АБНА24 Хәбәр Верир, Исраил режиминин мүдахиләси нәтиҹәсиндә јүзләрлә фәләстинли хәсарәт алыб. Буна ҹаваб олараг Фәләстин әразисиндән ишғалчы Исраилә бир нечә ракет атылыб. Ракетләр Исраилдә һәм рәсми шәхсләр, һәм дә јәһудиләр арасында бөјүк тәшвишлә гаршыланыб. Исраил исә ҹаваб атәши олараг Фәләстинә бир нечә авиазәрбә ендириб. Нәтиҹәдә 9-у ушаг олмагла, 20 Фәләстин вәтәндашы шәһид олуб.
Исраил режими илләрдир Фәләстин бөлҝәләриндә, хүсусән Рамазан ајында мүхтәлиф тәхрибатлар төрәтмәклә фәләстинлиләрә гаршы зоракылыг нүмајиш етдирир. Бу аддымларын архасында сионист ишғал планы дајаныр. Ислам дүнјасынын ән мүгәддәс мәканларындан бири олан вә мүсәлманларын илк гибләси сајылан "Әл-Әгса" мәсҹидинә басгын едән радикал јәһудиләр бөлҝәдәки ҝәрҝинлији артырыр вә чиркин сијасәтләрини һәјата кечирмәји дүшүнүрләр.
Мәлум мәсәләдир ки, Исраил рәһбәрлији тәрәфиндән гәсдән аловландырылан бу атәшин архасында сионист амбисијалара әсасланан ҝенишләндириҹи сијасәт јер алыр. Фәләстинлиләри хүсусилә зоракылыг, зүлм вә тәһдидлә мүсәлман торпагларындан говмаға чалышан Исраил режими бу ил дә өз һәгиги симасыны ортаја гојуб.
Һазырда Гүдсдәки ҝәрҝинлијә сәбәб кими јәһудиләрин мәсҹидә дахил олмаг ҹәһдләри ҝөрүнсә дә, әсас сәбәб башгадыр. Исраил Гүдсү ишғал етдији 1967-ҹи илдән бәри фәләстинлиләри мүхтәлиф бәһанәләрлә орадан чыхарыр вә јәһуди көчкүнләри онларын јерләринә јерләшдирмәјә чалышыр. Исраил режими бу ҝүнә гәдәр Шәрги Гүдсдә 18 ганунсуз јәһуди мәскунлашма јери инша едиб вә бу јашајыш јерләриндә 220 миндән чох јәһуди көчкүн јерләшдириб. Сионист режимдән әлавә, екстремист јәһуди тәшкилатларын Шәрги Гүдсү јәһудиләшдирмәк ҹәһдләри дә ишғалдан сонра сүрәтләниб.
Шәрги Гүдсдәки фәләстинлиләрә евләрини сатмаг үчүн дәјәриндән дәфәләрлә баһа гијмәт тәклиф олунур. Бунунла разылашмајан фәләстинлиләр исә зорла, евләри сөкүләрәк, орадан чыхарылыр вә јерләринә јәһудиләр көчүрүлүр.
Исраил режиминин Гүдс вә Фәләстинлә бағлы планларынын алт-үст олмасы үчүн Ислам үммәтинин бирҝә мүбаризә апармасы вә сионист режимлә әлагәләрини кәсмәси әсас шәртләрдән биридир. Иранын Алимәгамкы лидери Ајәтуллаһүл-үзма Сејид Әли Хаменеи дә чыхышы заманы билдирмишди ки, мүсәлманлар Гүдс истигамәтиндә бирләшмәлидир: "Бу мүбарәк ҝәләҹәкдә мүсәлман өлкәләринин чичәкләнмәси әсас һәдәф олмалыдыр вә бу, чох да узаг ҝөрүнмүр. Бу артымын мәркәзиндә бүтүн өлкә мәнасыны верән Фәләстин вә мүгәддәс Гүдсүн талеји дурур. Бу, Имам Хомејнинин (рәһ) нурани гәлбини Рамазан ајынын сон ҹүмә ҝүнү Бејнәлхалг Гүдс ҝүнү елан етмәјә вадар едән һәгигәтдир. Гәти дејирәм, бу сәјләр нәтиҹә вермәјәҹәк. Сионист режимин чөкүшү башлајыб вә дајанмајаҹаг". Мәнбә: һттпс://еастнеwс.орҝ/неwс/56435
342/
11 may 2021 - 14:10
Xəbər kodu: 1140078
Сон ҝүндә Исраил тәрәфинин башлатдығы тәхрибат вә мәскунлашма планы ишғал алтында олан Гүдс шәһәри башда олмагла, реҝионда бөјүк наразылыг јарадыб.
