АБНА24 Хәбәр Верир, Әфганыстанын Президент Сарајындан верилән мәлумата ҝөрә, Әфганыстан президенти Әшрәф Гәни вә АБШ президенти Ҹозеф Бајден арасында телефон данышығы олуб.
Телефон данышығы заманы, тәрәфләр ики өлкә арасындакы әлагәләрин давам етдирилмәсини мүзакирә едибләр.
Бајден, бир даһа өлкәсинин Әфганыстанын тәһлүкәсизлик вә мүдафиә гүввәләринә дәстәјинин давам едәҹәјини вурғулајыб. Телефон данышығында, Әфганыстанын тәһлүкәсизлик гүввәләринин Әфганыстаны горујаҹағы вә мүдафиә едәҹәји гејд олунуб.
Лидерләр, әфганларын сүлһ вә тәһлүкәсизлик үчүн бирликдә чалышмасынын, давамлы әмәкдашлығын, Әфганыстан һөкумәтинә, тәһлүкәсизлик вә мүдафиә гүввәләринә дипломатик вә игтисади дәстәјин давам етмәси вә сон ијирми илдә әлдә едилән уғурларын горунуб-сахланылмасынын ваҹиблијини дә мүзакирә едибләр.
Бу елә бир һалдадыр ки, бундан әввәл АБШ президенти Ҹо Бајден Әфганыстандакы бүтүн һәрбчиләрини сентјабрын 11-дән әввәл бу өлкәдән чыхараҹағыны бәјан етмишди.
Бу телефон данышығы елә бир һалда баш тутуб ки, АБШ дөвләт катиби Ентони Блинкен дә ҹүмә ҝүнү дејиб: "Талибан Әфганыстанда һакимијјәти зорла әлә кечирәҹәји тәгдирдә, Әфганыстан тәҹрид едилмиш бир өлкәјә чевриләҹәк".
"Әҝәр Талибан Әфганыстанда нәзарәти әлә кечирсә, бу өлкә бејнәлхалг дәстәк алмајаҹаг", дејә о, әлавә едиб.
Јүксәк вәзифәли АБШ рәсмиси дејиб: "Вашингтон Әфганыстанда һәрби һәлл јолунун олдуғуна инанмыр вә бу өлкәдә 40 иллик мүнагишәјә сон гојмағын јолларыны нәзәрдән кечирир".
342/
24 iyul 2021 - 14:23
Xəbər kodu: 1162912
Бајден әфган һәмкары илә баш тутуан телефон данышығы заманы, дипломатик вә игтисади јардымларын давам етмәсинә тәкид едәрәк, АБШ-ын Әфганыстан гүввәләринә дәстәк верәҹәјини вурғулајыб.
