Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иранын мөмин ҝәнҹ тәдгигатчы вә алимләрин сәјләри нәтиҹәсиндә каронавируса гаршы пејвәнд бу јахынларда лисензија алмагла Иран Ислам Республикасы дүнјада корона пејвәнди истеһсал едән алты өлкәдән биринә чеврилиб.
Бу сәбәбдән дә "COV-İRAN Barekat" пејвәндинин илк дозасыны гәбул едән Үмүдүнја Мүсәлманларынын Али лидери Ајәтуллаһүл Сејид Әли Хаменеи өлкәләрини өз биликләри, тәҹрүбәләри вә елми вә практик сәјләри илә гүрурландыран бүтүн инсанлара тәшәккүр едиб.
Имам Хаменеи ҹәнаблары бу барәдә дејибләр: "Һөрмәтли Сәһијјә назиринә вә өлкәнин бүтүн сәһијјә ишчиләринә, бу ишдә ролу олан һәмкарлара тәшәккүр едирәм. Әввәлҹә Ирана аид олмајан пејвәнди истифадә етмәк истәмәдим, она ҝөрә Иран пејвәндини ҝөзләјәҹәјими дедим. Нијә бу милли шәрәфә һөрмәт етмәмәлијик вә өлкәдә бир профилактика вә мүалиҹә еһтималы олдуғу мүддәтдә нијә истифадә етмәјәк? Әлбәттә, лазым олдугда Иран пејвәнди илә бирликдә хариҹи пејвәндләрин истифадәси бир проблем дејил, амма Иран пејвәндинә вә бу пејвәндин истеһсалында чалышган вә фәал олан бүтүн ҝәнҹ алимләрә һөрмәт етмәлијик".
Ислам Ингилабынын Бөјүк Рәһбәри вурғулајыблар: “Иран ваксининдән истифадәјә исрар етәмјимдән әлавә, тәкид едирәм ки, ваксинин вурдурулмасы өз тәбии нөвбәсиндә һәјата кечирилмәлидир. Бу ҝүн әлһәмдулиллаһ, сәксән јашындан јухары вә мәнимлә јашыд олан шәхсләрин әксәр һиссәси ваксин вурдурубдур.”
Имам Хаменеи ҹәнаблары һәмчинин ваксинлә бағлы мәгаләләрин јајылмасы вә елми сәнәдләрин гејдә алынмасынын зәрурәтини өнә чәкәрәк тәкидлә билдирибләр: “Дүнјанын сизин бөјүк ишиниздән мәлуматланмасы үчүн ваксинин вахтында, сүрәтлә вә ҝүҹлү истеһсал етмәси илә јанашы онун елми мәгалә вә сәнәдләрини дә һазырлајыб, нәшр един.”
Диггәт: Хәбәрдән Истифадә Етдикдә Мәнбәјә Истинад Лазымдыр!
