АБНА24 Хәбәр Верир, "Вәтәндаш мүгавиләси" партијасындан олан депутат Ајк Саркисјан Ермәнистанын сабиг мүдафиә назирләрини тәнгид едиб. Белә ки, депутат гејд едиб ки, "зәнҝ вә ја пул мүгабилиндә ордудан азад едилән һәрбчиләрин заманында олмуш мүдафиә назирләри вәтән хаинләридир".
Бундан сонра Ермәнистанын сабиг мүдафиә назири Сејран Оһанјанла депутат арасында сөз гаршыдурмасы јашаныб. Депутат Саркисјана су шүшәси атылыб вә бу артыг су атышмасына башланғыҹ олуб. сонра мүхалиф вә "Вәтәндаш мүгавиләси"дән олан депутатлар бир-бириләринә су габлары атдылар.
Дүнән дә Ермәнистан парламентиндә галмагал јашанмышды. Парламентин иҹласында "Шәрәфим вар" блокунун депутаты Анна Мкртчјан өз чыхышы заманы Пашинјанын јол вердији сәһвләри садаламаға башлајанда "Вәтәндаш мүгавиләси" партијасынын депутатлары јерләриндән гышгырараг онун сөзүнү кәсмәјә чалышдылар вә бу парламентдә галмагаллы анларын јашанмасына ҝәтириб чыхарды.
Бәзи депутатлар "Никол сатгындыр!" дејә гышгырыблар,давада Артсвик Минасјанын палтары ҹырылыб, Анна Мкртчјаны исә зорла залдан чыхарыблар.
342/
26 avqust 2021 - 09:22
Xəbər kodu: 1173349
Ермәнистан Парламентиндә бу ҝун нөвбәти гаршыдурма јашаныб, депутатлар бир-бириләринә су габлары атыблар.
