АБНА24 Хәбәр Верир, тәрәфләр кампанија башлајан кими бир-бирләринин үнванына тәһгирләр јағдырмагдадырлар.
Бунунла әлагәдар Никол Пашинјан әсасән кечмиш президентләри сәрт тәһгир вә тәнгид јағышына тутур. Өтән ҝүн о, Серж Саркисјанын Монте Карло казиносунда милјонларла доллар удузмасы һагда мәсәләни нөвбәти дәфә јада салыб. Ҹаваб олараг Серж Саркисјан она сүбут тәгдим етмәк үчүн 24 саат вахт вериб.
Саркисјан дејиб: "Пашинјан фактлары тәгдим етмәлидир, ја да мән онун вә аиләсинин һаггында елә фактлар ачыглајаҹам ки, ҹәмијјәт үзүнә түпүрәҹәк. Фактлары тәгдим етмәсә она диван тутаҹам”.
Пашинјан һәмчинин өтән ҝүн Саркисјана “инсан алверчиси” демишди. Бу, Саркисјанын Пашинјана оғлу Ашоту Азәрбајҹанда сахланылан 20-25 ермәни әсҝәринә дәјишдирмәк тәклифинә ҹаваб олараг дејилмишди. Пашинјан билдирмишди ки, оғлуну Азәрбајҹанда сахланылан ермәни әсҝәрләринә дәјишмәјә һазырдыр, амма бу ишлә бағлы данышыг апармаг сәлаһијјәтини Саркисјанла Кочәрјана верир. Чүнки онлар адам алвери ишиндә пүхтәләшибләр.
Иттиһамлара ҹаваб олараг Саркисјанын мүттәфиги олан Милли Тәһлүкәсизлик Комитәсинин кечмиш сәдри Артур Ванетсјан өзүнүн Фаҹебоок сәһифәсиндә Пашинјаны тәһгир едиб. “Сән кимсән ахы мүһарибәни удмуш Гарабағ гәһрәманынын, президентин адыны тәһриф олунмуш формада чәкирсән? Мән сәнинлә ишләмишәм, инди исә Серж Саркисјанла ишләјирәм. Вә мәндә белә тәәсүрат јараныб ки, санки мал төвләсиндән академијаја дүшмүшәм. Сән өз ҝүнаһларында боғулурсан”,- дејә Ванетсјан билдириб.
342/
9 iyun 2021 - 21:20
Xəbər kodu: 1149098
Ермәнистанда ијунун 20-дә кечириләҹәк нөвбәдәнкәнар парламент сечкиләри әрәфәсиндә мисли ҝөрүнмәмиш дәрәҹәдә сәрт, ҝәрҝин кампанија ҝедир.
