ојнамаг зәрурәти әсасында бејнәлхалг тәшкилатларда фәал иштирака, чохтәрәфлилијә вә тәктәрәфлиликлә мүхалифәтә сөјкәндијини дилә ҝәтирән Рәиси дејиб ки, хүсусән игтисади саһәдә икитәрәфли әмәкдашлыгларын ҝүҹләндирилмәси Шанхај Әмәкдашлыг Тәшкилатынын дүнја игтисадијјатындакы стратежи ролунун јүксәлмәсиндәки мүһүм амилидир.
«Бу ҝүн дүнја јени бир дөврә дахил олуб вә һеҝемончулуг вә унилатерализм мәһв олмаға доғру ҝедир.»-дејән Рәиси билдириб ки, бејнәлхалг систем чохгүтблү олмаға вә мүстәгил өлкәләрин хејринә ҝүҹ бөлҝүсүнә доғру дәјишмәкдәдир.
342/
18 sentyabr 2021 - 12:42
Xəbər kodu: 1181004
Иран Ислам Республикасынын президенти дејиб ки, Шанхај Әмәкдашлыг Тәшкилаты бејнәлхалг мултилатерализмин һәрәкәтвериҹи гүввәсинә чеврилә биләр.
