АБНА24 Хәбәр Верир, Ирагын мүгавимәт гүввәләринин табелијиндә олан «Сабирин Нјус» медиасы бу ҝүн билдириб ки, Америка гырыҹылары Ираг-Сурија сәрһәдиндә бир бинаны вә диҝәр бир нөгтәни һәдәфә алыблар. Гејд олунан објектләр Әлбукәмал вә Әлгаим бөлҝәләри арасында јерләшир. Бу һүҹум нәтиҹәсиндә индијәдәк бир нәфәр өлүб, бир нечә нәфәр исә јараланыбдыр. «Уолл-Стрит Ҹоурнал» гәзети дә мәлуматлы мәнбәләрә истинадла јазыб ки, Америка гырыҹылары тәрәфиндән һәдәфә алынан бинадан, америкалы гүввәләрә гаршы һүҹум үчүн истифадә едилибдир. АБШ мүдафиә назирлији- Пентагон бир бәјанатда билдириб ки, Америка президенти Ҹо Бајденин ҝөстәриши илә Суријанын шәргиндәки мөвгеләри бомбалајыб, зира һәмин мөвгеләрдән Ирагын Күрдүстан иглими бөлҝәсиндә јерләшән америкалы гүввәләрин базасына һүҹум едилибдир. Өтән һәфтә Әрбил бејнәлхалг аеропортуна вә онун әтрафына бир нечә ракет атылыбдыр ки, нәтиҹәдә бир америкалы подратчы өлүб, доггуз нәфәр дә јараланыбдыр. «Сәраја Улија Әлдәм» групу Әрбил һава лиманына гаршы һүҹумун мәсулијјәтини үзәринә ҝөтүрүб. Бир чох Ираг вәтәндашы вә ираглы груп террорчу америкалы гүввәләрин бу өлкәдән чыхмаларыны тәләб едир. Ираг парламенти дә һәмин гүввәләрин чыхышы барәдә бир лајиһә гәбул едибдир.
342/
