АБНА24 Хәбәр Верир, Мустафа Шентоп Истанбулда мүхбирләрлә мүсаһибәдә Авропа парламенти ассамблејасынын Түркијә гүввәләринин Суријадан чыхарылмаларына даир гәрарына ҹаваб олараг дејиб: Бу гәрар тәәҹҹүблү дејил, чүнки һәлә Авропада худбин вә мәнфәәтпәрәст сијасәтчиләриндән бир групу мөвҹуддур. Түркијә парламентинин сәдри һәмчинин авропалы рәсмиләрин Сурија барәдәки сөзләрини рүсвајчылыг вә утанҹ мәнбәји адландырыб. О, бир даһа суријалы дидәрҝинләрин гәбул едилмәси мәсәләсини ирәли сүрүб. Иддиа едиб ки, Анкара бу иши тәкликдә ҝөрәҹәк. Авропа Парламенти Суријада бөһранын һөкм сүрмәсинин онунҹу илиндә бир лајиһә гәбул едәрәк, Түркијәдән истәјибдир ки, өз һәрби гүввәләрини Суријадан чыхарсын. Авропа парламентинин бәјанатына ҹавабда Түркијә хариҹи ишләр назирлији дә бир бәјанатда Суријаја гошун јеритмәји вә бу өлкәјә һәрби мүдахиләни өзүнүмүдафиә үчүн шәртли бир һагг адландырыб. Түркијә ордусу террорчуларла мүбаризә бәһанәсилә ики илдән чох мүддәт өнҹә Суријанын бәзи бөлҝәләрини ишғал едиб вә Түркијә һәрбчиләриндән бир групу һәлә дә бу бөлҝәләрдә иштирак едир.
342/
