АБНА24 Хәбәр Верир, АПА-нын мәлуматына ҝөрә, буну Украјнанын хариҹи ишләр назири Дмитри Кулеба мәтбуат конфрансында дејиб. “Украјна Президенти Владимир Зеленски дә русијалы һәмкары илә данышыг апармаг үчүн мүраҹиәт етди, лакин Кремл буна да ҹаваб вермәди. Дүшүнүрәм ки, бүтүн бунлар Украјна вә Русијанын мүнагишәнин һәлл јолуну нијә мүзакирә едә билмәмәсинә ҹавабдыр. Украјна һәлл јолуну мүзакирә етмәјә истәклидир. Данышыглар үчүн форматлар мөвҹуддур. Әҝәр Русија бу истәјә гаршылыглы шәкилдә вә хош нијјәтлә ҹаваб версәјди, әминәм ки, биз һәлл јолуна наил олардыг. Лакин тәәссүф ки, биз буну ҝөрмүрүк”, - дејә Украјна ХИН башчысы гејд едиб. “Шимал ахыны-2” илә бағлы суала ҹаваб верән Д. Кулеба гејд едиб ки, адычәкилән лајиһә енержи тәһлүкәсизлијинә ҹидди тәһдиддир: ““Шимал ахыны-2” енержи ресурсларынын шахәләндирилмәсинә хидмәт етмир. “Шимал ахыны-2” һәм Украјнанын, һәм дә Авропанын тәһлүкәсизлијинә тәһдиддир”. Д. Кулеба вурғулајыб ки, бу лајиһә әввәлләр коммерсија характерли олса да, инди Русија бу лајиһәни тәзјиг васитәси кими истифадә едир: “Бу енержи тәһлүкәсизлији лајиһәси дејил, сәрт тәһлүкәсизлик лајиһәсидир”.
342/
