АБНА24 Хәбәр Верир, сон ҝүнләр Әфганыстанда идарәчилији әлә кечирән "Талибан" режиминин дахилиндә парчаланманын јашанмасы иддиа олунур.
Һакимијјәт уғрунда мүбаризәнин силаһлы тоггушмаја кечдији дејилир. Белә ки, бир нечә ҝүн өнҹә "Талибан" лидерләриндән Молла Әбдүл Гәни Бәрадәрин тәрәфдарлары илә "Һаггани" груплашмасы арасында атышма баш вердији, нәтиҹәдә Бәрадәрин өлдүрүлдүјү иддиа едилир.
Ислам Әмирлијинин јүксәк вәзифәли рәсмиләринин илк дипломатик ҝөрүшү олараг, Талибанын баш назири Мәһәммәд Һәсән Ахундзадәнин Гәтәрин хариҹи ишләр назири илә ҝөрүшүндән јајымланан кадрларда ҹәнаб Бәрадәрин олмамасы тәсдигләндикдә, ҹәнаб Ахундун мүавининин Әфганыстанын президент сарајындакы ганлы тоггушмалар заманы өлдүјү вә ја јараландығы шајиәси даһа да ҝүҹләниб.
Талибан рәсмиләри исә дејиләнләри тәкзиб етсәләр дә, ҹәнаб Бәрадәрин гејри-ади јохлуғуну әсасландырмаг үчүн сөјләдикләри башга бир сөз-сөһбәтә јол ачыб. Онлар Молла Әбдүл Гәни Бәрадәрин һазырда Талибан лидери Һејбәтуллаһ Ахундзадә илә ҝөрүшмәк үчүн Гәндәһар шәһәриндә олдуғуну дејибләр.
Буну сүбут етмәк үчүн исә 15 дәгигәлик сәс јазысы тәгдим едилиб. Сәс јазысында Бәрадәр олдуғуну дејән шәхс өзүнүн вә силаһдашларынын јахшы олдуғуну билдириб.
342/
16 sentyabr 2021 - 07:53
Xəbər kodu: 1180350
Базар ҝүнү Әфганыстанын президент сарајындан јајымланан бир видеода Молла Әбдүл Гәни Бәрадәрин олмамасы, Талибан лидерләри арасындакы парчаланма илә бағлы зүмзүмәләри сосиал шәбәкәләрдә ҝениш шајиәләрә чевирмәјә кифајәт етди; Бир тәрәфдән Талибанын баш назиринин мүавининин өлдүрүлдүјүнү, диҝәр тәрәфдән дә ҹәнаб Бәрадәрин күсдүјүнү вә Кабилдән Гәндәһара ҝетдијини сөјләјән шајиәләр.
