АБНА24 Хәбәр Верир, “Гәрб-2021” һәрби-стратежи адлы бирҝә һәрби тәлимләр өз мигјасынын ҝенишлији, тәтбиг едилән силаһларын мүасирлији вә чохсај олмасы илә сечилир.
Тәлимләрә 200 мин ҹанлы гүввә, 80-дән чох тәјјарә вә һеликоптер, 760-а гәдәр зиреһли техника ҹәлб олунуб.
Русија Мүдафиә Назирлијинин јајдығы мәлуматда билдирилир ки, тәлимләрин ҝедишиндә пилотсуз учан апаратларла вә ганадлы ракетләрлә мүбаризәјә, шәрти дүшмәнә гаршы атәш зәрбәсинә вә радиоелектрон тәсирә, бир дөјүш әмәлијјатлары нөвүндән сүрәтлә диҝәринә кечмәјә вә мүрәккәб, динамик шәраитин јарадылмасына, тактики һава десанты гүввәләриндән истифадәјә хүсуси диггәт јетирилир.
Тәлимин диггәт чәкән мәгамларындан бири дә пилотсуз учуш апаратларындан актив истифадә едилмәсидир.
Бунунла јанашы, С-400 зенит ракет-комплексләринин көмәји илә ганадлы ракетләрин мәһви, кичик мәнзилли “Исҝәндәр-М” баллистик ракетләри илә команда-идарәетмә мәнтәгәләринин мәһв олунмасы, зәрбә дронлары вә һүҹум һеликоптерләри илә јерүстү һәдәфләрин, ҹанлы гүввә вә зиреһли техниканын мәһв едилмәси тәлимләр планына дахил едилиб. Мәлумата ҝөрә “Гәрб-2021” тәлимләри заманы әлаһиддә бөлмәләрин әсас гүввәләрдән ајрылараг, шәрти дүшмәнин нәзарәтиндә олан әразиләрин дәринликләриндә рејдләр кечирмәси дә мәшг едилиб.
Азәрбајҹандакы сијаси-һәрби даирәләр дејирләр ки, “Гәрб-2021” тәлимләрини Ермәнистанын мүдафиыә назири Аршак Карапетјанын да Мулино полигонунда изләмәси рәсми Јереванын тәлимләрин ҝедишатына вә әлдә олунаҹаг нәтиҹәләрә ҹидди өнәм вермәсини ҝөстәрир. Хүсусилә дә она ҝөрә ки, рәсми Москва “Гәрб-2021” тәлимләрин ссенарисини Сурија вә Гарабағдакы һәрби әмәлијјатларын тәҹрүбәси әсасында һазырландығыны елан едиб.
Онлар хәбәрдарлыг едирләр ки, тәлимләр Ермәнистанын 44 ҝүнлүк мүһарибәнин нәтиҹәләри әсасында јени һәрби доктрина гурмасына, Русија илә бирҝә апарылан орду ислаһаты чәрчивәсиндә јени стандартлара кечмәсинә вә Москванын истеһсал етдији јени нәсил силаһлара, хүсусән, кәшфијјат вә зәрбә дронларына марағынын артмасына стимул верә биләр.
342/
16 sentyabr 2021 - 07:44
Xəbər kodu: 1180344
Русијаны гоншу Беларус илә бирҝә һәрби тәлимләр кечирмәси Азәрбајҹанда марагла изләнилир.
