АБНА24 Хәбәр Верир, Азәрбајҹан Республикасы мәдәнијјәт назири Анар Кәримов икинҹи Гарабағ мүһарибәсиндән сонра ЈУНЕСКО-нун Азәрбајҹана гаршы гәрәзли бәјанатларыны хатырладыб анҹаг бу гурумун сонрадан өз сәһвләрини баша дүшдүјүнү вә артыг конструктив мөвгедән чыхыш етдијини дејиб.
“Бу нечә ил әрзиндә биз УНЕСҸО-нун озаманкы ишғал олунмуш әразиләримиздә мониторинг миссијасы кечирмәләрини ҝөзләдик. Әфсуслар олсун, һеч бир нәтиҹә әлдә етмәдик. Онларын Вәтән мүһарибәсиндән сонра вердији бәјанатлар бизи гане етмәди. Лакин бизим сәрт мөвгејимиздән сонра артыг онлар баша дүшдүләр ки, бизимлә шантаж дилиндә данышмаг мүмкүн дејил, чүнки биз башга Азәрбајҹаныг.- дејә Анар Кәримов билдириб.
Назир дејиб ки,УНЕСҸО-нун Азәрбајҹана техники миссијасынын башланмасы ҝөзләнилир. Бу данышыглар һеч дә асан кечмир, анҹаг биз мөвгеләримиздән дөнмүрүк.
Хатырладаг ки, Ермәнистан тәрәфиндән мәдәни абидәләрин дағыдылмасы мөвзусунун арашдырылмасы илә бағлы өтән илин декабрында Азәрбајҹан Хариҹи Ишләр Назирлијинин УНЕСҸО-ја мүраҹиәти ҹавабсыз галыб. Азәрбајҹанын мәдәнијјәт назири Анар Кәримов да бу мәсәлә барәдә УНЕСҸО-ја дәфәләрлә мүраҹиәт едиб, анҹаг УНЕСҸО Ермәнистанын төрәтдији мүһарибә ҹинајәтләрини арашдырмагдан имтина едир.
Буна бахмајараг бәзи гәрб гурумлары вә сијасәтчиләри УНЕСҸО-ја мүраҹиәт едәрәк ишғалдан азад едилән Азәрбајҹан торпагларында христиан абидәләринин талејиндән “нараһат” олдугларыны, бу абидәләри “тәһлүкә” ҝөзләдијини билдирдикдән сонра УНЕСҸО дәрһал бу чағырышлара мүнасибәт билдирди вә Христиан абидәләрин талејиндән ҹидди нараһат олараг христиан абидәләринин вәзијјәтини өјрәнмәк үчүн ишғалдан азад олунмуш Азәрбајҹан торпагларына миссија ҝөндәрмәкдә мараглы олдуғуну нүмајиш етдиди.
Инди Азәрбајҹан Республикасы мәдәнијјәт назиринин УНЕСҸО-нун өз сәһвләрини баша дүшдүјүнү билдирмәсинә бахмајараг бир чох тәлилчиләрә ҝөрә бу бејнәлхалг гурумун гәрб дөвләтләри вә даирәләринин тәсири алтында олдуғуна ҝөрә онун сәһвләрини дүзәлдәҹәјинә инанмаг чәтиндир.
342/
12 iyun 2021 - 20:52
Xəbər kodu: 1149959
Азәрбајҹан Республикасы мәдәнијјәт назири УНЕСҸО-нун гәрәзли мөвгејини хатырладараг бу гурумдан әдаләт ҝөзләдијини дејиб.
